ۇرپاق تاربيەسى – ۇلت بولاشاعى. بۇل ورايدا, وسكەمەن قالاسى اكىمدىگىنىڭ «ورتالىقتاندىرىلعان كىتاپحانالار جۇيەسى» (وكج) كوممۋنالدىق مەملەكەتتىك مەكەمەسىنىڭ قىزمەتكەرلەرى دە بىرقاتار شارالاردى جۇزەگە اسىرۋدا. سولاردىڭ ءبىرى, وكج-گە قاراستى №2 كىتاپحانا-ءبولىمشەسىنىڭ كىتاپحاناشىلارى «ءتاربيەشىنىڭ پەداگوگيكالىق شەبەرلىگىن ارتتىرۋ جولدارى» اتتى ماماندار كۇنىن وتكىزدى. شاراعا «ەركەتاي», «اقبوتا» بالاباقشالارىنىڭ جانە قالاداعى №15 ورتا مەكتەپتىڭ جانىنداعى شاعىن ورتالىقتىڭ تاربيەشىلەرى قاتىستى. س.امانجولوۆ اتىنداعى شقمۋ-ءدىڭ «پەداگوگيكالىق ءبىلىم جانە مەنەدجمەنت» كافەدراسىنىڭ اعا وقىتۋشى-ماگيسترلەرى گ.ك.قيلىباەۆا مەن گ.ق.نيعمەدجانوۆا تاربيەشى ماماندار ءۇشىن ءدارىس وقىپ, ترەنينگ وتكىزدى.
بايانداما بارىسىندا ەلباسىمىز ن.ءا.نازارباەۆ اتاپ ايتقانداي, تاۋەلسىز ەلىمىزدىڭ ازاماتتارىن قالىپتاستىرۋدا تاربيە جۇمىستارىنىڭ ەرەكشە ماڭىزى بارى باسا ايتىلىپ, بۇل ورايدا قولدانىلاتىن ءتيىمدى جاڭا تەحنولوگيالار جايىندا ەگجەي-تەگجەيلى اڭگىمە قوزعالدى. سونىمەن بىرگە, مۇنداي شارالار تاربيەشىلەردىڭ ءوزارا تاجىريبە الماسۋ جۇمىستارىن ودان ءارى جانداندىرا تۇسەتىنى اتاپ ءوتىلدى. ءدارىس بالاباقشا تاربيەشىلەرىنىڭ كوڭىلىنەن شىعىپ, ولار بولاشاقتا وسىنداي شارالار جۇيەلى تۇردە وتسە دەگەن تىلەكتەرىن جەتكىزدى.
تاۋەلسىز ەلدىڭ تامىرى مىقتى بولسىن دەسەك, ۇرپاق تاربيەلەيتىن مامانداردىڭ بىلىكتى دە ءبىلىمدى بولۋى شارت. بۇل ورايدا, س.امانجولوۆ اتىنداعى شقمۋ-ءدىڭ «پەداگوگيكالىق ءبىلىم جانە مەنەدجمەنت» كافەدراسىنىڭ مەڭگەرۋشىسى ناتاليا رادچەنكو, باسقا دا كافەدرا وقىتۋشىلارى ءوز ءىس-تاجىريبەلەرىن بالاباقشا تاربيەشىلەرىمەن بولىسۋگە الداعى ۋاقىتتا دا نيەتتى. ال جالپى, ەل تاۋەلسىزدىگىنىڭ 25 جىلدىعىنا وراي وتكەن بۇل ترەنينگ-ءدارىس بالاباقشا مەن شاعىن ورتالىقتاردىڭ ءتاربيەشىلەرىنە بەرگەنى كوپ ماڭىزدى شارالاردىڭ ءبىرى بولدى.
لاززات قايداروۆا,
وسكەمەن قالاسى اكىمدىگىنىڭ
«وكج» كمم كىتاپحاناشىسى