كۇننىڭ باتۋىن سۋرەتكە تۇسىرەمىن دەپ اجال قۇشتى
امەريكانىڭ نيۋ-دجەرسي شتاتىندا ءبىر ەر كىسى جاعاجايدا باتىپ بارا جاتقان كۇندى تۇسىرەمىن دەپ ءجۇرىپ, جارتاس باسىنداعى الاڭقايدان تومەن قۇلاپ كەتىپ, قازا تاپتى.
پوليتسەيلەردىڭ حابارلاۋىنشا, 68 جاستاعى مارك سايمون Sand Beach جاعاجايىندا جۇرگەنىندە 12 مەترلىك بيىكتىكتەن قۇلاعان. ونى جارتاس باسىنا شاقىرىپ, باتقان كۇندى ءتۇسىرۋدى ۇسىنعان ايەلى ەكەن.
الپىس جاسىندا انا اتاندى
ماسكەۋلىك 60 جاستاعى ايەل مامىر ايىندا بالپاناقتاي ۇل تۋىپ العان. بىراق ءوزىنىڭ بۇل قۋانىشىن كۇنى بۇگىنگە دەيىن جاسىرىپ كەلىپتى.
ايەل ۇلعايعان شاعىندا نەگە مۇنداي تاۋەكەلگە بارعانىن دا ايتپاعان. ال ول بوسانعان ن. باۋمان اتىنداعى № 29 قالالىق كلينيكالىق اۋرۋحانا جانىنداعى پەرزەنتحاناداعىلار بالانىڭ ەكو جولىمەن قابىلدانعانىن, شارانانىڭ جاقسى جاعدايدا تۋعانىن اشىپ قويدى. كرەملدى قالادا بىلتىر دا وسىلاي الپىسقا كەلگەن ايەل بالالى بولعان ەكەن.
قالا ورتالىعىن مىڭ قوي باسىپ قالدى
يسپانيانىڭ سولتۇستىك-شىعىسىنداعى ۋەسكا قالاسىنىڭ ورتالىعى ءبىر مەزگىلدە ءبىر وتار قويدىڭ مەكەنى بولىپ شىعا كەلدى.
مۇندا تاڭ الدىندا مىڭنان اسا قوي لاپ ەتىپ كىرىپ كەلگەندە, اينالا دەمدە ازان-قازان بولىپ كەتكەن. شۇعىل جەتكەن پوليتسيا ولاردى قورشاۋعا الىپ, سىرتقا بىرتىندەپ شىعارىپ بولعانشا ءۇش ساعات ۋاقىت وتكەن. ال دالادا ۇيىقتاپ جاتقان شوپان ءتىپتى, قويلارىنىڭ كەتىپ قالعانىن دا بىلمەپتى.
ناتو سولداتتارىنا دا جان كەرەك
ناتو-نىڭ رەسەي شەكاراسىندا وتكىزگەن جاتتىعۋىنا قاتىسىپ جاتقان ءفيننىڭ ءۇش مىڭ سولداتى ورماننان ايۋدى كورگەندە, جان-جاققا تىم-تىراقاي قاشقان.
سۋومي ساربازدارى ۇلكەن اشىق الاڭقايعا قاراي «ۋرالاپ» جۇگىرۋگە ەندى كوتەرىلگەلى تۇرعاندارىندا ارت جاقتارىنان وراسان زور قوڭىر ايۋ شىعا كەلەدى. بۇدان زارەلەرى ءزار تۇبىنە كەتكەن جاۋىنگەرلەر بەتتەرى اۋعان جاققا قاشا جونەلىپتى. ال ايۋدىڭ ولاردا شارۋاسى بولماعان, اسكەري بازانىڭ اس بولمەسىنە كىرىپ, وزىنە كەرەگىن الىپ جەي بەرگەن.
بالا اناسى ولگەن سوڭ ءتورت ايدان كەيىن ومىرگە كەلدى
پورتۋگاليانىڭ استاناسى – ليسسابون قالاسىندا 37 جاستاعى ايەل دارىگەرلەر ميى ءولىپ قالعانىن انىقتاعاننان كەيىن ءتورت ايدان كەيىن ومىرگە پەرزەنت اكەلگەن.
مەديكتەر وسىعان وراي, جاسالعان وپەراتسيانى ەرلىككە باعالاپ وتىر. ايتپەسە, ايەلدىڭ ميى ءولىپ قالعانى اقپان ايىندا-اق بەلگىلى بولعان ەكەن. بىراق ول جاساندى اۋا بەرۋ تۇتىگىنەن اجىراتىلماعان. وسىلايشا بالانى امان-ەسەن تۋعىزىپ الۋ كوزدەلگەن. بۇدان بۇرىن قايتىس بولعانىنا 55 كۇن بولعان ايەلدىڭ بالا تۋ وقيعاسى پولشادا ورىن العان ەدى.
