وندىرىستەگى ورەلى ىستەر

الداعى ۋاقىتتا قازاقستان تەمىرجولىنىڭ سەمەي جول ءبو­لىمشەسىندەگى تەمىرجولشىلارى ءۇشىن ەرەكشە كەزەڭ باستالماق. ماسەلەن, ايماقتاعى اۆتوكولىك, ۇشاق قىزمەتىن پايدالانۋشى ءىرى وندىرىستىك كومپانيالاردىڭ تەمىرجول قىزمەتىنە كوشۋى جۇك تاسىمالىن ارتتىراتىن بولسا, جاڭادان بوي كوتەرىپ جاتقان «ەرتىس» كولىك-لوگيستيكالىق ورتالىعى, ساۋدا تەرمينالدارى ترانزيتتىك الەۋەتتى ەسەلەمەك. ودان بولەك, بولىمشە باسشىسى مارلەن كوكىرەكباەۆتىڭ باستاماسىمەن تەمىرجولشىلاردىڭ الەۋمەتتىك احۋالىن جاقسارتۋ جانە بولىمشە مەكەمەلەرى اۋماعىن اباتتاندىرۋ سالاسىندا بىرقاتار جوسپارلى ىستەر مەجەلەنۋدە. ال بۇل رەتتە, «قتج» ۇك» اق سەمەي جول بولىمشەسى فيليالى باسشىلىعى وڭىردەگى اتقارۋشى بيلىكپەن تىعىز ارىپتەستىكتە قارقىندى ءىس-ارەكەتكە كوشەتىن بولادى. ەلباسىنىڭ «نۇرلى جول – بولاشاققا باستار جول» اتتى جولداۋىن ىسكە اسىرۋ اياسىندا, وڭىرلەر قۋاتتىلىعىن ارتتىرۋدا تەمىرجولشىلار مەن جەرگىلىكتى بيلىك اراسىندا بىرلەسىپ شەشەر ماسەلەلەر كوپ. مىنە, وسى ماق­ساتتا, الداعى ۋاقىتتا سەمەي جول بولىمشەسى باسشىلىعى اكىم­­دىكپەن بىرلەسىپ, ناقتى ءىس-شارالار جوسپارىن ورىنداۋعا كوشپەك. بۇل جايىندا ءوڭىر باسشىسى ەرماك ءسالىموۆتىڭ بولىمشە مەكەمەلەرىن ارالاۋى بارىسىندا كەڭىنەن تالقىلاندى. تەمىرجول سالاسىنىڭ ەل شىعىسىنداعى ەكونوميكالىق الەۋەتىنە قوسار ۇلەسىن باعامداۋ ماقساتىندا جانە جەرگىلىكتى سالا ماماندارىنىڭ تىنىس-تىرشىلىگىمەن تانىسۋ ءۇشىن قالا باسشىسى الدىمەن بىرقاتار مەكەمەلەردى ارالادى. سەمەي ستانساسىندا بولىپ, پويىزداردىڭ مانەۆرلىك قوزعالىسى, ۆاگونداردى سۇرىپتاۋ جانە قاۋىپسىزدىك شارالارىمەن تانىستى. قازىرگى كۇنى تەلىمدەگى كونتەينەرلىك جىلجىمالى قۇرامداردىڭ ءجۇرىس ونىمدىلىگى ءۇش ەسەگە دەيىن ارتقان. وندىرىستەگى جەتىستىكتەرمەن تا­نىسقان ەرماك بيداحمەت ۇلى سۇرىپتاۋ دوڭەسىندەگى ۇدەرىس بارىسىنا دا قانىقتى. سونداي-اق, سەمەي لوكوموتيۆ پايدالانۋ دەپوسىندا وتاندىق ءونىم – ەۆوليۋشن تەپلوۆوزدارىنىڭ قىزمەتى, ماشينيستەر ەڭبەگىنە دە كۋا بولدى. بۇل جايىندا دەپو ديرەكتورى داۋلەت ىدىرىسوۆ تانىستىردى. قازىرگى كۇنى لوكوموتيۆ شارۋاشىلىعىندا دا كومپيۋتەرلەندىرۋ ءىسى جولعا قويىلعان. ماسەلەن, ماشينيس­تەر بريگاداسىن جۇمىسقا ءجى­بەرۋ بارىسىنداعى اۆتومات­تان­دىرىلعان تەكسەرۋ, ۇشاق «قارا جاشىگى» ءتارىزدى تەپلوۆوز كابيناسىنداعى ءىس-ارەكەتتەردىڭ دىبىس جازباسىن ساقتايتىن قوندىرعى قىزمەتى, قاۋىپسىزدىك ت.