قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №280 2015 جىلعى 28 ءساۋىر استانا قالاسى

  تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ قاعيداسىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابى 1-تارماعىنىڭ 119) تارماقشاسىنا سايكەس بۇيىرامىن: 1. قوسا بەرىلىپ وتىرعان تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىنىڭ باسشىلارى بۇيرىقتى ىسكە اسىرۋ بويىنشا جۇمىس بەرۋشىلەرمەن ءوزارا ءىس-قيمىلدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 ساۋىردەگى №280 بۇيرىعىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ قاعيداسى 1. جالپى ەرەجەلەر 1. وسى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ قاعيداسى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى 2009 جىلعى 18 قىركۇيەكتەگى كودەكسىنىڭ 7-بابىنىڭ 1-تارماعىنىڭ 119) تارماقشاسىنا سايكەس ازىرلەندى جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ ءتارتىبىن ايقىندايدى. 2. پروفيلاكتيكالىق مەديتسينالىق, سونىڭ ىشىندە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە قاراپ-تەكسەرۋلەرگە جاتاتىن حالىقتى سكرينينگىلىك قاراپ-تەكسەرۋ (بۇدان ءارى – پروفيلاكتيكالىق قاراپ-تەكسەرۋ) جۇرگىزۋدىڭ نەگىزگى ماقساتى اۋرۋلاردى ەرتە ساتىدا انىقتاۋ, اۋرۋلاردىڭ دامۋىنىڭ, اۋرۋلاردىڭ تۋىنداۋىنا ىقپال ەتەتىن قاۋىپ فاكتورلارىنىڭ الدىن الۋ, جۇمىس ىستەيتىن حالىقتىڭ دەنساۋلىعىن قالىپتاستىرۋ جانە نىعايتۋ بولىپ تابىلادى. 3. پروفيلاكتيكالىق قاراپ-تەكسەرۋدەن ءوتۋ ءۇشىن جاعداي جاساۋ جۇمىس بەرۋشى مەن جۇمىسكەردىڭ دەنساۋلىعى ءۇشىن ورتاق جاۋاپكەرشىلىگىن ىنتالاندىرۋ ماقساتىندا جۇزەگە اسىرىلادى. 4. پروفيلاكتيكالىق قاراپ-تەكسەرۋ تەگىن مەديتسنالىق كومەكتىڭ كەپىلدىك بەرىلگەن كولەمى شەڭبەرىندە وسى قىزمەتتىڭ تۇرىنە ليتسەنزياسى بار دەنساۋلىق ساقتاۋ سۋبەكتىلەرى جۇرگىزەدى. 5. پروفيلاكتيكالىق قاراپ-تەكسەرۋدى امبۋلاتوريالىق-ەمحانالىق كومەكتى (بۇدان ءارى – مساك ۇيىمدارى) ۇسىناتىن مەديتسينالىق ۇيىمداردا العاشقى مەديتسينالىق-سانيتاريالىق بۋىن ماماندارى جۇرگىزەدى: جالپى پراكتيكا دارىگەرى, ۋچاسكەلىك تەراپەۆت دارىگەر/پەدياتر, ۋچاسكەلىك مەيىرگەر/جالپى پراكتيكا مەيىرگەرى, فەلدشەر, اكۋشەر. 6. پروفيلاكتيكالىق قاراپ-تەكسەرۋ: 1) مەديتسينالىق پۋنكتتە; 2) فەلدشەرلىك-اكۋشەرلىك پۋنكتتە; 3) دارىگەرلىك امبۋلاتوريادا (وتباسى دەنساۋلىعى ورتالىعىندا); 4) ەمحانادا جۇرگىزىلەدى. 7. جۇمىس ىستەيتىن حالىقتى پروفيلاكتيكالىق قاراپ-تەكسەرۋدى ۇيىمداستىرۋ مساك ۇيىمدارىنىڭ مىناداي جۇمىس كەزەڭدەرىنىڭ جۇزەگە اسىرۋىن قامتيدى: 1) اۋماقتىق ۋچاسكەدە كاسىپورىن تىزبەسىن قالىپتاستىرۋدى; 2) «حالىقتىڭ نىسانالى توپتارىن پروفيلاكتيكالىق مەديتسينالىق تەكسەرىپ-قاراۋدى جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 10 قاراشاداعى № 685 بۇيرىعىنا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5918 بولىپ تىركەلگەن) پروفيلاكتيكالىق قاراپ-تەكسەرۋگە جاتاتىن حالىقتىڭ نىسانالى توپتارى تۋرالى جۇمىس بەرۋشىنى حاباردار ەتۋ; 3) مساك ۇيىمدارىندا ءوتۋ كۇنى, ۋاقىتى جانە جۇمىس بەرۋشى ۇسىنعان دەرەكتەر بويىنشا پروفيلاكتيكالىق قاراپ-تەكسەرۋگە جاتاتىن جۇمىس ىستەيتىن حالىقتىڭ ءتىزىمى كورسەتىلگەن كەستەنى بەلگىلەۋ; 4) جۇمىس بەرۋشىگە پروفيلاكتيكالىق قاراپ-تەكسەرۋدەن وتپەگەن ادامدار تۋرالى اقپاراتتى جىبەرۋ; 5) جۇمىس بەرۋشىگە جۇرگىزىلگەن پروفيلاتيكالىق قاراپ-تەكسەرۋدەن كەيىن قوسىمشا تەرەڭ مەديتسينالىق قاراپ-تەكسەرۋدى, ديناميكالىق باقىلاۋدى قاجەت ەتەتىن ادامدار تۋرالى اقپاراتتى جىبەرۋ. 8. مساك ۇيىمدارى پروفيلاكتيكالىق قاراپ-تەكسەرۋ كەزەڭىنە جانە ودان كەيىن: 1) جۇمىس بەرۋشىلەردى جانە جۇمىسكەرلەردى سالاماتتى ءومىر سالتىن قالىپتاستىرۋ, اۋرۋلاردىڭ جانە قاۋىپتىڭ مىنەز-ق ۇلىقتىق فاكتورلارىنىڭ پروفيلاكتيكاسى ماسەلەلەرى بويىنشا حاباردار ەتۋ, كونسۋلتاتسيا بەرۋ جانە وقىتۋ; 2) جۇمىس ىستەۋشىلەردىڭ دەنساۋلىعىن ساقتاۋ جانە دامىتۋ الەۋەتى ماسەلەلەرى بويىنشا بۇقارالىق اقپارات قۇرالدارىندا اقپاراتتىق-ءتۇسىندىرۋ جۇمىستارىن, جۇمىس ىستەۋشىلەردىڭ دەنساۋلىعىن ساقتاۋ بويىنشا ۇزدىك وندىرىستەردىڭ, ۇزدىك جۇمىس بەرۋشىلەردىڭ جانە ت.ب. ۇلگى كورسەتە ءبىلۋدى; 3) جۇرگىزىلگەن پروفيلاكتيكالىق قاراپ-تەكسەرۋ ناتيجەلەرى بويىنشا (اعىمداعى جىلدا ءبىر رەتتەن كوپ ەمەس) اۋرۋلاردىڭ قاۋىپ فاكتورلارىنىڭ بار بولۋىمەن جۇمىس ىستەيتىن حالىقتىڭ توبىن قالىپتاستىرۋدى جانە ونى مونيتورينگتەۋدى; 4) اۋرۋلاردىڭ قاۋىپ فاكتورلارىنا ادامداردى جانە مساك دەڭگەيىندە سالاماتتى ءومىر سالتىن ناسيحاتتاۋ الگوريتمدەرىنە سايكەس ناۋقاستاردى پروفيلاكتيكا ادىستەرىنە, سالاماتتى ءومىردى جۇرگىزۋ داعدىلارىنا وقىتۋدى; 5) بەيىندەرى بويىنشا «دەنساۋلىق مەكتەپتەرى», جاستار دەنساۋلىق ورتالىقتارى, ەگدە جاستاعى ادامداردىڭ كلۋبى جۇمىستارىن ۇيىمداستىرۋدى; 6) اۋرۋلاردىڭ سوزىلمالى تۇرلەرىمەن اۋىراتىن ادامداردى ديسپانسەرلىك ەسەپكە الۋدى جانە ديناميكالىق باقىلاۋدى; 7) قولدانىستاعى زاڭناماعا سايكەس بەكىتىلگەن حالىققا پسيحولوگيالىق كومەكتى جانە ارناۋلى الەۋمەتتىك قىزمەتتەردى كورسەتۋدى قامتاماسىز ەتەدى. 9. پروفيلاكتيكالىق قاراپ-تەكسەرۋ جۇرگىزەتىن مساك ۇيىمدارى پروفيلاكتيكالىق قاراپ-تەكسەرۋ جۇرگىزۋ ساپاسىنا قۇقىقتىق جاۋاپكەرشىلىكتە بولادى. 2. تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋگە جاتاتىن ادامدارعا وسى قاراپ-تەكسەرۋدەن ءوتۋى ءۇشىن جۇمىس بەرۋشىلەردىڭ جاعداي جاساۋ ءتارتىبى 10. جۇمىس ىستەۋشى حالىقتىڭ پروفيلاكتيكالىق قاراپ-تەكسەرۋدەن ءوتۋى ءۇشىن, جۇمىسكەرلەردىڭ پروفيلاكتيكالىق قاراپ-تەكسەرۋدەن ۋاقتىلى ءوتۋى ءۇشىن جاعداي جاساۋ ماقساتىندا جۇمىس بەرۋشى وندىرىستە جاۋاپتى ادامدى تاعايىندايدى: 11. جاۋاپتى ادام: 1) پروفيلاكتيكالىق قاراپ-تەكسەرۋگە جاتاتىن جۇمىسكەرلەردىڭ ءتىزىمىن قالىپتاستىرادى; 2) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنە