بيىل ستەپنوگور قالاسىنداعى «استانا-نان» سەرىكتەستىگى مەن ماسكەۋ قالاسىنداعى «اۆگۋست فيرماسى» اق بىرلەسىپ, گليفوسات كالي تۇزىن جانە گليفوسات گەربيتسيدتەرىن وندىرەتىن «اۆگۋست-نان» سەرىكتەستىگىنىڭ جاڭا كاسىپورنىن اشتى.
تمد ەلدەرىندە تەڭدەسى جوق گەربيتسيدتىڭ بۇل ءتۇرى قازاقستاندا تۇڭعىش رەت وندىرىلۋدە. جىلىنا 20 ميلليون ليترگە دەيىن گەربيتسيد شىعارۋ جوسپارلانعان. بۇل جوباعا 2 ميلليارد تەڭگەدەن استام ينۆەستيتسيا تارتىلدى. بىرلەسكەن كاسىپورىن وندىرەتىن ءونىمنىڭ وزىندىك قۇنىن ازايتىپ, كەدەن وداعى ەلدەرىنىڭ رىنوگىنا شىعۋدى كوزدەۋدە. زاۋىت 20 ليتر كولەمدەگى ءوز ىدىسىن دا وندىرەتىنىن اتاپ وتكەن ءجون. قازىر وندىرىستىك جەلىلەردى قالپىنا كەلتىرۋ, جاڭا قوندىرعىلار ساتىپ الۋ جانە جۇمىس جوباسىن بەكىتۋ جۇمىستارى جۇرگىزىلۋدە. ءوندىرىس 2016 جىلدىڭ ەكىنشى جارتىجىلدىعىندا ىسكە قوسىلىپ, ءجۇز جاڭا جۇمىس ورنى اشىلادى دەپ جوسپارلانۋدا.
باقبەرگەن امالبەك,
«ەگەمەن قازاقستان»
اقمولا وبلىسى