نورۆەگيالىق سەرىكتەستەرمەن تاجىريبە الماستى

قازاقستانداعى بالا قۇقىقتارى جونىندەگى ۋاكىل زاعيپا باليەۆا باستاعان دەلەگاتسيا نورۆەگيا كورولدىگىندە ساپارمەن ءجۇر, دەپ حابارلادى قازاقستان پارلامەنتى ءماجىلىسىنىڭ ءباسپاسوز قىزمەتى. دەلەگاتسيا قۇرامىندا پارلا­مەنت ءماجىلىسىنىڭ دەپۋتاتتارى سۆەتلانا بىچكوۆا, ناتاليا جۇما­دىلداەۆا, ورتالىق جانە جەرگىلىكتى اتقارۋشى, قۇقىق قورعاۋ جانە سوت ورگاندارىنىڭ, ادام قۇقىقتارى جونىندەگى ۋاكىل وكىلدەرى بار. ساپار ماقساتى – قازاقستان رەسپۋبليكاسىندا بالالارعا قاتىستى زاڭ جۇيەسىن حالىقارالىق ستاندارتتارعا سايكەس دامىتۋ, بالا قۇقىقتارىن قورعاۋ جانە مونيتورينگ جۇرگىزۋ سالاسىندا, مەملەكەتتىك ورگانداردىڭ بالا قۇقىقتارى جونىندەگى ۋاكىلمەن ءوزارا قارىم-قاتىناسى, قىلمىس قۇرباندارى مەن كۋاگەرلەرى بول­عان بالالاردى قورعاۋدىڭ مەحا­نيزم­دەرى بويىنشا تاجىريبە الماسۋ. ساپاردىڭ ءبىرىنشى كۇنىندە قازاقستاننىڭ نورۆەگياداعى ەلشىسى قايرات ابۋسەيىتوۆپەن جانە نورۆەگياداعى بالا قۇقىق­تارى جونىندەگى ۋاكىل اننە ليندبوۋە­مەن كەزدەسۋلەر وتكىزىلدى. سونىمەن قاتار, قازاقستان دەلەگاتسياسى سىرتقى ىستەر, بالالار, تەڭدىك جانە ينتەگراتسيا, دەنساۋلىق جانە الەۋمەتتىك قورعاۋ, ءبىلىم جانە عىلىم, ادىلەت مينيستر­لىكتەرىنە, يۋنيسەف-ءتىڭ ۇيلەس­تىرۋ ورتالىعىنا, ورتالىق ازيا بيۋروسىنا, بالا قۇقىقتارى ءجونىن­دەگى ۇيلەستىرۋ ورتالىعىنا, پار­لامەنتكە, ادام قۇقىقتارى جونىندەگى ۇلتتىق ينستيتۋتقا, پوليتسيا جانىنداعى بالالار ۇيىنە, پروكۋراتۋراعا, نورۆەگيانىڭ سوت باسقارماسىنا, وسلو جانە اكەرسحۋسا ۋنيۆەرسيتەتتىك كول­لەدجىنە باردى. ساپار بۇۇ بالالار قورىنىڭ (يۋنيسەف) قولداۋىمەن ۇيىم­داستىرىلدى.