زاحاروۆا cوزىندە تۇرىپ, سامميتتە «كالينكاعا» بيلەدى (ۆيدەو)

استانا. 19 مامىر. بۇگىن رەسەيدىڭ سوچي قالاسىندا ءوتىپ جاتقان رەسەي-اسەان ءسامميتىنىڭ قابىلداۋى كەزىندە ەلدىڭ سىرتقى ىستەر مينيسترلىگىنىڭ رەسمي وكىلى ماريا زاحاروۆا «كالينكاعا» بيلەدى. بۇل تۋرالى ريا «نوۆوستي» اقپارىنا سۇيەنگەن egemen.kz ءتىلشىسى حابارلادى. زاحاروۆا وسىلايشا وسىنىڭ الدىندا ءباسپاسوز ءماسليحاتىندا بەرگەن ۋادەسىن ورىندادى. ول جۋرناليستەرگە قابىلداۋ جايىندا ايتىپ تۇرىپ: «كەش باعدارلاماسىنا ورىستىڭ حالىق بيلەرىنىڭ كىرەتىنىنە ۋادە بەرەمىن. مەنىڭ وزىمنەن – «كالينكا» شىعادى», - دەگەن ەدى. كونفەرەنسە ساحنادا «كالينكانى» حابارلاعان كەزدە, ونىڭ «رەسەي تۇرعىندارى مەن «چەلسي» فاناتتارىنىڭ عانا ەمەس, سونىمەن قاتار كوپتەگەن شەتەلدىكتەردىڭ دە سۇيىكتى ءانى» ەكەنىن جەتكىزدى. وسىدان كەيىن ءاننىڭ ءوزى ەستىلە باستادى. سول كەزدە ماريا زاحاروۆا ساحناعا شىعىپ, ونىڭ اۋەنى اياسىندا بيلەي جونەلدى. كەيىنىرەك Life تەلەارناسىنا بەرگەن سۇحباتىندا زاحاروۆا مۇنىڭ شىن مانىندە ەكسپرومت بولعانىن, ءوزىنىڭ بيگە ارنايى دايىندالماعانىن ايتتى. «ءبىزدىڭ ءبارىمىز ورىندا وتىرىپ, جۇمىس جاساپ, ءبىراز شارشاعان بولساق تا, سولاي ەتۋگە تۋرا كەلدى. مەن ءوزىمىزدىڭ وسى قابىلداۋعا ىلىنە قالساق, مىندەتتى تۇردە بيلەپ بەرەتىنىمدى ايتقان ەدىم. سول ۋادەنى ورىنداۋ كەرەك بولدى. بىراق مەن بۇعان وكىنبەيمىن», - دەدى ول. الايدا, ماريا زاحاروۆا ءوزىنىڭ بيىك وكشەلى تۋفليمەن قالاي بيلەي العانىن ايتا قويعان جوق. «بۇل – ايەلدىك قۇپيا. وسىدان شەبەرلىك سىنىبىن بەرە الامىن», - دەپ قويدى رەسمي وكىل. تالعات رايىمبەك. دەرەك, فوتو, ۆيدەو: ريا نوۆوستي. https://youtu.be/-mS1NdTdS1o