قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №288

2015 جىلعى 28 ءساۋىر, استانا قالاسى دارىلىك زاتتاردى رەتسەپتىمەن بوساتۋعا جاتقىزۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 69-بابىنىڭ 5-تارماعىنا سايكەس بۇيىرامىن: 1. وسى بۇيرىققا قوسىمشاعا سايكەس دارىلىك زاتتاردى رەتسەپتىمەن بوساتۋعا جاتقىزۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى № 288 بۇيرىعىنا قوسىمشا دارىلىك زاتتاردى رەتسەپتىمەن بوساتۋعا جاتقىزۋ قاعيدالارى 1. وسى دارىلىك زاتتاردى رەتسەپتىمەن بوساتۋعا جاتقىزۋ قاعيدالارى دارىلىك زاتتاردى رەتسەپتىمەن بوساتۋعا جاتقىزۋ ءتارتىبىن ايقىندايدى. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (بۇدان ءارى – مەملەكەتتىك ورگان) دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى سالاسىنداعى ساراپتاما ۇيىمىنىڭ (بۇدان ءارى – ساراپتاما ۇيىمى) مەملەكەتتىك تىركەۋ, قايتا تىركەۋ, تىركەۋ دەرەگىنە وزگەرىستەر ەنگىزۋ كەزىندە دارىلىك زاتتىڭ ساراپتاماسىن جۇرگىزۋ ناتيجەلەرى بويىنشا بەرىلگەن قورىتىندىسىنىڭ نەگىزىندە دارىلىك زاتتى رەتسەپتىمەن بوساتۋعا جاتقىزۋ تۋرالى شەشىم قابىلدايدى. 3. ساراپتاما ۇيىمى دارىلىك زاتتى مەملەكەتتىك تىركەۋ, قايتا تىركەۋ جانە ونىڭ تىركەۋ دەرەگىنە وزگەرىستەر ەنگىزۋ كەزىندە ارنايى فارماكولوگيالىق ساراپتاما ساتىسىندا دارىلىك زاتتى رەتسەپتىمەن بوساتۋعا جاتقىزۋ قاجەتتىلىگىن بەلگىلەۋ ءۇشىن: 1) كومپونەنتتەردىڭ فارماكولوگيالىق ۇيلەسىمدىلىگىن; 2) شىعۋ تەگى مەن ەرەكشە بەلسەندىلىگىن; 3) قولدانۋ تاسىلدەرى مەن جاناما اسەرلەرىنىڭ بەيىنىن; 4) فارماكولوگيالىق قاسيەتتەرىن (فارماكوكينەتيكا, فارماكوديناميكا); 5) فارماكوكينەتيكالىق پارامەترلەرىنە سايكەس دوزالاردىڭ بارابارلىعىن: ۇسىنىلاتىن دوزالاردى, فارماكوكينەتيكالىق قاسيەتتەرىن ەسكەرە وتىرىپ دوزالاۋ رەجيمىن تالداۋدى جانە دوزاسىنىڭ اسىرىلۋ قاۋپىن; 6) اسىرا پايدالانۋ قاۋپى دارەجەسىن (جوعارى, بولماشى نەمەسە جوق), سونداي-اق دارىلىك زاتتاردا ەسىرتكى, پسيحوتروپتىق زاتتار مەن پرەكۋرسورلاردىڭ بارىنشا جەتكىلىكتى قۇرامىن; 7) ۋىتتىلىقتى, ۇرپاقتى بولۋ فۋنكتسياسىنا اسەردى, ەمبريوندىق ۋىتتىلىقتى, تەراتوگەندىكتى, مۋتاگەندىكتى, كانتسەروگەندىكتى زەرتتەۋ ناتيجەلەرىن; 8) دارىلىك زاتتىڭ قاۋىپسىزدىگى مەن تيىمدىلىگىن: