2015 جىلعى 30 ناۋرىز, استانا قالاسى
مەملەكەتتىك ساتىپ الۋ سالاسىندا مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارىن بەكىتۋ تۋرالى
«مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2007 جىلعى 21 شىلدەدەگى زاڭى 14-بابىنىڭ 16) تارماقشاسىنا سايكەس بۇيىرامىن:
1. قوسا بەرىلىپ وتىرعان مەملەكەتتىك ساتىپ الۋ سالاسىندا مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارى بەكىتىلسىن.
2. قازاقستان رەسپۋبليكاسى قارجى مينيسترلiگiنiڭ مەملەكەتتiك ساتىپ الۋ زاڭناماسى دەپارتامەنتi (س.م. احمەتوۆ) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تىركەۋدى;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن ون كۇنتiزبەلiك كۇن وتكەن سوڭ قولدانىسقا ەنگiزiلەدi.
مينيستر ب.سۇلتانوۆ.
قازاقستان رەسپۋبليكاسى قارجى ءمينيسترىنىڭ 2015 جىلعى 30 ناۋرىزداعى №232 بەكىتىلگەن
مەملەكەتتىك ساتىپ الۋ سالاسىندا مامانداردى قايتا دايارلاۋ جانە
ولاردىڭ بىلىكتىلىگىن ارتتىرۋ قاعيدالارىن بەكىتۋ تۋرالى
وسى مەملەكەتتىك ساتىپ الۋ سالاسىندا مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارى (بۇدان ءارى – قاعيدا) «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2007 جىلعى 21 شىلدەدەگى زاڭى (بۇدان ءارى – زاڭ) 14-بابىنىڭ 16) تارماقشاسىنا سايكەس ازىرلەندى جانە مەملەكەتتىك ساتىپ الۋ سالاسىندا مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ ءتارتىبىن انىقتايدى.
1. وسى قاعيدادا مىناداي نەگىزگى ۇعىمدار پايدالانىلادى:
ءبىلىم بەرۋ ۇيىمدارى – قوسىمشا ءبىلىم بەرۋدىڭ وقۋ باعدارلامالارىن ىسكە اسىراتىن وقۋ ورىندارى;
تاپسىرىس بەرۋشى – ۇلتتىق باسقارۋشى حولدينگتەردى, ۇلتتىق حولدينگتەردى, ۇلتتىق باسقارۋشى كومپانيالاردى, ۇلتتىق كومپانيالاردى جانە ولار اففيليرلەگەن زاڭدى تۇلعالاردى قوسپاعاندا, زاڭعا, سونداي-اق قازاقستان رەسپۋبليكاسىنىڭ ازاماتتىق زاڭناماسىنا سايكەس تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋدى جۇزەگە اسىراتىن مەملەكەتتىك ورگاندار, مەملەكەتتىك مەكەمەلەر, سونداي-اق مەملەكەتتىك كاسىپورىندار, داۋىس بەرەتىن اكتسيالارىنىڭ (جارعىلىق كاپيتالىنداعى قاتىسۋ ۇلەستەرىنىڭ) ەلۋ جانە ودان استام پايىزى مەملەكەتكە تيەسىلى زاڭدى تۇلعالار جانە ولار اففيليرلەگەن زاڭدى تۇلعالار.
2. مەملەكەتتىك ساتىپ الۋ سالاسىندا مامانداردى (بۇدان ءارى – ماماندار) قايتا دايارلاۋدى جانە ولاردىڭ بىلىكتىلىگىن ارتتىرۋدى ءبىلىم بەرۋ ۇيىمدارى جۇرگىزەدى.
3. ءبىلىم بەرۋ ۇيىمدارى مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ جونىندەگى وقۋ باعدارلامالارىن (بۇدان ءارى – وقۋ باعدارلامالارى) ازىرلەيدى, ولار قازاقستان رەسپۋبليكاسىنىڭ ءبىلىم بەرۋ سالاسىنداعى زاڭناماسىنا سايكەس بەكىتىلەدى.
4. مامانداردى وقىتۋ بەكىتىلگەن وقۋ باعدارلامالارىنا ساي جۇرگىزىلەدى.
5. وقۋ باعدارلاماسىنىڭ جالپى ساعاتى سانىنىڭ كەمىندە 20%-ىن مەملەكەتتىك ساتىپ الۋدى ۇيىمداستىرۋ جانە جۇرگىزۋ راسىمدەرىنىڭ ورىندالۋىنا جاۋاپتى تاپسىرىس بەرۋشىلەردىڭ, قىزمەتكەرلەرى قاتارىنان ءىس جۇزىندەگى قىزمەتكەرلەردى, سونداي-اق جوعارىدا كورسەتىلگەن راسىمدەردى باقىلاۋدى جۇزەگە اسىراتىن مەملەكەتتىك ورگانداردىڭ قىزمەتكەرلەرىن تارتا وتىرىپ, مەملەكەتتىك ساتىپ الۋدى ۇيىمداستىرۋ جانە جۇرگىزۋ پراكتيكاسىن زەردەلەۋدى قۇراۋى ءتيىس.
6. ءبىلىم بەرۋ ۇيىمدارى وقىتۋشىلىق قىزمەتكە مەملەكەتتىك ساتىپ الۋ جونىندەگى ۋاكىلەتتى ورگانمەن كانديداتۋرالارىن كەلىسكەننەن كەيىن ءىس جۇزىندەگى قىزمەتكەرلەر مەن مەملەكەتتىك ورگانداردىڭ قىزمەتكەرلەرىن تارتادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10854 بولىپ ەنگىزىلدى.