اۋىلدان الىستاماعان

كاسىپكەر تۋعان جەرىنە سپورت كەشەنىن سالىپ بەردى وسىدان ەكى جىل بۇرىن كورشi قىرعىز ەلiمەن اۋىلى ارالاس, قويى قورالاس جاتقان قورداي اۋدانىنداعى قاراكەمەر اۋىلىندا ۇلكەن سپورت كەشەنىنىڭ قازىعى قاعىلىپ, قۇرىلىسى باستالعان بولاتىن. مىنە, وتكەن اپتادا وسىناۋ اسەم عيماراتتىڭ تۇساۋى كەسىلدى. «وتاۋ ستروي» جشس پرەزيدەنتى, وسى اۋىلدىڭ تۇلەگى قايرات مولداسەيىتوۆ تۋعان اۋىلى, ءبىلىم العان قاسيەتتى شاڭىراعى مەن ۇستازدارىنا, جالپى جەرلەستەرىنە دەگەن قۇرمەتىن, تاعزىمىن, ىستىق ىقىلاسىن وسىلاي ءبىلدىردى. «داۋلەتتى بولساڭ, ەلىڭە پايداڭ ءتيسىن», دەگەن بيزنەس الەمىندە كوپتەگەن بيىكتەردى باعىندىرىپ, وڭدى تىرلىكتەرىمەن تانىلعان «وتاۋ-ستروي»-دى ەل ءبىر جاعى قايىرىمدى ىستەرىمەن دە جاقسى بىلەدى. بۇعان دەيىن وسى كومپانيا ءوز دەمەۋشىلىگىمەن كيەلى تۇركىستان قالاسىندا 16 پاتەرلىك ءۇيدىڭ قۇرىلىسىن سالىپ, 16-سىنىڭ دا كىلتىن تۇرمىسى تومەن, مۇگەدەك جاندارعا تابىس ەتكەنىن, ودان بولەك ءدال وسى قاسيەتتى قالادا مۇگەدەك بالالاردى وڭالتۋ ورتالىعىن دا ءوز قارجىلارىنا سالىپ, پايدالانۋعا بەرگەنىن, شىمكەنت قالاسىندا دا بىرقاتار يگىلىكتى ىستەر اتقارعانىن اقپارات قۇرالدارى جازعان بولاتىن. سونداي-اق, قايرات مولداسەيىتوۆ وسىدان ەكى-ءۇش جىل بۇرىن قاراكەمەرگە 100 ورىندىق بالاباقشا مەن مەشىت, ەمحانا سالىپ بەرىپ, تۋعان اۋىلىنىڭ العىسىن العان-دى. «الەۋمەتتىك جاۋاپكەرشىلىك تۇرعىسىنان مەملەكەت نەگىزىنەن ءوز جولىنان ءوتتى, تۇتاستاي العاندا ءوزىنىڭ وسى فۋنكتسياسىن ءتيىمدى ورىندادى. ەندى – كەزەك بيزنەستىكى...» دەگەن بولاتىن ەلباسى نۇرسۇلتان نازارباەۆ. وسى تۇرعىدان كەلگەندە «وتاۋ-ستروي» جشس ەلباسى اماناتىنا ادالدىق تانىتىپ جۇرگەن مەكەمە ەكەنىن مويىنداۋىمىز كەرەك. بۇل سپورت كەشەنىنىڭ اۋىلدىڭ دامۋىنا جانە جاستار اراسىندا سالاماتتى ءومىر سالتىن كەڭىنەن ناسيحاتتاۋعا قوسار ۇلەسى زور. «مەن وسى سپورت كەشەنىنەن بولاشاقتا ەلىمىزدى الەمگە تانىتاتىن سپورتشىلار شىعاتىنىنا بەك سەنىمدىمىن. جالپى, بۇل ءبىزدىڭ كومپانيانىڭ العاشقى نەمەسە سوڭعى ءىس-شاراسى ەمەس. الداعى ۋاقىتتا مۇنداي يگىلىكتى ىستەر جالعاسىن تابا بەرەدى», دەيدى بۇل جونىندە ق.مولداسەيىتوۆ. جاڭا سپورت كەشەنىندە كۇرەس, بوكس, فۋتبول جانە فيتنەس كلۋبتارى جۇمىس ىستەيتىن بولادى. ياعني, اۋىل تۇرعىندارى ءۇشىن سپورتتىق جاتتىعۋ جاساۋعا كەڭ جول اشىلدى. كەشەندە 144 شارشى مەتردى قۇرايتىن كۇرەس كىلەمى جانە ۇلكەن رينگ ورناتىلعان. بۇعان قوسا فۋتبول الاڭى بار. زاماناۋي كەشەندە اۋ­دان جاسوسپىرىمدەرىنىڭ سپورتپەن شۇ­عىلدانىپ, ۇلكەن جارىستارعا داي­ىند­­ىق جاساۋعا مۇمكىندىكتەرى مول. ورالحان ءداۋىت, «ەگەمەن قازاقستان» جامبىل وبلىسى