استانا. 5 مامىر. ءۇندىستاننىڭ چحاتتيسگارح شتاتىندا جولاۋشىلار اۆتوبۋسى كوپىردەن قۇلاپ, 13 ادام قازا تاپتى. سونداي-اق, 53 جولاۋشى ءتۇرلى دەڭگەيدە جاراقات الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وقيعا جەرگىلىكتى ۋاقىت بويىنشا, ساعات 22:30-دا بولدى. اۆتوبۋس گارحۆا قالاسىنان رايپۋر ايماعىنا باعىت العان. پوليتسيا قىزمەتكەرلەرىنىڭ مالىمدەۋىنشە, جۇرگىزۋشى الدىنان شىققان موتوتسيكلگە سوقتىعىسپاس ءۇشىن قارسى بەتكە ءوتىپ كەتىپ, رۋلگە يە بولا الماي قالعان. سالدارىنان قوعامدىق كولىك سۋى تارتىلىپ قالعان وزەننىڭ اڭعارىنا قۇلاپ, بىرنەشە رەت اۋدارىلعان.
«ازىرگە ءبىزدىڭ قولىمىزعا كەلىپ تۇسكەن اقپارات بويىنشا, 13 ادام مەرت بولىپ, امبيكاپۋر اۋدانىنداعى اۋرۋحانادا 16 جولاۋشى اۋىر حالدە جاتىر. سونىمەن قاتار, تاعى 37 ادام ءتۇرلى دەڭگەيدە جاراقات الدى», – دەدى پوليتسيا قىزمەتكەرى.
ايتا كەتەيىك, ءۇندىستان الەمدەگى كولىك اپاتى ءجيى بولاتىن ەلدەردىڭ ءبىرى. بەيرەسمي مالىمەتتەر بويىنشا, بۇل ەلدە جىلىنا 200 مىڭعا جۋىق ادام جول-كولىك وقيعاسىنان وپات بولىپ, جۇزدەگەن مىڭى زارداپ شەگەدى.
ايان ءابدۋالي.
دەرەك: ريا «نوۆوستي».
فوتو: rbc.ua.