جەردەگى جابايى المانىڭ جارتىسى الماتى وڭىرىندە وسەدى

تالدىقورعان. 2 ماۋسىم. الماتى وبلىسىندا الەمدەگى جابايى المالاردىڭ جارتىسىنا جۋىعى وسەدى. بۇل تۋرالى 7sunews.kz اقپارىنا سۇيەنگەن egemen.kz ءتىلشىسى حابارلادى. مۇنىڭ جايىن وبلىستىق وڭىرلىك كوممۋنيكاتسيالار قىزمەتىندە وتكەن بريفينگتە شەتەلدىك ماماندار ءمالىم ەتتى. ولاردىڭ مالىمەتىنشە, قازاقستاننىڭ جابايى المالارى - الەمدەگى المالاردىڭ قولدان وسىرىلەتىن مادەني تۇرلەرىنىڭ ءتۇپ اتاسى. مۇندا «سيۆەرس الماسى» اتاۋلى جابايى الما وسەدى. وعان حVIII عاسىردا ورتا ازياعا ساپارى بارىسىندا جابايى المالاردى العاش زەرتتەگەن نەمىس عالىمى يوگاننا سيۆەرستىڭ ەسىمى بەرىلگەن. كەيىن عىلىمي زەرتتەۋدى جالعاستىرعان قازاق اكادەميگى ايماق جانعاليەۆ «سيۆەرس» الماسىنىڭ 40 ءتۇرىن انىقتاپ, عىلىمي سيپاتتاما بەرگەن. فرانتسيانىڭ باس كونسۋلى پاتريك رەنار, ىلە جانە جوڭعار الاتاۋى قورىقتارىنداعى الما باقتارىندا زەرتتەۋ جۇرگىزگەن فرانتسيالىق بەلگىلى بيولوگ-عالىم, ءوز ەلىندەگى «الما» قاۋىمداستىعىنىڭ پرەزيدەنتى كەترين پەكس, «بەننەتون» قورىنىڭ ديرەكتورى ماركو تومارو (يتاليا) جابايى المالاردى زەرتتەۋ بارىسىنداعى جەتىستىكتەرىن ورتاعا سالدى. كەزدەسۋدە شەتەلدىك مەيماندار سونداي-اق جۋرناليستەرگە جابايى المالار كولەمىنىڭ 48 پايىزى ورنالاسقان ايرىقشا ايماق - جەتىسۋ ولكەسىندەگى گەنەتيكالىق قوردىڭ ساقتالۋى, ونى دامىتۋ تۋرالى جانە تابيعاتتىڭ بۇل بايلىعىن پايدالانا وتىرىپ, تۋريستىك الەۋەتتى كوتەرۋ جولدارىن اڭگىمەلەپ بەردى. نۇربول الدىباەۆ. دەرەك, فوتو: 7sunews.kz.