س.س. شارالار جاڭاشىل تەحنولوگيالار اياسىندا جۇزەگە اسىپ وتىر. وسى رەتتە, لوكوموتيۆ شا­رۋاشى­لىعىندا قولدانىلاتىن, قۇرىلىسقا ارنالعان قۇمنىڭ قاجەتتىلىگى جايىندا ءسوز قوزعالدى. لوكوموتيۆشىلەر ونى ىرگەلەس وبلىستان جەتكىزەدى ەكەن. ءوڭىر باسشىسى جەرگىلىكتى قۇمدى ارنايى ساراپتامادان وتكىزىپ, قولدانىسقا ەنگىزۋدى ۇسىندى. بۇل تاراپتا ات­قارۋ­شى بيلىك كومەك جاساۋعا ءازىر. «قتج» ۇك» اق سەمەي جول بولىمشەسى فيليالىنىڭ باسشىسى مارلەن كوكىرەكباەۆ سالا ماماندارىمەن كەزدەسۋگە اعىمداعى جىلعى جەتىستىكتەر جايلى اقپارات­تاندىرىپ ءوتتى. – بۇگىندە جاھاندىق داع­دارىس سالدارىنا قاراماستان بولىمشە بويىنشا جۇك تاسىمالى ونشالىقتى كەمىگەن جوق. ماسەلەن, وسى كەزەڭگە دەيىن دە­گەلەڭ ستانساسىندا 900 مىڭ توننا كومىر تيەلىنىپتى. بۇل وتكەن جىلعى كورسەتكىشتەن جوعارى. ماۋ­سىمدىق جاعدايعا بايلانىستى جۇك تاسىمالىنىڭ 62 پايىزىن قاتتى وتىن قۇرايدى. سونداي-اق, وڭىردەگى كاسىپورىندار وندىرەتىن قۇ­رىلىس ماتەريالدارى دا باسىمدى ۇلەسكە يە. ونىڭ ىشىندە تسەمەنت پەن ورمان شارۋاشىلىعىنىڭ ءونىم­دەرى مول, – دەپ اتاپ ءوتتى م.كو­كىرەكباەۆ. ال قالا باسشىسى بۇگىندە 6 مىڭنان اسا ەڭبەككەرى بار قتج-نىڭ سەمەيدەگى فيليالى وبلىستاعى ەڭ ءىرى سالىق تولەۋشى مەكەمە ەكەنىن ايتا كەلە, ايماقتاعى الەۋمەتتىك ماسەلەلەردى بىرلەسىپ شەشۋدە ورتاق كەلىسىم قاجەت ەكەنىن ايتتى. ماسەلەن, شپال مەن وندىرىسكە قاجەتتى قۇم الۋدا جەرگىلىكتى كاسىپكەرلەرگە قولداۋ جاساۋعا شاقىردى. سونىمەن قاتار, پرەزيدەنتتىڭ «نۇرلى جول» باعدارلاماسى اياسىندا سەمەي ءوڭىرىن دامىتۋعا بولىنگەن 1 ملرد. 800 ملن. تەڭگەنى يگەرۋدە تەمىرجولشىلاردىڭ دا الەۋمەتتىك احۋالىن جاقسارتۋ كوزدەلىپ وتىرعانىن جەتكىزدى. بۇل رەتتە تەمىرجول ۆوكزالى الاڭى اباتتاندىرىلماق. تاعى ءبىر جايت, جەرگىلىكتى بيۋدجەتكە 700 ملن.-نان اسا قاراجات تەمىرجولشىلاردىڭ سالىعى ەسەبى­نەن تۇسەدى ەكەن. ال وبلىس اكىمى دا­نيال احمەتوۆتىڭ تاپسىرماسى بويىنشا, قالانىڭ قارجى قور­جىنىن وزىندە قالدىرىپ, ودان تيىسىنشە قاراجات ءبولۋ ارقىلى شا­ھاردى كوركەيتۋ ءىسى جولعا قويىلىپ وتىر. ال كرەاتيۆتى باس­تا­مالارى مول بولىمشە باسشىسى مارلەن كارىم ۇلى بۇل رەتتە, تەمىر­جول اۋدانىن كورىكتەندىرۋ جوسپارىن ۇسىنۋدا. بۇل شارالار الداعى ۋاقىتتا بىرلەسىپ اتقارىل­ماق. راۋشان نۇعمانبەكوۆا سەمەي