تالدىقورعان. 7 ماۋسىم. كەزىندە جاسىل قالا اتانعان تالدىقورعاندا قۋراعان اعاشتار قۇلاپ جاتىر. بۇل تۋرالى egemen.kz ءى حابارلادى.
بۇگىندە جەل شىقسا قۋراعان اعاشتار قۇلاپ, اۆتوكولىكتەردى باسىپ قالسا «ە, ادامدارى امان ەكەن عوي» دەپ جىلى جابا سالۋ ادەتكە اينالىپ بارادى. ويتكەنى, بۇل ادامدار ەرەنسىزدىگىنە تابيعاتتىڭ جاي ەسكەرتپەسى دەپ سانالىپ مۇندايعا بويلارى ۇيرەنگەن تۇلعالار سەلت ەتە قويمايتىنى جاسىرىن ەمەس. ال ەل ىشىندە مورالدىق, ماتەريالدىق تۇرعىدا زارداپ شەككەن جاندار پروبلەمالارى جايلى «سول ساتتە كولىكتىڭ ىشىندە ادام بولسا شە؟», «سوندا قالانىڭ ىشىندە كولىكپەن جۇرۋگە بولماي ما ؟», «زاڭدى تۇردە اۆتوتۇراققا, جول بويىنا توقتاتقانىنا جازىقتى ما ؟» «كولىگى ساقتاندىرىلسا ءبىر ءمانىسى بولار, ايتپەسە...» دەگەن سىدىرتپا سۇراقتار مەن جۇباتپا سوزدەر ايتىلا باستادى. ال بيلىك قالا كوشەلەرىن قوپارا قازىپ, قۇبىرلار مەن جولداردا بىتپەيتىن جوندەۋ جۇمىستارىمەن الەك. الماتى وبلىسى بويىنشا توتەنشە جاعدايلار جونىندەگى دەپارتامەنتىنەن الىنعان مالىمەتكە سۇيەنسەك, بيىلعى جىلدىڭ 26 مامىرىندا تالدىقورعاندا سەكۋنتىنا 18-24 مەتر جىلدامدىقپەن سوققان جەلدىڭ كۇشىمەن قۇلاعان اعاش گاۋھار انا كوشەسى №120 ءۇيدىڭ جانىندا توقتاپ تۇرعان «نيسسان ماكسيما» ماركالى اۆتوكولىكتى باسىپ قالادى. ارادا 10 مينۋت وتكەندە ءبىرجان سال كوشەسىندەگى 3-قاباتتى «التاير» ساۋدا ءۇيىنىڭ 60 ارشى مەتر شاتىرىن ج ۇلىپ «اۋدي- س4», «لەكسۋس GS-300», «Daewoo NEXIA» ماركالى اۆتوكولىكتەردى باسىپتى. تىزبەلەي بەرسەك, قالانىڭ قاق ورتاسىنداعى ادام كوپ جۇرەتىن «قاراعاش» ساۋدا ءۇيى, حالىق بانكى, «قاقاقتەلەكوم» سەكىلدى عيماراتتار جانىنداعى بيلبوردتاردى ج ۇلىپ ءتۇسىرىپ, اعاشتاردى قۇلاتقان فاكتىلەر جەتىپ ارتىلادى.
قورىتا ايتقاندا, قالانى ارالاپ كورسەڭىز وسىدان 30-50 جىل بۇرىن تىگىلىپ جايقالا وسكەن اعاشتار كوككە شانشىلا بوزارىپ تۇر. قۋراعان. ويتكەنى كەزىندە قالانى ارالاي اعىپ, اعاشتاردى نارلەندىرگەن توعاندار بىتەلگەن. ونىڭ ءبىر سەبەبى قالا ىشىندە ساندەنە بوي كوتەرگەن تۇرعىن ۇيلەر سالىنعاندا توعان ماسەلەسى ۇمىت قالدى ما, الدە ارتىق شىعىن دەپ سانالدى ما ايتەۋىر سۋ جۇيەسى جوق.
نۇربول الدىباەۆ
دەرەك, فوتو: egemen.kz
