ۇبت – قيىن ەمەس: بيبليودەسانت

جالپى ءبىلىم بەرەتىن مەكتەپتەر تۇلەكتەرىنىڭ بىرىڭعاي ۇلتتىق تەستىلەۋ تاپسىرۋعا ساناۋلى ۋاقىت قالدى. اباي اتىنداعى كىتاپحانا قىزمەتكەرلەرى «جانۇيا ورتالىعى» قوعامدىق قورى­مەن بىرلەسىپ, وزەركا اۋىلىنىڭ ورتا مەكتەبىندە مەكتەپ ءبىتىرۋشى تۇلەكتەرگە ارناپ بيبليودەسانت وتكىزدى. شارانىڭ ماقساتى: وقۋشىلاردى بىرىڭعاي ۇلتتىق تەستىلەۋگە پسيحولوگيالىق تۇرعىدا دايىنداۋ, قورقىنىش پەن ىشتەي قيناعان سەزىمدەردەن قۇتىلۋعا كومەك كورسەتە وتىرىپ, بويلارىنا سەنىمدىلىك ۇيالاتۋ, دۇرىس جول تاڭداي بىلۋگە ۇيرەتۋ جانە جاسوسپىرىمدەر نازارىن كىتاپ وقۋعا تارتۋ. ۇلتتىق بىرىڭعاي تەست تاپسىرۋعا پسيحولوگيالىق كومەك رەتىندە وتكىزىلگەن ءىس-شارا بارىسىندا 11-سىنىپ وقۋشىلارى جالپى تەست تۋرالى ويلارىن ورتاعا سالىپ, پسيحولوگيالىق سۇراقتارعا جاۋاپ بەرىپ, سەرگىتۋ جاتتىعۋلارىن جاسادى. كىتاپحانالىق بيبليودەسانتتى ۇيىمداستىرۋشى كى­تاپ­­حانا قىزمەتكەرلەرى ورتا مەكتەپتىڭ مۇعالىمدەرى مەن وقۋشىلارىنا كىتاپحانانىڭ تاريحى مەن قىزمەت باعىتتارىن جانە ۇيىرمەلەر مەن كلۋبتاردىڭ جۇمىستارىمەن تانىستىردى. ءپان مۇعالىمدەرىنە وقۋ ۇدەرىسىنە, سىنىپتان جانە مەكتەپتەن تىس وتەتىن ءىس-شارالارعا كومەك رەتىندە ادىستەمەلىك قۇرالدار مەن مەرزىمدى باسىلىمدار ۇسىنىلدى. بيبليودەسانت سوڭىندا مۇعالىمدەر مەن وقۋشىلارىنا «ءبىر ەل – ءبىر كىتاپ», «دۋلات باباتاي ۇلى», «دانالىق دارياسى», «اباي كىتاپحاناسىنىڭ سيرەك باسىلىمدارى», «ينتەرنەت ورتالىعىنىڭ قىزمەتتەرى» تاقىرىبىندا دايىندالعان بۋكلەتتەر, شورت-پاراقتار تاراتىلدى.  ايگۇل مىرزالينا, اباي اتىنداعى كىتاپحانانىڭ دامىتۋ