اتىراۋ. 5 مامىر. اتىراۋدا قازاقستاننىڭ مۇناي سەرۆيستىك كومپانيالارى وداعىنىڭ ۇيىمداستىرۋىمەن «كازنەفتەگازسەرۆيس – 2016». جاڭا مۇمكىندىكتەر: مۇنايگاز قۇرىلىسى جانە ينجينيرينگ» اتتى 5-ءشى مەرەيتويلىق كونفەرەنتسياسىندا جاڭا كونسورتسيۋم قۇرۋ تۋرالى كەلىسىمگە قول قويىلدى. بۇل تۋرالى egemen.kz ءتىلشىسى حابارلادى.
كونسورتسيۋم RenaissanceHeavyIndustries جانە «فيرما اتك» سەرىكتەستىگىنىڭ اراسىندا بەكىتىلدى. RenaissanceHeavyIndustries – ءىرى حالىقارالىق قۇرىلىس كومپانيالارىنىڭ ءبىرى. مۇناي گاز ءوندىرۋ, وڭدەۋ, مۇنايحيميا, ەنەرگەتيكا, مەتاللۋرگيا سالاسىندا ونداعان ءساتتى جوبالاردى جۇزەگە اسىرعان. ال, «فيرما اتك» سەرىكتەستىگى 20 جىلدىق تاريحى بار قازاقستاندىق قۇرىلىس كومپانياسى. كومپانيا مۇناي جانە گاز كەن ورىندارىنىڭ قۇرىلىسىن جۇرگىزىپ, كوگىلدىر وتىندى تازالاۋ نىساندارىن سالۋ, ازاماتتىق نىساندار قۇرىلىسىن جۇرگىزگەن.
«كونسورتسيۋم قۇرۋداعى باستى ماقسات ء–تيىمدى سەرىكتەستىك ارقىلى قازاقستاندىق ۇلەستى بارىنشا ارتتىرۋعا كۇش سالۋ, جوعارى دەڭگەيلى حالىقارالىق قۇرىلىس قىزمەتىن كورسەتۋ ارقىلى «تەڭىزشەۆرويل» جاۋاپكەرشىلىگى شەكتەۋلى سەرىكتەستىگىنىڭ «تەڭىز» كەنىشىندە ىسكە اسىرىلاتىن كەلەشەك كەڭەيتۋ جوباسىنا قاتىسۋ. سونىمەن بىرگە, قازاقستاننىڭ مۇناي سەرۆيستىك كومپانيالارى وداعىنىڭ ماڭىزدى مىندەتتەرىنىڭ بىرىنە قازاقستاندىق كومپانيالاردى بارىنشا مۇناي گاز جوبالارىنا تارتۋ دا جاتادى» – دەپ حابارلادى قاززاقستاننىڭ مۇناي سەرۆيستىك كومپانيالارى وداعىنىڭ ءباسپاسوز قىزمەتى.
وتاندىق مۇناي سەرۆيستىك كومپانيالاردى دامۋدىڭ جاڭا دەيگەيىنە قادام باسۋىنا سەرپىن بەرەتىن جاڭا كونسورتسيۋم قۇرۋ تۋرالى كەلىسىمگە «فيرما اتك» كومپانياسىنىڭ باس ديرەكتورى جانىبەك نۇعمانوۆ پەن RenaissanceHeavyIndustries كومپانياسىنىڭ ۆيتسە-پرەزيدەنتى احمەت ابدۋللاەۆ قول قويدى.
جولداسبەك شوپەعۇل.
دەرەك, سۋرەت: قاززاقستاننىڭ مۇناي سەرۆيستىك كومپانيالارى وداعىنىڭ ءباسپاسوز قىزمەتى.