تايلاندتا زيكا بەزگەگىن جۇقتىرعان تاعى ءبىر ادام انىقتالدى

استانا. 30 مامىر. تايلاندتىڭ سولتۇستىك-شىعىسىنداعى ۋدونتحاني پروۆينتسياسىنىڭ بيلىگى تاراتقان اقپاراتتا وسى ەلدىڭ ازاماتى تايۆان اۋەجايىندا زيكا بەزگەگىنىڭ بەلگىلەرىمەن توقتاتىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. «قاۋىپتى ۆيرۋستىڭ تارالۋىنا جول بەرمەۋ ءۇشىن بىرقاتار جۇمىستار اتقارىپ جاتىرمىز. اۋەجايدان قاۋىپتى اۋرۋدىڭ بەلگىلەرى بويىنشا ءبىر ازامات توقتاتىلدى. وسىعان بايلانىستى ءبىز ونىڭ وتباسىن دا باقىلاۋىمىزعا الدىق», – دەدى دەنساۋلىق ساقتاۋ باسقارماسىنىڭ باسشىسى ميت پراسانناكارن. وسىمەن بيىل تايلاندتا اتالعان ۆيرۋستى جۇقتىرعان ءۇشىنشى ادام جۇقتىرعان قاڭتار ايىندا ۋدونتحاني پروۆينتسياسىنىڭ تۇرعىنى, ال كەيىنىرەك بانگكوكتا تاعى ءبىر ادامنىڭ زيكا بەزگەگىنە شالدىققانى انىقتالدى. ايتا كەتەيىك, زيكا – مايمىلدار اراسىنداعى جۇقپالى اۋرۋ. ادامدارعا ماسالار ارقىلى جۇعادى. ول اسىرەسە, جۇكتى ايەلدەر ءۇشىن قاۋىپتى. سالدارىنان ىشتەگى ءسابيدىڭ كورۋ, ەستۋ قابىلەتتەرىندە اۋىتقۋشىلىقتار پايدا بولادى. سونىمەن قاتار, باس سۇيەگى ءوز مولشەرىندە دامۋىنا زيانىن تيگىزەدى. ايان ءابدۋالي. دەرەك, فوتو: inform.kz.