قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ەرجان قاجى مالعاجى ۇلىنىڭ اقتوبە قالاسىندا ورىن العان لاڭكەستىك وقيعاعا بايلانىستى مالىمدەمەسى

اسا قامقور ەرەكشە مەيىرىمدى اللانىڭ اتىمەن باستايمىن! ەلىمىزدىڭ مۇسىلماندارى قا­سيەت­تى رامازان ايىنىڭ قارساڭىندا اقتوبەدە ورىن العان لاڭكەستىك ارەكەتتەردى تەرەڭ وكىنىشپەن ەستىدى. وسى وقيعاعا ءدىن اتىن جامىلعان را­­ديكالداردىڭ قاتىسى بار دەپ ايتىلۋدا. ادام جانىن تۇرشىكتىرەتىن ز ۇلىم­دىققا بارعان­داردىڭ ءدىن جو­لىندا جۇرگەن مۇسىلماندارعا قا­­تىسى بار دەپ ايتۋعا اۋىز بارمايدى. يسلام ءدىنى ەشكىمدى ۇستاناتىن دىنىنە نەمەسە ۇلتىنا بولمەستەن جازىقسىز قان توگۋگە ەشقاشان رۇق­سات ەتپەيدى. ەل مۇسىلماندارىنىڭ باسىن قو­سىپ وتىرعان قازاقستان مۇسىلماندارى ءدىني باسقارماسى ورىن العان لاڭكەستىك وقيعانى ءۇزىلدى-كەسىلدى ايىپتايدى. يسلام – بەيبىتشىلىكتىڭ ءدىنى. قۇران كارىمدە «كىم كىسى ولتىرمەگەن نەمەسە جەر جۇزىندە بۇزاقىلىق قىلماعان بىرەۋدى ولتىرسە, سوندا شىنايى تۇردە بارلىق ادامدى ولتىرگەنمەن جانە كىم ونى تىرىلتسە (ولىمنەن قۇتقارسا), بارلىق ادامدى تىرىلتكەنمەن تەڭ» («مايدا» سۇرەسى, 32-ايات) دەگەن ءيلاھي قاعيدا بار. ەل امان, جۇرت تىنىش زاماندا جان­تۇرشىگەرلىك قىلمىسقا بار­­­­­عانداردىڭ ادام­­گەرشىلىك قا­سيەتتەردەن جۇرداي بول­عانى انىق. اللانىڭ قۇزىرىندا دا, مەم­لەكە­تىمىزدىڭ زاڭى الدىندا دا قىل­مىس جاسا­عان­دار ەڭ قاتال جازاعا تارتىلادى دەپ سەنەمىز. ەلدىڭ اماندىعى جو­لىن­دا ءوز­دەرىنىڭ ازاماتتىق پارىزدارىن ورىنداۋ بارىسىندا قازا تاپ­قان­داردىڭ وتباسىلارىنا جانە تۋعان-تۋىستارىنا قايعىرىپ كوڭىل ايتامىز جانە سابىرلىق تىلەيمىز. قۇقىق قورعاۋ ورگاندارىنىڭ وكىلدەرى ءوز­دەرىنىڭ جانىن قيا وتىرىپ, اۋىر زارداپقا اپاراتىن قىلمىسكەرلەردىڭ جولىن كەستى. تاعىلىمى مول حاديس­تە مۇ­حام­­مەد پايعام­بارى­مىز (س.ع.س.): «ەكى كوز اقى­رەتتە توزاققا كۇي­مەي­­دى: ءبىرىنشىسى – كۇ­ناسىنە وكىنىش ءبىلدىرىپ, وڭاشادا ەگىلىپ جىلاعان كوز; ەكىنشىسى – وتاندى قورعاپ, شەك­­ارا كۇزەتكەن كوز» دەپ ايتقانى بەلگىلى. وتان جولىندا قازا بولعان باۋىر­لارىمىزدىڭ جانى جۇماقتا بولعاي. سونىمەن قاتار, قىلمىسكەرلەرگە توسقاۋىل قويۋ كەزىندە جاراقات العان با­­ۋىر­­­لارىمىزعا اللادان شيپا ءتى­لەيمىز. اقيقاتىندا, جازىقسىز جان­داردىڭ ءومىرىن قيعان زالىمداردى ەل ازاماتتارى, شىنايى مۇسىلمان باۋىرلارىمىز تۇبەگەيلى ايىپتايدى. ەلباسىمىز نۇرسۇلتان ءابىش ۇلى نازارباەۆ ايتقانداي, ەلىمىزدىڭ تى­نىش­­تىعى مەن بەيبىت ءومىرى – بارشامىز ءۇشىن ەڭ جوعارى قۇندىلىق. سوندىقتان قو­عامداعى تىنىشتىق پەن بەيبىت ءومىردى ساقتاۋ – ءار ازا­ماتتىڭ بورىشى ءھام پارىزى دەپ ءبىل­گەنىمىز ءجون. ەلىمىزدىڭ بارشا ازاماتتارىن اران­­داتۋشىلىق ارەكەتتەرگە بە­رىلمەۋگە, قوعام تىنىشتىعىن قا­دىر­لەۋگە جانە جاۋىز­دىقپەن جۇمىلا كۇرەسۋگە شاقى­رامىن.