پاۆلوداردا وقۋشىلاردىڭ 741 جازعى دەمالىس لاگەرى اشىلادى

پاۆلودار. 28 مامىر. پاۆلوداردا مەكتەپ وقۋشىلارىنىڭ جازعى دەمالىسىن ءتيىمدى ۇيىمداستىرۋ ماقساتىندا 741 تىنىعۋ لاگەرى اشىلادى. بۇل تۋرالى وبلىستىق ءبىلىم بەرۋ باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وبلىس كولەمىندە اشىلاتىن 741 لاگەردىڭ 345-ءى – مەكتەپ جانىنا ورنالاسسا, 376-سى – ءپروفيلدى, 6-ى – كيىز ءۇي, 4-ءۋى – كوشپەندى لاگەر جانە 10-ى – قالا سىرتىنداعى تىنىعۋ لاگەرى. مەكتەپ جانىنداعى جانە قالا سىرتىنداعى دەمالىس ورىندارىندا جەتىم قالعان جانە كوپ بالالى, از قامتاماسىز ەتىلگەن وتباسىلاردان شىققان 10 مىڭ بالا تەگىن دەمالادى. وڭىردەگى 8 مىڭنان استام وقۋشى جازعى ۋاقىتتا ەڭبەك ەتىپ, تابىس تابا الادى. ولار اۋداندارىنداعى كوگالداندىرۋ جانە كورىكتەندىرۋ جۇمىستارىنا قاتىسادى. بۇل ماقساتقا بيۋدجەتتەن 56 ميلليون تەڭگە بولىنەدى. ەكولوگيالىق تاربيە بەرۋ ماقساتىندا 300-دەن استام وقۋشى مەكتەپ ورمانشىلىقتارىندا كوشەت وتىرعىزىپ, ءارامشوپ جۇلۋمەن اينالىسادى. شارباقتى, لەبياجى, جەلەزين اۋداندارىندا مەملەكەتتىك «ەرتىس ورمانى» رەزەرۆاتى, باياناۋىل اۋدانىندا «باياناۋىل» ۇلتتىق تابيعي پاركى وقۋشىلاردىڭ تولەماقىسىنا قارجى بولگەن. فاريدا بىقاي. دەرەك, فوتو: egemen.kz.