ءانشى جامالا جۇلدەدەن ايرىلىپ قالۋى مۇمكىن (ۆيدەو)

استانا. 19 مامىر. شۆەتسيا استاناسى – ستوكگولمدە مارەگە جەتكەن «ەۋروۆيدەنيە» مۋزىكالىق كونكۋرسىنىڭ جەڭىمپازى, ۋكراينالىق ءانشى جامالا (سۋسانا جامالادينوۆا) وسى باس جۇلدەسىنەن ايرىلىپ قالۋى ابدەن مۇمكىن. بۇل تۋرالى Oxu.Az اقپارىنا سۇيەنگەن egemen.kz ءتىلشىسى حابارلادى. حابارلانعانداي, ءانشى اتالمىش كونكۋرس فينالىندا سالعان «1944» ءانىن بۇدان بىرنەشە جىل بۇرىن ورىنداپ قويعان بولىپ شىقتى. بۇل «ەۋروۆيدەنيە» تالابىنا سايكەس كەلمەيدى. وندا كەز كەلگەن ورىنداۋشى سوعان دەيىن ەش جەردە ايتىلماعان تۋىندىنى شىرقاۋى ءتيىس. ال سۋسانا جامالادينوۆا 2015 جىلى «Our Crimea» ء(بىزدىڭ قىرىم) فەستيۆالىنىڭ شەڭبەرىندە بۇل ءاندى ۋكراين تىلىندە ورىنداپ قويعان ەكەن. قازىر ءبارى بۇل ماسەلەگە «ەۋروۆيدەنيە» باسشىلىعىنىڭ قاي قىرىنان كەلىپ, قالاي قارايتىنىنا بايلانىستى بولماق. دەگەنمەن, ونىڭ ەۋروپا حابار تاراتۋشى وداعىنىڭ كۇن تارتىبىنە ەنگىزىلەتىنىندە كۇمان جوق. تالعات رايىمبەك. دەرەك, فوتو: Oxu.Az. https://youtu.be/jf7tJVdaG_I