استانا. 25 ءساۋىر. قازاقستان پرەزيدەنتى نۇرسۇلتان نازارباەۆ يسپانيا كورولدىگىنىڭ سىرتقى ىستەر ءمينيسترى حوسە مانۋەل گارسيا-مارگالونى قابىلدادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
كەزدەسۋ بارىسىندا قازاقستان-يسپانيا ىنتىماقتاستىعىنىڭ نەگىزگى باعىتتارى تالقىلاندى, سونداي-اق, ەكى ەلدىڭ بىرلەسكەن جۇمىسىنىڭ پەرسپەكتيۆالى سالالارى قاراستىرىلدى.
نۇرسۇلتان نازارباەۆ ەكى مەملەكەتتىڭ ءوزارا ءىس-قيمىلىن نىعايتۋعا وڭ ىقپال ەتىپ وتىرعان قازاقستان مەن يسپانيانىڭ ستراتەگيالىق سەرىكتەستىگىنە نازار اۋداردى.
مەملەكەت باسشىسى تەمىر جول ماشينالارىن جاساۋ, مۇناي-گاز, كوممۋنيكاتسيا جانە قۇرىلىس سالالارىندا بىرقاتار بىرلەسكەن جوبالار بار ەكەنىن, ولار ىنتىماقتاستىق اياسىن كەڭەيتە تۇسۋگە ەلەۋلى نەگىز بولىپ وتىرعانىن اتاپ ءوتتى.
تالعات رايىمبەك.
دەرەك, فوتو: akorda.kz.