ءۇندىستاندا مايمىل دۇكەندى توناپ كەتتى
ءۇندىنىڭ گۋنتۋر دەگەن قالاسىندا ءبىر مايمىلدىڭ اسىل تاستار دۇكەنىن توناپ كەتۋ وقيعاسى ورىن الدى.
مارتىشكا 20 مينۋتتىڭ ىشىندە ءسورەلەردەن ءارتۇرلى اشەكەي بۇيىمداردى سىپىرىپ كەتكەن. بۇعان كاسسادان كەتكەن 144 دوللاردى قوسىڭىز. ءسويتىپ, تايىپ تۇرعان. بەينەباقىلاۋ كامەراسى وسىنىڭ ءبارىن جازىل العان. بىراق مايمىلدى قولعا ءتۇسىرۋ مۇمكىن بولماپتى.
ءوزىنىڭ تويىندا وكىرىپ جىلاعان...
De Rienzo Films اگەنتتىگى ۇيلەنۋ تويلارىنىڭ بەينە-بايانىن ءتۇسىرىپ, جاساۋمەن اينالىسادى جانە وسى ونەرگە ماماندانعان. جاقىندا اتالعان اگەنتتىك ءوزىنىڭ پلاتفورماسىندا بەينەبايان جاريالادى.
Vimeo دەپ اتالاتىن بەينەجازبادا كۇيەۋ جىگىت ونىڭ قالىڭدىعى التارعا جەتكەنشە, نەگە ەكەنى بەلگىسىز, وڭكەڭدەپ جىلاپ جىبەرگەن. ال قالىڭدىق بولسا, مۇنداي «اراڭداتۋشىلىققا» مويىنسۇنباي, سالماقتى قالپىن ساقتاپ قالىپتى. 8 ماۋسىم كۇنى جاريالانعان بەينەباياندى اينالاسى ەكى كۇننىڭ ىشىندە 232 مىڭنان استام ادام تاماشالاپ ۇلگەرگەن.
اقپارات اگەنتتىكتەرىنىڭ ماتەريالدارى نەگىزىندە دايىندالدى
امەريكانىڭ نيۋ-دجەرسي شتاتىندا ءبىر ەر كىسى جاعاجايدا باتىپ بارا جاتقان كۇندى تۇسىرەمىن دەپ ءجۇرىپ, جارتاس باسىنداعى الاڭقايدان تومەن قۇلاپ كەتىپ, قازا تاپتى.
پوليتسەيلەردىڭ حابارلاۋىنشا, 68 جاستاعى مارك سايمون Sand Beach جاعاجايىندا جۇرگەنىندە 12 مەترلىك بيىكتىكتەن قۇلاعان. ونى جارتاس باسىنا شاقىرىپ, باتقان كۇندى ءتۇسىرۋدى ۇسىنعان ايەلى ەكەن.
الپىس جاسىندا انا اتاندى
ماسكەۋلىك 60 جاستاعى ايەل مامىر ايىندا بالپاناقتاي ۇل تۋىپ العان. بىراق ءوزىنىڭ بۇل قۋانىشىن كۇنى بۇگىنگە دەيىن جاسىرىپ كەلىپتى.
ايەل ۇلعايعان شاعىندا نەگە مۇنداي تاۋەكەلگە بارعانىن دا ايتپاعان. ال ول بوسانعان ن. باۋمان اتىنداعى № 29 قالالىق كلينيكالىق اۋرۋحانا جانىنداعى پەرزەنتحاناداعىلار بالانىڭ ەكو جولىمەن قابىلدانعانىن, شارانانىڭ جاقسى جاعدايدا تۋعانىن اشىپ قويدى. كرەملدى قالادا بىلتىر دا وسىلاي الپىسقا كەلگەن ايەل بالالى بولعان ەكەن.
قالا ورتالىعىن مىڭ قوي باسىپ قالدى
يسپانيانىڭ سولتۇستىك-شىعىسىنداعى ۋەسكا قالاسىنىڭ ورتالىعى ءبىر مەزگىلدە ءبىر وتار قويدىڭ مەكەنى بولىپ شىعا كەلدى.
