رەسەي سپورتتىق كۇرەس فەدەراتسياسىنىڭ ءبىرىنشى ۆيتسە-پرەزيدەنتى, ەركىن كۇرەس شەبەرى ادلان ۆاراەۆ كۇتپەگەن جەردەن سەلفيدىڭ قۇربانى بولىپ كەتتى.
قايعىلى وقيعا چەشەنستانداعى ارگۋن تاۋلى وزەنى اڭعارىنداعى شاتقالدى ورىن العان. وسى جەردە كسرو-نىڭ ەڭبەك سىڭىرگەن سپورت شەبەرى, رەسەيدىڭ ەڭبەك سىڭىرگەن جاتتىقتىرۋشىسى ارگۋن تاۋلى وزەنىنىڭ اڭعارىنداعى شاتقالدا ءوزىن سۋرەتكە ءتۇسىرىپ الماقشى بولىپ جاتىپ, تومەنگە قاراي قۇلاپ كەتكەن.
ازىرگە داڭقتى چەشەن بالۋانىنىڭ دەنەسىن ىزدەۋ جۇمىستارى ءوزىنىڭ ءناتيجەسىن بەرگەن جوق. قازىر 54 جاستاعى سپورت فۋنكتسيونەرىن ىزدەۋگە رەسپۋبليكا توتەنشە جاعدايلار مينيسترلىگىنىڭ 200-دەن استام قىزمەتكەرى, ءبىر توپ ەرىكتىلەر مەن باسقا دا سالالاردىڭ وكىلدەرى قاتىسۋدا.
ادلان ۆاراەۆ 1988 جىلى سەۋلدە وتكەن وليمپيادادا ەكىنشى ورىنعا شىعىپ, چەشەندەر اراسىندا ويىندار مەدالىن جەڭىپ العان ءبىرىنشى سپورتشى اتاندى. ول كسرو-نىڭ ەكى دۇركىن, ەۋروپانىڭ ءۇش مارتە چەمپيونى بولدى. بۇدان باسقا, 1986 جىلى الەم چەمپيوناتىنىڭ كۇمىس مەدالىن السا, كەلەسى جىلى چەمپيوندىققا قول جەتكىزگەن بولاتىن.
دامير قوجامقۇل