سايكەس جۇمىس بەرۋشىمەن پروفيلاكتيكالىق قاراپ-تەكسەرۋگە جاتاتىن ادامداردىڭ ءتىزىمىن كەلىسىپ, جۇمىس ىستەيتىن حالىقتىڭ بەكىتىلۋ ورنى بويىنشا مساك ۇيىمدارىنا جىبەرەدى; 3) پروفيلاكتيكالىق قاراپ-تەكسەرۋدەن ءوتۋ كەستەسىن مساك ۇيىمدارىمەن كەلىسەدى; 4) مساك ۇيىمدارىنا جانە جۇمىس ىستەيتىن حالىققا جۇمىس بەرۋشى بەكىتكەن پروفيلاكتيكالىق قاراپ-تەكسەرۋدەن ءوتۋ كەستەسىن مالىمەت ءۇشىن جەتكىزەدى; 5) جۇمىسكەرلەردىڭ قاراپ-تەكسەرۋدەن وتۋىنە مونيتورينگتى جۇزەگە اسىرادى; 6) جۇمىس بەرۋشىگە جۇمىسكەرلەردىڭ پروفيلاكتيكالىق قاراپ-تەكسەرۋدەن ءوتۋ قورىتىندىلارىن ۇسىنادى. 12. جۇمىس بەرۋشى جۇمىس ىستەيتىن حالىقتىڭ پروفيلاكتيكالىق قاراپ-تەكسەرۋدەن ءوتۋى ءۇشىن جاعداي جاساۋ ماقساتىندا: 1) پروفيلاكتيكالىق قاراپ-تەكسەرۋگە جاتاتىن جۇمىسكەرلەردىڭ ءتىزىمىن مساك ۇيىمدارىمەن كەلىسەدى; 2) پروفيلاكتيكالىق قاراپ-تەكسەرۋدەن ءوتۋ كەستەسىن بەكىتەدى; 3) جۇمىسكەرلەرگە پروفيلاكتيكالىق قاراپ-تەكسەرۋدەن ءوتۋ ۋاقىتىنا ونى جۇمىستان بوساتۋ ارقىلى پروفيلاكتيكالىق قاراپ-تەكسەرۋ; دەنساۋلىق ءۇشىن قاۋىپ فاكتورلارى جونىندە (تەمەكى ونىمدەرىن تۇتىنۋ, الكوگولدى, ناشاقورلىقتى شەكتەن تىس تۇتىنۋ, كوپ قوزعالمايتىن, دۇرىس تاماقتانۋ جانە باسقا سالاماتتى ءومىر سالتىن جۇرگىزۋ داعدىلارى جونىندە امبۋلاتوريالىق-ەمحانالىق ۇيىمدار جانىنان «دەنساۋلىق مەكتەپتەرى» تۋرالى حاباردار ەتۋ ارقىلى ساۋىقتىرۋ ءۇشىن جاعداي جاسايدى; 4) جۇمىس ورنىندا سالاماتتى ءومىر سالتىن جۇرگىزۋدى ىنتالاندىرۋ بويىنشا ءىس-شارالاردى (­مىندەتتى وندىرىستىك گيمناستيكا ساباقتارى, «دەنەنى سەرگىتۋ جاتتىعۋلارى», ترەناجەر زالدارىن قۇرۋ, سپورت كەشەندەرىنە ابونەمەنتتەر بەرەدى, پسيحولوگيالىق جۇكتەمەنى ءتۇسىرۋ كابينەتىن ۇيىمداستىرادى, تازا اۋىز سۋدى جەتكىزۋ, تاماقتانۋعا ارنالعان ءۇي-جاي) ۇيىمداستىرادى. 5) تۇراقتى پروفيلاكتيكالىق قاراپ-تەكسەرۋدەن ءوتۋ قاجەتتىلىگى تۋرالى حاباردار ەتۋ جۇمىسىن تۇراقتى نەگىزدە جۇرگىزەدى; 6) ءجيى اۋىرمايتىن, ءوندىرىستىڭ اتىنان جارىستارعا, بۇقارالىق سپورت ءىس-شارالارىنا قاتىساتىن, ءوزىنىڭ دەنساۋلىعىنىڭ الەۋەتىن قولدايتىن ادامدارعا كوتەرمەلەۋ شارالارىن ۇسىنادى. 13. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 155-بابىنا سايكەس جۇمىس بەرۋشىلەر تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە پروفيلاكتيكالىق مەديتسينالىق قاراپ-تەكسەرۋدەن وتپەگەن ادامداردى جۇمىسقا جىبەرمەۋگە ءتيىس. 14. حالىقتىڭ ۋاقتىلى پروفيلاكتيكالىق قاراپ-تەكسەرۋدەن ءوتۋىن مەملەكەتتىك سانيتاريالىق-ەپيدەميولوگيالىق قىزمەت ورگاندارى, مەملەكەتتىك مەديتسينالىق كورسەتىلەتىن قىزمەتتەر سالاسىنداعى باقىلاۋ ورگاندارى جانە ەڭبەك جونىندەگى ۋاكىلەتتى ورگاننىڭ مەملەكەتتىك ەڭبەك ينسپەكتورى باقىلايدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 4 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11267 بولىپ ەنگىزىلدى.