ايدار ءابۋوۆ,
مەملەكەتتىك باسقارۋ اكادەمياسىنىڭ كافەدرا مەڭگەرۋشىسى:
– قۇقىق ورگاندارىنىڭ حابارلارى بويىنشا مەملەكەتىمىزدە قىلمىستىق توپ ارەكەت ەتكەنى, ول قىلمىستىق توپتىڭ باسىندا بەلگىلى كاسىپكەر تولەشەۆتىڭ بولعانى ءبارىمىزدى تاڭ قالدىردى. كوپ جىلداردان بەرى ءبىر جاعىنان بەلگىلى كاسىپكەر بولا تۇرا, مەملەكەتكە قارسى جاساپ كەلگەن قاسكوي ءىس-ارەكەتتەرى, ارينە, قۇقىق قورعاۋ ورگاندارىنان ءوزىنىڭ ءتيىستى جاۋابىن تابادى دەپ ويلايمىن. ءبىز ازامات رەتىندە ەلىمىزدىڭ تىنىشتىعىن قالايمىز.
ايگۇل سادۋاقاسوۆا,
قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جەتەكشىسى:
– وكىنىشكە وراي, ارامزا نيەتتى قىلمىستىق ىسكە تىكەلەي قۇقىق قورعاۋ ورگاندارىندا بۇرىن بولسا دا قىزمەت ەتكەن ادامداردىڭ قاتىسى بولعان. ءبىلىمدى, تاجىريبەلى ادامدار وزدەرىنىڭ قول ۇشتارىن دا تيگىزگەن. بۇل, ارينە, قازىرگى تاڭدا بارلىق قۇقىق قورعاۋ ورگاندارىنا, جالپى مەملەكەتتىك بيلىككە دەگەن حالىق سەنىمىن تومەندەتۋگە باعىتتالعان ءىس-ارەكەت دەپ باعالاۋعا بولادى. رەسمي وكىلدەر وسى بيلىك پارقىن كەتىرۋ ءۇشىن, تىنىشتىقتى بۇزۋ ءۇشىن ارەكەت جاساعان تولەشەۆ مىرزاعا بۇگىن ايىپ تاعىپ وتىر. ارينە, ول, وكىنىشكە وراي, قازاقستان رەسپۋبليكاسىنىڭ ازاماتى. سونىمەن قاتار, ءادىل سوت تا, مەملەكەتتىك ورگاندار دا حالىققا بارلىق اقپاراتتى تولىعىمەن جەتكىزىپ, بۇل ءىستىڭ قالاي اياقتالعان قورىتىندىسىن جاريالايدى دەپ ويلايمىن.
مۇرات ابەنوۆ,
قوعام قايراتكەرى:
– تولەشەۆتى تۇتقىنعا الار الدىندا ءبىزدىڭ قازاقستان ازاماتتارىنىڭ كوبىسى ينتەرنەتتەن ادەيى دايىندالعان روليكتى كورگەن دەپ ويلايمىن. مىسالى, وڭتۇستىك قازاقستان وبلىسىندا وسى كىسىنىڭ ۇيىمداستىرۋىمەن زاڭسىز تۇردە اسكەري قۇرىلىمدار بولعان. ونىڭ ىشىندە برونەتەحنيكالاردى, سامولەتتەردى پايدالانعان. ءارتۇرلى اتىستاردى, جاتتىعۋلاردى ۇيىمداستىرعان توپتار جۇرگەنىن بايقادىق. مىسالى, سول كەزدە دە سۇراق تۋىندايدى. مىسالى, قانشا ۋاقىت ءوتتى. نەلىكتەن وعان جول بەرگەن؟ جەرگىلىكتى مەملەكەتتىك ورگاندار قايدا قارادى دەگەن وي تۋىندايدى. ونىڭ زاڭسىز جاسالعانى بەلگىلى. مىسالى, ەشبىر قازاقستان ازاماتى, مەيلى قانشا باي بولسىن, قانشا تانىس-تامىرلارى بولسىن, ءدال سولاي زاڭسىز اسكەري توپتاردى جيناۋعا قۇقى جوق. مەنىڭ ءوز ويىمشا, قۇقىق قورعاۋ ورگاندارى, ۇقك ءوز قولدارىنا الىپ, وسى توپتىڭ بارلىق ارەكەتتەرىن اشكەرەلەپ, بايلانىستارىن انىقتاۋى كەرەك. ولاردىڭ تەك ىشتە ەمەس, سىرتتا دا بايلانىستارى بار دەپ ەسەپتەيمىن. تولەشەۆ باسقارعان تەرروريزمگە قارسى كۇرەس توبىنا شەتەلدەن قانداي قولداۋ بار, سونى تەكسەرىپ كورۋ كەرەك. ەڭ نەگىزگىسى, ەلىمىز تىنىش, جۇرتىمىز امان بولۋ كەرەك. قۇقىق قورعاۋ ورگاندارىنىڭ وسىنداي شارا قابىلداعانى دۇرىس دەپ ەسەپتەيمىن.
