شەنسي جادىگەرلەرى شاقىرادى

قازاقستان رەسپۋبليكاسى  ۇلتتىق مۋزەيىندە « ۇلى جىبەك جولىمەن: شەنسيدىڭ مادەني مۇرالارى» اتتى كورمە سالتاناتتى جاعدايدا اشىلدى.  كورمە قى­تايدىڭ قازاق­ستانداعى ەل­شىلىگى, شەنسي پرو­ۆينتسيا­­­­سى مادەني ەسكەرتكىشتەر باسقار­ما­سى, شەنسي پروۆينتسياسى تا­ريح مۋزەيى, شەنسي پروۆينتسيا­سى مادەني ەسكەرتكىشتەرىمەن الماسۋ ورتالىعىنىڭ, سونداي-اق, قا­زاقستان رەسپۋبليكاسى ءما­دە­نيەت جانە سپورت مينيسترلىگىنىڭ قولداۋىمەن ۇيىمداستىرىلدى. قازاقستاندىقتاردى ۇلى ءجى­­­بەك جولىنىڭ باستاۋ العان جە­رىمەن, سول سياقتى ەجەلگى قى­تاي وركەنيەتىنىڭ دامۋ دىڭگەگى بول­عان شەنسي پروۆينتسياسى­­نىڭ كونە وركەنيەتىمەن تانىستىرۋ ماقساتىن كوزدەگەن كورمەگە ۇلت­­­تىق مۋزەي ديرەكتورى دار­حان مىڭباي, قىتاي حالىق رەس­پۋبليكاسىنىڭ توتەنشە جانە وكىلەتتى ەلشىسى چجان حانحۋەي, شەنسي پروۆينتسياسىنىڭ مادە­ني ەسكەرتكىشتەر باسقارماسىنىڭ دي­رەكتورى جاو رونگ قاتىستى. ۇلتتىق مۋزەي ديرەكتورى دار­حان مىڭباي اتالمىش كور­مەنىڭ ماڭىزدىلىعىنا توقتالدى. – بۇگىن ۇلتتىق مۋزەيدە قىتاي­لىق ارىپتەسىم جاو رونگ­پەن 2017-2018 جىلدارى ۇلتتىق مۋزەيدە «يمپەراتور تسين شيحۋاندي تەرراكوتتى ارمياسى» جانە شەنسي پروۆينتسياسىندا «قازاقستاننىڭ مادەني ەسكەرتكىشتەرى» كورمەسىن وتكىزۋ ءۇشىن ەكىجاقتى كەلىسىمشارت جاسادىق, – دەدى مۋزەي باسشىسى. « ۇلى جىبەك جولىمەن: شەن­سيدىڭ مادەني مۇرالارى» كورمەسى مۋزەي قوناقتارىنا شەن­سي پرو­ۆين­تسياسىنىڭ بىرەگەيلىگى تۋرالى بىلۋگە مۇمكىندىك بەردى, سونداي-اق, قىتاي حالىق رەس­پۋب­ليكاسى جانە قازاقستان رەسپۋبليكاسى اراسىنداعى ەكىجاق­تى تاجىريبە الماسۋ مەن مادەني مۇرا سا­لا­سىنداعى ىنتىماقتاستىققا ىقپال جاسادى. بۇل تۋرالى ەلشى چجان حانحۋەي اتاپ ءوتتى: – بۇگىنگى كورمەنىڭ اشىلۋى­مەن قۇتتىقتايمىن! قىتاي مەن قا­زاقستان – ەجەلدەن ۇلى ءجى­بەك جولى بويىندا تاماشا ءور­كە­نيەتتە ءومىر ءسۇردى. قازاقستان رەسپۋب­ليكاسىنىڭ پرەزيدەنتى ن.نازارباەۆ «نۇرلى جول» سترا­تەگياسىن ىسكە قوسقانىن ءبى­لە­سىزدەر. ارينە, ءبىز وسى سترا­تە­گيالىق جول­داۋدى قول­دايمىز. دامۋ مەن وركە­نيەتكە بەت الۋ ءۇشىن ەڭ باستىسى كەلىسىم كەرەك, – دەدى چ.حان­حۋەي. مۋزەي قوناقتارى قىتايدىڭ كو­نە پروۆينتسياسى شەنسي­دىڭ سيرەك كەزدەسەتىن مادەني ءجا­دى­­­­گەرلەرىن, ۇلى جىبەك جولى جانە ونىڭ جاندانۋىن, شەنسي پرو­ۆينتسياسىنىڭ عىلىمي-تەح­ني­كا­لىق, ەكونوميكالىق جانە ساياسي جەتىستىكتەرى تۋرالى 130-دان اس­تام فوتوسۋرەتتەردى تاماشالادى. كورمە 30 ماۋسىمعا دەيىن جۇ­مىس ىستەيدى. «ەگەمەن-اقپارات»