2015 جىلعى 27 اقپان53 استانا قالاسى
تۇرعىن ۇيلەرگە قويىلاتىن تەحنيكالىق تالاپتاردى بەكىتۋ تۋرالى
«تۇرعىن ءۇي قاتىناستارى تۋرالى» 1997 جىلعى 16 ساۋىردەگى قازاقستان رەسپۋبليكاسى زاڭىنىڭ 10-2-بابىنىڭ 10-13) تارماقشاسىنا سايكەس بۇيىرامىن:
1. قوسا بەرىلىپ وتىرعان تۇرعىن ۇيلەرگە قويىلاتىن تەحنيكالىق تالاپتار بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جولدانۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ە.دوساەۆ
«كەلىسىلدى»
قازاقستان رەسپۋبليكاسىنىڭ ىشكى ىستەر ءمينيسترى
ق.قاسىموۆ ____________
2015 جىلعى 17 ناۋرىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 27 اقپانداعى №153 بۇيرىعىمەن بەكىتىلگەن
تۇرعىن ۇيلەرگە قويىلاتىن تەحنيكالىق تالاپتار
1. وسى تۇرعىن ۇيلەرگە قويىلاتىن تەحنيكالىق تالاپتار (بۇدان ءارى – تالاپتار) «تۇرعىن ءۇي قاتىناستارى تۋرالى» 1997 جىلعى 16 ساۋىردەگى قازاقستان رەسپۋبليكاسى زاڭىنىڭ (بۇدان ءارى – زاڭ) 10-2-بابىنىڭ 10-13) تارماقشاسىنا سايكەس ازىرلەندى جانە تۇرعىن ۇيلەرگە قويىلاتىن تەحنيكالىق تالاپتاردى بەلگىلەيدى.
2. تۇرعىن ۇيلەر قالا قۇرىلىسى تالاپتارىنىڭ نەگىزىندە ساۋلەت-جوسپارلاۋ تاپسىرماسىنىڭ تالاپتارىنا سايكەس تۇرعىن عيماراتتاردىڭ سىنىپتاماسى بويىنشا بولىنەدى.
3. تۇرعىن ۇيلەر پايدالانۋدىڭ بارلىق كەزەڭى ىشىندە ماقساتقا جانە ولارعا قويىلاتىن تەحنيكالىق تالاپتارعا سايكەس بولۋعا ءتيىس.
ەسكەرتپە. تۇرعىن ءۇي-جايدى جەرتولەدە, تەحنيكالىق جانە تسوكولدىق قاباتتارعا ورنالاستىرۋعا بولمايدى.
4. تۇرعىن ۇيگە مىناداي تەحنيكالىق تالاپتار قويىلادى:
ناقتى اۋداندار مەن وڭىرلەرگە ءتان ءارتۇرلى فاكتورلاردىڭ اسەرىن ەسكەرە وتىرىپ, تىرەۋ جانە قورشاۋ كونسترۋكتسيالارىنىڭ بەرىكتىگى, توزىمدىلىگى جانە سەنىمدىلىگى;
ينجەنەرلىك جۇيەلەردىڭ توقتاۋسىز جۇمىس ىستەۋى;
نورماتيۆتىك شۋ, دىبىس وقشاۋلاۋعا سايكەستىگى;
جىلۋدى قورعاۋدىڭ نورماتيۆتىك كورسەتكىشتەرىنە سايكەستىگى;
ءورت قاۋىپسىزدىگىنە سايكەستىگى.
5. تۇرعىن ءۇيدىڭ تىرەۋ جانە قورشاۋ كونسترۋكتسيالارىنىڭ بەرىكتىگى, توزىمدىلىگى جانە سەنىمدىلىگى تالاپتارىن ورىنداۋدى قامتاماسىز ەتۋ ءۇشىن ولاردى ءتيىستى جاي-كۇيدە ۇستاۋ قاجەت, ولاردى پايدالانعان كەزدە وزگەرگىشتىك بولىگىندە (سىزاتقا توزىمدىلىك بولىگىندە تەمىربەتون كونسترۋكتسيالاردا) پايدا بولعان بۇزۋشىلىقتار ادامداردىڭ قاۋىپسىز تۇرۋى ءۇشىن كونسترۋكتسيالاردىڭ جۇمىس ىستەۋ قابىلەتىنىڭ جانە تىرەۋ قابىلەتىنىڭ بۇزىلۋىنا الىپ كەلمەيدى.
6. تۇرعىن ءۇيدىڭ نەگىزدەرىندە جانە تىرەۋ كونسترۋكتسيالارىندا كونسترۋكتسيالاردىڭ وزگەرۋىنە نەمەسە سىزاتتاردىڭ پايدا بولۋىنا الىپ كەلەتىن, ولاردىڭ تىرەۋ قابىلەتىن تومەندەتەتىن جانە ولاردىڭ پايدالانۋ قاسيەتىن ناشارلاتاتىن بۇزىلۋلار مەن زاقىمدانۋلاردىڭ ءارتۇرلى تۇرلەرىنە جول بەرىلمەيدى.