مۇندا تاڭ الدىندا مىڭنان اسا قوي لاپ ەتىپ كىرىپ كەلگەندە, اينالا دەمدە ازان-قازان بولىپ كەتكەن. شۇعىل جەتكەن پوليتسيا ولاردى قورشاۋعا الىپ, سىرتقا بىرتىندەپ شىعارىپ بولعانشا ءۇش ساعات ۋاقىت وتكەن. ال دالادا ۇيىقتاپ جاتقان شوپان ءتىپتى, قويلارىنىڭ كەتىپ قالعانىن دا بىلمەپتى.
ناتو سولداتتارىنا دا جان كەرەك
ناتو-نىڭ رەسەي شەكاراسىندا وتكىزگەن جاتتىعۋىنا قاتىسىپ جاتقان ءفيننىڭ ءۇش مىڭ سولداتى ورماننان ايۋدى كورگەندە, جان-جاققا تىم-تىراقاي قاشقان.
سۋومي ساربازدارى ۇلكەن اشىق الاڭقايعا قاراي «ۋرالاپ» جۇگىرۋگە ەندى كوتەرىلگەلى تۇرعاندارىندا ارت جاقتارىنان وراسان زور قوڭىر ايۋ شىعا كەلەدى. بۇدان زارەلەرى ءزار تۇبىنە كەتكەن جاۋىنگەرلەر بەتتەرى اۋعان جاققا قاشا جونەلىپتى. ال ايۋدىڭ ولاردا شارۋاسى بولماعان, اسكەري بازانىڭ اس بولمەسىنە كىرىپ, وزىنە كەرەگىن الىپ جەي بەرگەن.
بالا اناسى ولگەن سوڭ ءتورت ايدان كەيىن ومىرگە كەلدى
پورتۋگاليانىڭ استاناسى – ليسسابون قالاسىندا 37 جاستاعى ايەل دارىگەرلەر ميى ءولىپ قالعانىن انىقتاعاننان كەيىن ءتورت ايدان كەيىن ومىرگە پەرزەنت اكەلگەن.
مەديكتەر وسىعان وراي, جاسالعان وپەراتسيانى ەرلىككە باعالاپ وتىر. ايتپەسە, ايەلدىڭ ميى ءولىپ قالعانى اقپان ايىندا-اق بەلگىلى بولعان ەكەن. بىراق ول جاساندى اۋا بەرۋ تۇتىگىنەن اجىراتىلماعان. وسىلايشا بالانى امان-ەسەن تۋعىزىپ الۋ كوزدەلگەن. بۇدان بۇرىن قايتىس بولعانىنا 55 كۇن بولعان ايەلدىڭ بالا تۋ وقيعاسى پولشادا ورىن العان ەدى.
ءۇندىستاندا مايمىل دۇكەندى توناپ كەتتى
ءۇندىنىڭ گۋنتۋر دەگەن قالاسىندا ءبىر مايمىلدىڭ اسىل تاستار دۇكەنىن توناپ كەتۋ وقيعاسى ورىن الدى.
مارتىشكا 20 مينۋتتىڭ ىشىندە ءسورەلەردەن ءارتۇرلى اشەكەي بۇيىمداردى سىپىرىپ كەتكەن. بۇعان كاسسادان كەتكەن 144 دوللاردى قوسىڭىز. ءسويتىپ, تايىپ تۇرعان. بەينەباقىلاۋ كامەراسى وسىنىڭ ءبارىن جازىل العان. بىراق مايمىلدى قولعا ءتۇسىرۋ مۇمكىن بولماپتى.
ءوزىنىڭ تويىندا وكىرىپ جىلاعان...
De Rienzo Films اگەنتتىگى ۇيلەنۋ تويلارىنىڭ بەينە-بايانىن ءتۇسىرىپ, جاساۋمەن اينالىسادى جانە وسى ونەرگە ماماندانعان. جاقىندا اتالعان اگەنتتىك ءوزىنىڭ پلاتفورماسىندا بەينەبايان جاريالادى.
Vimeo دەپ اتالاتىن بەينەجازبادا كۇيەۋ جىگىت ونىڭ قالىڭدىعى التارعا جەتكەنشە, نەگە ەكەنى بەلگىسىز, وڭكەڭدەپ جىلاپ جىبەرگەن. ال قالىڭدىق بولسا, مۇنداي «اراڭداتۋشىلىققا» مويىنسۇنباي, سالماقتى قالپىن ساقتاپ قالىپتى. 8 ماۋسىم كۇنى جاريالانعان بەينەباياندى اينالاسى ەكى كۇننىڭ ىشىندە 232 مىڭنان استام ادام تاماشالاپ ۇلگەرگەن.
اقپارات اگەنتتىكتەرىنىڭ ماتەريالدارى نەگىزىندە دايىندالدى
