«نۇر وتان» پارتياسىنىڭ ايماقتىق جانە اۋماقتىق بارلىق قوعامدىق قابىلداۋ بولمەلەرى قازاقستان حالقى اسسامبلەياسىنىڭ ايماقتاعى ەتنومادەني بىرلەستىكتەرىمەن ۇندەسە وتىرىپ, حالىق اراسىنداعى دوستىقتى, ىنتىماقتى نىعايتۋ جانە تۇراقتىلىقتى ناسيحاتتاۋ ماقساتىندا جەر-جەردە «بىرىڭعاي ازاماتتاردى قابىلداۋ كۇنى» رەسپۋبليكالىق اكتسياسىن وتكىزدى.
ءىس-شاراعا «نۇر وتان» پارتياسى ەلىمىزدەگى ەتنومادەني بىرلەستىكتەردىڭ وكىلدەرىمەن بىرگە پارلامەنت ءماجىلىسى, وبلىستىق, اۋداندىق ءماسليحاتتار دەپۋتاتتارى دا قاتىسىپ, شالعاي ەلدى مەكەندەرگە شىعىپ, ازاماتتارعا ەلباسىنىڭ «الەم. ححI عاسىر» مانيفەسى, «قازاقستان-2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىن جانە قازاقستان حالقى اسسامبلەياسىنىڭ ساياساتىن جان-جاقتى ءتۇسىندىردى. سونىمەن قاتار, تۇرعىنداردى جەكە ماسەلەلەرى بويىنشا قابىلداۋلار جۇرگىزىپ, كوپتەگەن ءتۇيىندى ماسەلەلەردى شەشۋگە ىقپال ەتتى.
سونىڭ ىشىندە ۇلتتار دوستىعىنىڭ ءىس-شاراسىنا ەلىمىزدەگى قازاق, ورىس, بەلورۋس, وزبەك, نەمىس, ۇيعىر, كورەي جانە وزگە دە ۇلتتىق بىرلەستىكتەردىڭ وكىلدەرى قاتىسىپ, وزدەرىنە جۇكتەلگەن مىندەتتەردى ابىرويمەن ورىندادى.
جالپى العاندا, وتكىزىلگەن رەسپۋبليكالىق اكتسيادا تاعى دا ۇلتتار اراسىنداعى تاتۋلىقتىڭ, دوستىقتىڭ جانە تۋىسقاندىقتىڭ تۋى جەلبىرەپ تۇردى.
اسقار قۇمارباي,
«نۇر وتان» پارتياسى رەسپۋبليكالىق قوعامدىق قابىلداۋ بولمەسىنىڭ كونسۋلتانتى