مارات شيبۇتوۆ,
ساياساتتانۋشى:
– مۇنداعى توپ قۇرامىنا ناعىز جوعارى لاۋازىمدى كۇشتىك قۇرىلىم قىزمەتىندەگىلەر كىرگەن ەكەن. ياعني, ولار مەملەكەتتىك قۇپيالارعا كىرە العان. ولار ءىس جۇزىندە اسكەري بولىمدەردەن باستاپ قاۋىپسىزدىك جۇيەسى تۋرالى, تەرروريزمگە, قوعامدىق ءتارتىپتىڭ بۇزىلۋىنا قارسى ءىس-ارەكەت جوسپارلارى تۋرالى, تاعى باسقالار جايىندا ءبارىن بىلگەن. ياعني, بۇكىل جۇيەگە ىشىنەن قانىق بولعان. سوندىقتان, ولار ءۇشىن جارىلىس جاساۋ دا قيىنعا سوقپايدى. ناق وسى ءدىني راديكالدار مەن ناق وسى قارسىلىقتى ۇيىمداستىرۋشىلار ءوزدەرىن پايدالانۋشى تاپسىرىس يەلەرىن مۇلدەم بىلمەۋى دە ابدەن مۇمكىن.
ەسەنجول الياروۆ,
قازاقستان گۋمانيتارلىق-ساياسي كونيۋنكتۋرا ورتالىعىنىڭ پرەزيدەنتى:
– ورگاندار تەك تولەشەۆكە قاتىستى عانا اۋىر ايىپتار تاعىپ وتىرعان جوق. وندا بىرقاتار ايگىلى ەسىمدەر ءجۇر. ايتالىق, رەسپۋبليكا پروكۋرورىنىڭ بۇرىنعى ءبىرىنشى ورىنباسارى, وڭتۇستىك قازاقستان وبلىسى ىشكى ىستەر دەپارتامەنتىنىڭ باستىعى... مەنىڭ ويىمشا, بۇل ايتارلىقتاي اۋىر ايىپتاۋ. مۇنىڭ ءوزى ارتىق-كەمى جوق مەملەكەتتىك توڭكەرىس جاساۋ ارەكەتى. بۇل ارادا ءىس ترانسپارەنتتى تۇردە تەرگەپ-تەكسەرىلۋى ءتيىس, جۇرتشىلىق بارلىق جاعدايدان حاباردار بولۋى كەرەك.
يۋليا كۋچينسكايا,
الەۋمەتتانۋشى:
– بيلىكتى تاقتان تايدىرۋعا مۇددەلى ادامدار بار سياقتى. بيلىكتى تايدىرعاندا ولار ەلدىڭ مۇددەسىن كوزدەيدى دەپ ايتا المايمىن. ولار وزدەرىنىڭ جەكە باس پايدالارىن, جەكە ماقساتتارىن كوزدەيدى. مۇنداي ارەكەتكە تويتارىس بەرۋىمىز قاجەت.
يۋري بۋلۋكتاەۆ, ساياساتتانۋشى:
– اقتوبەدە بولعان جاعداي, ەڭ الدىمەن, ءوزىنىڭ ارسىزدىعىمەن جانتۇرشىكتىرەدى. ءويتكەنى, مۇندا ءبىرىنشى كەزەكتە ادامدار قاسىرەت شەكتى, جازىقسىز جانداردىڭ قانى توگىلدى. مەنىڭ ويىمشا, بۇل ارادا مەملەكەت ءوز قۇزىرەتىن ىسكە قوسىپ, زورلىق-زومبىلىققا تويتارىس بەرۋى كەرەك. بۇكىل قوعامعا, مەملەكەتكە, حالىققا قارسى شاپقان جۇگەنسىزدەردى اۋىزدىقتاۋ قۇقىعىنا دا ناق وسى مەملەكەت يە دەپ بىلەمىن.
گەورگي كان,
تاريح عىلىمدارىنىڭ دوكتورى, پروفەسسور:
– كەز كەلگەن لاڭكەستىك الدەبىر ۇرەي, قورقىنىش تۋدىرعىسى كەلەتىنى ايدان انىق. بىراق ولار وسى جولى ەسەپتەرىنەن جاڭىلدى. ەگەر شىن مانىندە تەرەڭىرەك زەردەلەر بولساق, مۇنىڭ ءبارى نەگە ورىن الىپ وتىر؟ بەرەكەلى ءومىر ءسۇرۋ ءۇشىن بارلىق جاعداي بار ەمەس پە؟ ادامداردىڭ وسىنداي قايداعى ءبىر تۇسىنىكسىز, كولەڭكەلى ماقساتتار ءۇشىن نەگە جانقياتىندىعىن تۇسىنبەيمىن.