بايقالعان اسقىنۋلاردى, جاناما اسەرلەردى تالداۋ, ولاردى جويۋ شارالارى, دارىلىك زاتتىڭ مولشەرى, كونتسەنتراتسياسى مەن ولاردىڭ دارىلىك زاتتىڭ قاۋىپسىزدىگىمەن جانە تيىمدىلىگىمەن ءوزارا بايلانىسى نەگىزىندە كلينيكالىق زەرتتەۋلەر ناتيجەسى بويىنشا; قاۋىپسىزدىك تۋرالى كەزەڭدىلىكپەن جاڭارتىلىپ وتىراتىن ەسەپتەردىڭ دەرەكتەرى – پرەپاراتتىڭ قاۋىپسىزدىك بەيىنىن, جاڭا جاناما اسەرلەرىن, قارسى كورسەتىلىمدەرىن انىقتاۋدى, باسقا ەلدەردەگى پرەپارات ستاتۋسىنىڭ وزگەرۋىن قاۋىپسىزدىك ۇعىمى بويىنشا رەتتەۋشى ورگان نەمەسە ءوندىرۋشى قابىلداعان شارالار, پرەپاراتتىڭ قاۋىپسىزدىگى, قاۋىپتى جانە بۇرىن تىركەلمەگەن جاناما اسەرلەرىنىڭ سيپاتى مەن سانى جونىندەگى اقپاراتتاعى وزگەرىستەر تۋرالى جاڭارتىلعان دەرەكتەردىڭ تالداۋىن باعالاۋدى جۇرگىزەدى. 4. دارىلىك زاتتى فارماكولوگيالىق ساراپتاۋ ناتيجەسى بويىنشا رەتسەپتىمەن نەمەسە رەتسەپتىسىز بوساتۋعا جاتقىزۋ تۋرالى قورىتىندى جاسالادى جانە بوساتۋ شارتى كورسەتىلە وتىرىپ, دارىلىك زاتتىڭ مەديتسينالىق قولدانۋ جونىندەگى نۇسقاۋلىعىن بەكىتۋ ءۇشىن مەملەكەتتىك ورگانعا ۇسىنىلادى. 5. رەتسەپتىمەن بوساتىلاتىن دارىلىك زاتتارعا: 1) ەسىرتكى, پسيحوتروپتىق زاتتار, پرەكۋرسورلار جانە ولاردىڭ زاڭسىز اينالىمى مەن ولاردى شەكتەن تىس تۇتىنۋعا قارسى ءىس-قيمىل شارالارى تۋرالى قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسىندا باقىلاۋعا جاتاتىن, قۇرامىندا ەسىرتكى, پسيحوتروپتىق زاتتار مەن پرەكۋرسورلار بار دارىلىك زاتتار; 2) پارەنتەرالدىق ەنگىزۋگە ارنالعان دارىلىك زاتتار; 3) ستاتسيونار جاعدايىندا عانا قولدانىلاتىن دارىلىك زاتتار, ونىڭ ىشىندە دياگنوستيكالىق دارىلىك زاتتار; 4) تاعايىنداۋ مەن ودان ارعى قابىلداۋ دارىگەردىڭ تۇراقتى باقىلاۋىمەن جۇرگىزىلۋى قاجەت دارىلىك زاتتار; 5) دياگنوزى ستاتسيونار جاعدايلارىندا نەمەسە قاجەتتى دياگنوستيكالىق جابدىعى بار مەكەمەلەردە قويىلاتىن, ال دارىلىك پرەپاراتتى قولدانۋ جانە ودان ارعى باقىلاۋ امبۋلاتوريالىق جاعدايلاردا جۇزەگە اسىرىلۋى مۇمكىن اۋرۋلاردى ەمدەۋگە ارنالعان دارىلىك پرەپاراتتار; 6) قۇرامىندا ودان ءارى زەرتتەۋدى تالاپ ەتەتىن دارىلىك سۋبستانتسيا, بەلسەندىلىگى جانە (نەمەسە) كەرى اسەرى بار دارىلىك زاتتار: العاش تىركەلگەن, جاڭا اسەر ەتۋشى زاتى بار دارىلىك