قوستاناي. 5 مامىر. رۋدنىي قالاسىندا پوليتسەيلەردىڭ قىراعىلىعى ارقاسىندا اۆتوموبيل تونايتىن دانىككەن ۇرىلار توبى ۇستالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
رۋدنىي قالاسىنداعى №256 جول-پاترۋلدىق پوليتسياسىنىڭ قۇرامىندا جەرگىلىكتى پوليتسەي راۋان نۇرشاتاەۆ جانە پوليتسيا اعا سەرجانتى ەلمۇرات جاقسىلىقوۆ بار ءاۆتوپاترۋلى تۇندە بەيمەزگىل جۇرگەن «ليفان» جەڭىل ماشيناسىن توقتاتتى. ماشينا باگاجىنان 8 اككۋمۋلياتور, ۆيدەوتىركەگىشتەر, انتيرادارلار, ناۆيگاتورلار سالىنعان سومكە تابىلدى. رۋدنىي قالاسىنىڭ 20 جانە 23 جاستاعى ەكى تۇرعىنى ۇستالدى. ولاردىڭ بۇگىندە اۆتوماشينالاردى توناۋعا ابدەن دانىككەن ۇرىلار ەكەنى انىقتالدى, ولاردىڭ قولىمەن جاسالعان وننان استام ۇرلىق انىقتالدى.
پوليتسياعا ولار ۇستالماس بۇرىن تۇسكەن ارىزدارعا سايكەس ادامداردىڭ ۇرلانعان زاتتارى قايتارىلدى.
ءنازيرا جارىمبەتوۆا.
دەرەك, فوتو: قوستاناي وبلىستىق ىشكى ىستەر دەپارتامەنتى ءباسپاسوز قىزمەتى.