3000 ادام ديكتانت جازدى

قاراعاندى وبلىسىندا 3 مىڭ­نان استام ادام «ماڭگىلىك ەل» پاتريوتتىق اكتىسىنە ارنالعان شارا اياسىندا جالپىقازاقستاندىق ديكتانت جازدى. شارانى ۇيىمداستىرۋ­شىلار­دىڭ ايتۋىنشا, مەملەكەتتىك ءتىل­دە ديكتانت جازۋ وبلىستىڭ توعىز قالاسى مەن توعىز اۋدانىن­دا ءبىر مەزەتتە قولعا الىنعان. ديك­تانتتىڭ 230 تاڭبا بەلگىسىنەن تۇرا­تىن ءماتىنى قازاقستان حالقى اسسامبلەياسىنىڭ ءححىV سەسسيا­سىندا قابىلدانعان «ماڭگىلىك ەل» پاتريوتتىق اكتىسى تۋرالى تاقىرىپتى قامتىعان. قاراعاندىداعى ن.گوگول اتىنداعى وبلىستىق عىلىمي كى­تاپ­حانادا وتكەن اكتسيا قاتىسۋشى­لا­رى الدىندا وبلىس اكىمى اپپاراتى جا­نىن­داعى «قوعامدىق كەلىسىم» مە­كە­مەسىنىڭ باسشىسى تىلەۋبەك كاماليەۆ ءسوز سويلەپ, ساتتىلىك تىلەدى. – «ماڭگىلىك ەل» پاتريوتتىق اكتى­سىنىڭ نەگىزىندە ءاربىر قازاق­ستاندىق ءۇشىن قاراپايىم ءھام ماڭىزدى قۇندىلىقتار جاتىر. ولار – وتباسىنىڭ بەرەكەسى, تۇراقتىلىق, قاۋىپسىزدىك, بىرلىك جانە ەرتەڭگى كۇنگە دەگەن سەنىم­دىلىك. ءدال قازىر سىزدەر ءۇشىن مەم­لەكەتتىك ءتىلدى قانشالىقتى مەڭ­گەرگەندىكتەرىڭىزدى جانە دە جەكە ساۋاتتىلىقتارىڭىزدى تەكسەرىپ الۋعا دەگەن تاماشا مۇمكىندىك تۋىنداپ وتىر. بارلىقتارىڭىزعا ازاماتتىق بەلسەندىلىكتەرىڭىز بەن ومىرلىك ۇستانىمدارىڭىز ءۇشىن العىس ايتقىم كەلەدى!», – دەدى ول. اتالعان كىتاپحانادا ديكتانت جازۋ ءۇشىن ەتنومادەني بىرلەس­تىكتەردىڭ وكىلدەرى, مەملەكەت­تىك قىزمەتشىلەر, جاستار مەن زەينەتكەرلەر جيىلعان بولاتىن. جازىلعان ديكتانتتاردى ارنايى قۇرىلعان جۇمىس كوميسسياسى تەكسەردى. «بۇل اكتسيا, ءسوز جوق, مەمل­ە­كەتتىك ءتىلدىڭ بەدەلىن كوتەرىپ قانا قويماي, «ماڭگىلىك ەل» پاتريوتتىق اكتىسىنىڭ ۇستانىمدارىن دارىپتەۋگە دە جول اشادى», – دەيدى ن. گوگول اتىنداعى كىتاپحانانىڭ ديرەكتورى دينا امانجولوۆا. اكتسيانى ۇيىمداستىرۋشى­لار حابارلاعانداي, قاراعاندى وبلىسىندا جالپىقازاقستاندىق ديكتانتتى 3479 ادام جازدى. ناتيجەسىندە قاتىسۋشىلاردىڭ 30 پايىزى «وتە جاقسى» دەگەن باعاعا قول جەتكىزسە, 44 پايى­زىنىڭ جۇمىسى «جاقسىعا» باعا­لان­دى. سونىمەن قاتار, ۇزدىك جۇمىس­تار­دىڭ اۆتورلارى العىس حاتتارمەن ماراپاتتالدى. قايرات ءابىلدينوۆ, «ەگەمەن قازاقستان» قاراعاندى