پرەپاراتتار; قولدانىلۋ تاجىريبەسى شەكتەۋلى جانە (نەمەسە) ساتىلۋى تومەن دارىلىك پرەپاراتتار (دارىلىك پرەپاراتتىڭ باسقا ەلدەردە تىركەۋدەن كەيىنگى قولدانۋ تاجىريبەسىن, سونىڭ ىشىندە جالپى كوپشىلىكتە قولدانىلۋى (كلينيكالىق زەرتتەۋلەر بولعان كەزدە) ەسەپكە الا وتىرىپ); جاڭا دوزا, دوزالاۋدىڭ جاڭا رەجيمى, ەنگىزۋدىڭ جاڭا ءتاسىلى, قولدانۋعا جاڭا كورسەتىلىمدەر, جاس شاماسىنىڭ جاڭا توپتارى; 7) دارىلىك پرەپاراتتى مەديتسينالىق قولدانۋ جونىندەگى نۇسقاۋلىققا سايكەس مەديتسينالىق باقىلاۋسىز قولدانعان كەزدە ادام دەنساۋلىعىنا قاۋىپ توندىرەتىن (رەپرودۋكتيۆتى ۋىتتىلىقتى, گەندىك ۋىتتىلىقتى قوسا العاندا ۋىتتىلىق, تەراتوگەندىلىك, كانتسەروگەندىلىك, دارىلىك پرەپاراتتىڭ اسەر ەتۋشى زاتىنىڭ فارماكولوگيالىق بەلسەندىلىگىمەن بايلانىستى ماڭىزدى جاعىمسىز رەاكتسيالار, بولجانباعان ماڭىزدى جاعىمسىز رەاكتسيالار, ءجيى قولدانىلاتىن دارىلىك پرەپاراتتارمەن ءوزارا ارەكەتىنەن ماڭىزدى كولدەنەڭ جاعىمسىز رەاكتسيالار, نەگىزگى اۋرۋدىڭ بۇركەمەلەۋىن تۋدىرۋى مۇمكىن دارىلىك پرەپاراتتار); 2) حالىقتىڭ دارىلىك پرەپاراتتىڭ مەديتسينالىق قولدانۋ جونىندەگى نۇسقاۋلىعىنىڭ تالاپتارىن ساقتاماي قولدانۋى كەزىندە ادام دەنساۋلىعىنا قاۋىپ توندىرەتىن دارىلىك زاتتار (دارىلىك پرەپاراتتى ۇزاق قولدانۋ كەزىندەگى جاعىمسىز رەاكتسيالارى: تولەرانتتىق, كۋمۋلياتيۆتىك اسەرلەر, توقتاتۋ نەمەسە ريكوشەت سيندرومى, تاۋەلدىلىكتىڭ دامۋى, دارىلىك ءوزارا اسەرى). 6. قۇرامىندا ەسىرتكى, پسيحوتروپتىق زاتتار مەن ولاردىڭ پرەكۋرسورلارىنىڭ از دوزاسى بار, قازاقستان رەسپۋبليكاسىنىڭ زاڭناماسىنا سايكەس باقىلاۋعا جاتپايتىن جانە بۇل زاتتاردى اسىرا پايدالانۋ ءۇشىن پرەپاراتتان جەتكىلىكتى مولشەردە وڭاي تاسىلمەن ءبولىپ الىنبايتىن كوپ كومپونەنتتى دارىلىك زاتتار رەتسەپتىمەن بوساتىلاتىن ساناتقا جاتپايدى. 7. دارىلىك زاتتىڭ قاۋىپسىزدىگى مەن تيىمدىلىگى بويىنشا جاڭا فاكتىلەر كەلىپ تۇسكەن جاعدايدا ساراپتاما ۇيىمى وسى مالىمەتتەرگە باعالاۋ جۇرگىزەدى جانە ناتيجەلەرى بويىنشا دارىلىك پرەپاراتتىڭ بوساتۋ ساناتىن وزگەرتۋ قاجەتتىلىگى نەمەسە قاجەتتىلىگىنىڭ بولماۋى تۋرالى ساراپتامالىق قورىتىندىنى مەملەكەتتىك ورگانعا شەشىم قابىلداۋ ءۇشىن ۇسىنادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11233 بولىپ ەنگىزىلدى.