2015 جىلعى 30 ناۋرىز, استانا قالاسى
مىندەتتى اۋديت جۇرگىزەتىن اۋديتورلىق ۇيىمدارعا قويىلاتىن ەڭ از تالاپتاردى بەكىتۋ تۋرالى
«اۋديتورلىق قىزمەت تۋرالى» قازاقستان رەسپۋبليكاسىنىڭ 1998 جىلعى 20 قاراشاداعى زاڭىنىڭ 7-بابى 1-2) تارماقشاسىنا سايكەس بۇيىرامىن:
1. قوسا بەرىلىپ وتىرعان مىندەتتى اۋديت جۇرگىزەتىن اۋديتورلىق ۇيىمدارعا قويىلاتىن ەڭ از تالاپتارى بەكىتىلسىن.
2. قازاقستان رەسپۋبليكاسى قارجى مينيسترلiگiنiڭ بۋحگالتەرلىك ەسەپ پەن اۋديت ءادىسناماسى دەپارتامەنتى (ا.ت. بەكتۇروۆا) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادiلەت مينيسترلiگiندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن ون كۇنتiزبەلiك كۇن وتكەن سوڭ قولدانىسقا ەنگiزiلەدi.
مينيستر ب.سۇلتانوۆ.
«كەلىسىلدى»
قازاقستان رەسپۋبليكاسى ۇلتتىق بانكىنىڭ توراعاسى
________________ ق.كەلىمبەتوۆ
2015 جىلعى 26 ناۋرىز
قازاقستان رەسپۋبليكاسى قارجى ءمينيسترىنىڭ 2015 جىلعى 30 ناۋرىزداعى №231 بۇيرىعىمەن بەكىتىلگەن
مىندەتتى اۋديت جۇرگىزەتىن اۋديتورلىق ۇيىمدارعا قويىلاتىن ەڭ از تالاپتار
1. وسى مىندەتتى اۋديت جۇرگىزەتىن اۋديتورلىق ۇيىمدارعا قويىلاتىن ەڭ از تالاپتار (بۇدان ءارى – ەڭ از تالاپتار) «اۋديتورلىق قىزمەت تۋرالى» قازاقستان رەسپۋبليكاسىنىڭ 1998 جىلعى 20 قاراشاداعى زاڭىنا سايكەس ازىرلەندى جانە ۇيىمدارعا مىندەتتى اۋديت جۇرگىزۋگە جىبەرىلەتىن اۋديتورلىق قويىلاتىن ۇيىمدارعا ەڭ از تالاپتاردى بەلگىلەيدى.
2. ۇيىمدارعا مىندەتتى اۋديت جۇرگىزۋ ءۇشىن اۋديتورلىق قىزمەتتى جۇزەگە اسىرۋعا ليتسەنزياسى بار اۋديتورلىق ۇيىم مىناداي:
1) مۇشەسى اۋديتورلىق ۇيىم بولىپ تابىلعان وتكiزiلگەن سىرتقى ساپانى باقىلاۋدىڭ ناتيجەلەرى بويىنشا اۋديتورلىق ۇيىمنىڭ حالىقارالىق اۋديت ستاندارتتارى جانە ەتيكا كودەكسى تالاپتارىنىڭ ساقتالۋىن راستايتىن اككرەديتتەلگەن كاسىبي اۋديتورلىق ۇيىمنىڭ قورىتىندىسىنىڭ بار بولۋى;
2) سوڭعى ءبىر جىل ىشىندە «اكiمشiلiك بۇزۋشىلىقتار تۋرالى» قازاقستان رەسپۋبليكاسىنىڭ 2014 جىلعى 5 شىلدەدەگى كودەكسىنە سايكەس اۋديتورلىق قىزمەت تۋرالى زاڭنامانى بۇزعانى ءۇشىن سالىنعان اكiمشiلiك جازانىڭ بولماۋى ەڭ از تالاپتارعا سايكەس كەلەدى.
3. ۇلتتىق كومپانيالاردىڭ, ۇلتتىق حولدينگتەردىڭ جانە ۇلتتىق باسقارۋشى حولدينگتەردىڭ مىندەتتى ءاۋديتىن جۇرگىزۋ ءۇشىن اۋديتورلىق ۇيىم ەڭ از تالاپتارىنا قوسىمشا مىناداي:
1) اۋديتورلىق ۇيىم باسشىسىنىڭ اۋديتورلىق قىزمەتپەن شۇعىلدانۋ مەرزىمى كەمىندە 5 (بەس) جىل بولۋى;
2) كەمىندە 10 (ون) اۋديت جۇرگىزىلگەن سۋبەكتىلەردىڭ حالىقارالىق قارجىلىق ەسەپتىلىك ستاندارتتارىنا سايكەستىگىنە اۋديتورلىق ەسەپتەرىنىڭ بولۋى;
3) كاسىبي بۋحگالتەر سەرتيفيكاتى بار كەمىندە 2 (ەكى) ماماننىڭ بولۋى ەڭ از تالاپتارعا سايكەس كەلەدى.
4. قارجىلىق ۇيىمداردىڭ جانە «قازاقستان دامۋ بانكi» اكتسيونەرلىك قوعامىنىڭ مىندەتتى ءاۋديتىن جۇرگىزۋ ءۇشىن اۋديتورلىق ۇيىم وسى ەڭ از تالاپتاردىڭ 2 جانە 3-تارماقتارىندا كوزدەلگەن ەڭ از تالاپتاردان باسقا قۇرامىندا:
1) توپ جەتەكشىسى ەتىپ تاعايىندالاتىن «اۋديتور» دەگەن بiلiكتiلiك كۋالiگi جانە سوڭعى بەس جىلدىڭ 3 ء(ۇش) جىل ىشىندە قارجىلىق ۇيىمداردىڭ ءاۋديتى سالاسىندا جۇمىس تاجىريبەسىمەن بىرگە اۋديتورلىق بىلىكتىلىك كۋالىگى بار مامان;
2) بۋحگالتەرلىك ەسەپ جانە (نەمەسە) اۋديت سالاسىندا Certified Public Accountant (CPA), The Association of Chartered Certified Accountants (ACCA), The Chartered Institute of Management Accountants (CIMA), The Institute of Chartered Accountants in England and Wales (ICAEW) بىرىندە تولىق بىلىكتىگى بار, نەمەسە سوڭعى بەس جىلدىڭ 2 (ەكى) جىل ىشىندە قارجىلىق ۇيىمداردىڭ ءاۋديتى سالاسىندا جۇمىس تاجىريبەسىمەن بىرگە «اۋديتور» بىلىكتىگى بار كەمىندە 2 (ەكى) قىزمەتكەرىنىڭ بولۋى.
قارجىلىق قىزمەتتەر كورسەتەتىن ۇلتتىق كومپانيالاردىڭ, ۇلتتىق حولدينگتەردىڭ جانە ۇلتتىق باسقارۋشى حولدينگتەردىڭ مىندەتتى ءاۋديتىن جۇرگىزۋ كەزىندە وسى تارماقتىڭ تالابى قولدانىلمايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10875 بولىپ ەنگىزىلدى.