مىسىر قازاقستانمەن ءتۋريزمدى بىرلەسە دامىتۋعا مۇددەلى

الماتىعا رەسمي ساپارمەن مىسىر ءتۋريزمىنىڭ اكىمشىلىگى مەن مىسىر مەيمانحاناشىلارى قاۋىمداستىعىنىڭ وكىلدەرى اتباسىن بۇردى, ولار جۋرناليس­تەرمەن تۋريزم نارىعىنىڭ احۋا­لى تۋراسىنداعى اقپاراتپەن جانە وسى سالاداعى جاڭا باس­تا­ما­لارمەن ءبولىسىپ, سونداي-اق, مىسىرلىق شيپاجايلاردىڭ تۋريستىك قىزمەتىنىڭ جاڭا ءمۇم­كىندىكتەرىن پاش ەتەدى. رەسمي دەلەگاتسيامەن قاتار الماتىعا 13 جەتەكشى مىسىرلىق تۋريستىك وپەراتورلاردىڭ وكىلدەرى دە كەلدى. ماقسات – تۋريستىك قىزمەتتەر كورسەتەتىن قازاق كومپانيالارمەن ناتيجەلى ىنتىماقتاستىق ورناتۋ. سونىمەن, بىردەن الماتى وبلىسى اكىمىنىڭ ورىنباسارى سەرىك تۇرداليەۆ پەن وڭتۇستىك سيناي گۋبەرناتورى حاليد فۋدا ەكى اي­ماقتىڭ تۋريزم سالاسىنداعى ىنتىماقتاستىعى تۋرالى مەموراندۋمىنا قول قويۋدان باس­تالعان ءباسپاسوز ءماسليحاتى تۇساۋ­كەسەرلەرگە ۇلاستى. مىسىر ەلى ءۇشىن تۋريزم سالاسى ەرەكشە مانگە يە. ال ەندى سوڭعى 60 جىلدا الەمدەگى تۋريستەر سانى ءبىر جىلدا 25 ميلليوننان 1 ميلليارد ادامعا دەيىن ارتتى, بۇل سالا تۇراقتى تۇردە وسۋدە جانە قازىرگى تاڭدا عالامشارىمىزدىڭ ءاربىر 11-ءشى تۇرعىنى تۋريزم سالاسىندا قىزمەت ەتۋدە. ءداستۇرلى تۇردە تۋريزم مىسىر ەكونوميكاسىنىڭ ەڭ ماڭىزدى قۇرامداستارىنىڭ ءبىرى بولىپ تابىلادى: 4 ميلليوننان استام مىسىرلىقتار تۋريستىك سالادا جۇمىس جاسايدى, ەل ءىجو-ءسىنىڭ 12 پايىزعا جۋىعى تۋريزمنەن تۇسەتىن تابىس. سوڭعى ونجىلدىقتا مىسىرعا باعىت العان تۋريستىك اعىن ءۇش ەسە ارتقان (5-تەن 15 ميلليونعا دەيىن), ال كۋرورتتاردىڭ سىيىمدىلىعى 18 مىڭ بولمەدەن 280 مىڭعا دەيىن وسكەن. ساياحاتتاعاندى سۇيەتىندەر ءۇشىن مىسىر ەڭ قولجەتىمدى جانە تارتىمدى تۋريستىك باعىتتاردىڭ ءبىرى بولىپ قالۋدا, ول دەمالۋشىلار­عا كونە مادەنيەت پەن زاماناۋي كۋ­رورتتىق ينفراقۇرىلىم­نىڭ قاي­تالانباس ۇيلەسىمىن, جىل ون ەكى اي بويى تاماشا اۋا را­يىن, بىردەن كۋرورتتارعا تىكەلەي جاقىن ماڭداعى بىرنەشە زاماناۋي اۋەجايلارعا ۇشىپ كەلۋ مۇمكىندىگىن جانە ءتۇرلى دەڭگەيدەگى جانە باعا ارالىعىنداعى ىڭعايلى قوناق ۇيلەردى تاڭداۋدى ۇسىنادى. قازاقستان تۇرعىندارىنا ار­نالعان مىسىرداعى تۋريستىك مۇمكىندىكتەرگە كەلەر بولساق, مى­سىردىڭ تۋريزم مينيسترلىگى جانە مىسىرلىق تۋروپەراتورلار ەكى ەلدىڭ ءتيىمدى ىنتىماقتاستىعى­نىڭ جالعاسۋىنا نيەت ءبىلدىرىپ, بۇگىنگى كۇنى قازاقستاندىق تۋريستەرگە جوعارى ساپاداعى قىزمەتتەردىڭ جاڭا تارتىمدى قاتارىن ۇسىنۋعا دايار. 2014 جىلعى قازاقستاننان مىسىرعا بەت العان تۋريستەر اعىنىنىڭ ءبىرشاما سايابىرسۋىنان كەيىن قازاقتار اراسىنداعى مىسىرلىق كۋرورتتاردىڭ تانى­مالدىلىعى قايتا ارتتى: وتكەن جىلدا مىسىرعا قازاقستاننان 22 مىڭنان استام قوناق بارسا, ەڭ ءساتتى ساپارلار جەلتوقسان, قاڭتار جانە ناۋرىز ايى دەپ ەسەپتەلىنەدى. ايناش ەسالي, «ەگەمەن قازاقستان» الماتى