7. توقتاۋسىز جۇمىس ىستەۋ تالاپتارىنىڭ ورىندالۋىن قامتاماسىز ەتۋ ءۇشىن تۇرعىن ۇيدەگى ينجەنەرلىك جۇيەلەر قازاقستان رەسپۋبليكاسىنىڭ قولدانىستاعى نورماتيۆتىك-تەحنيكالىق قۇجاتتارىندا بەلگىلەنگەن قاۋىپسىزدىك تالاپتارىنا جانە جابدىقتاردى دايىنداۋشى زاۋىتتاردىڭ نۇسقاۋلىقتارىنا, سونداي-اق سانيتاريالىق-ەپيدەميولوگيالىق تالاپتارعا سايكەس ورنالاستىرىلادى جانە مونتاجدالادى.
8. تۇرعىن ءۇي جاڭبىر, ەرىگەن جانە جەراستى سۋلارىنىڭ كىرۋىنەن جانە ينجەنەرلىك جۇيەلەردەن ىقتيمال تۇرمىستىق سۋدىڭ اعۋىنان كونسترۋكتيۆتىك قۇرالدار مەن تەحنيكالىق قۇرىلعىلاردىڭ كومەگىمەن قورعالادى.
9. سۋىق جانە ىستىق سۋمەن جابدىقتاۋ جۇيەلەرىنىڭ كوممۋنيكاتسيالارىن, كارىز تارتۋدى كوبىنە اشىق تاسىلمەن نەمەسە قۇبىرلاردى مەحانيكالىق ب ۇلىنۋدەن قورعاۋ جونىندەگى ءىس-شارالاردى جۇرگىزە وتىرىپ, قابىرعالاردىڭ قورعاۋشى سىلاق قاباتى بار جەردە, تەگىس ەدەندە, شاحتالاردا, اسپالى توبەلەردە كوزدەۋ كەرەك.
10. تۇرعىن ءۇيدىڭ شۋ جانە دىبىس وقشاۋلاۋ تالاپتارىنىڭ ورىندالۋىن قامتاماسىز ەتۋ ءۇشىن قازاقستان رەسپۋبليكاسىنىڭ قولدانىستاعى نورماتيۆتىك-تەحنيكالىق قۇجاتتارىندا بەلگىلەنگەن شۋدىڭ نورماتيۆتىك دەڭگەيىن ساقتاۋ قاجەت.
تۇرعىن ءۇيدىڭ سىرتقى جانە ىشكى قورشاۋ كونسترۋكتسيالارىنىڭ دىبىس وقشاۋلاۋى سىرتقى شۋ كوزدەرىنەن, سونداي-اق ەكپىندى شۋدان جانە ينجەنەرلىك جۇيەلەر جابدىقتارىنىڭ شۋىنان بولاتىن دىبىس قىسىمىن تومەندەتۋدى قامتاماسىز ەتۋگە ءتيىس.
پاتەرارالىق اراقابىرعالار جوعارعى دىبىس وقشاۋلاعىشپەن قامتاماسىز ەتىلەدى.
11. سانيتاريالىق-گيگيەنالىق ءۇي-جايلاردا گيدرو, شۋ جانە ءدىرىل وقشاۋلاۋ جونىندەگى نورماتيۆتىك-تەحنيكالىق تالاپتار ساقتالماعان كەزدە تۇرعىن ءۇيدىڭ پاتەرارالىق قورشاۋ قابىرعالارىنا جانە اراقابىرعالارىنا, ولاردىڭ بولمەدەن تىس جالعاساتىن جەرلەرىنە اسپاپتار مەن قۇبىرلاردى بەكىتۋگە بولمايدى.
12. تىرەۋ جانە قورشاۋ كونسترۋكتسيالارىنىڭ جىلۋ قورعاۋ تالاپتارىنىڭ ساقتالۋىن قامتاماسىز ەتۋ ءۇشىن تۇرعىن ءۇيدىڭ قاجەتتى تەمپەراتۋراسىن قامتاماسىز ەتەتىن جانە تۇرعىن ءۇيدىڭ كونسترۋكتسيالارىندا ارتىق مولشەردە ىلعالدىڭ جينالۋىنىڭ الدىن الاتىن جىلۋ بەرۋ جانە اۋا كىرۋ كەدەرگىلەرىنە سايكەس كەلۋگە ءتيىس.
تۇرعىن ءۇيدىڭ سىرتقى قورشاۋ كونسترۋكتسيالارىنىڭ جىلۋ وقشاۋلاۋى 60 % اسپايتىن سالىستىرمالى ىلعالدىلىقتى, جىلىتىلاتىن ءۇي-جايلاردىڭ تەمپەراتۋراسى كەمىندە +18°س, سونداي-اق سىرتقى سۋىق اۋانىڭ كىرۋىنەن ساقتايتىن وقشاۋلاعىشتى قامتاماسىز ەتەدى.
13. تۇرعىن ءۇي قازاقستان رەسپۋبليكاسىنىڭ قولدانىستاعى نورماتيۆتىك-تەحنيكالىق قۇجاتتارىندا بەلگىلەنگەن ءورت قاۋىپسىزدىگى تالاپتارىنا سايكەس كەلۋگە ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 23 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10786 بولىپ ەنگىزىلدى.