الماتى , 2016 جىلعى 21 ءساۋىر
«بوكستان ايەلدەر اراسىنداعى الەم چەمپيوناتى.
استانا 2016» ەسكەرتكىش مونەتالارىن اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2016 جىلعى 21 ساۋىردە نومينالدىق قۇنى 100 تەڭگەلىك, «رroوf» ساپالى كۇمىستەن «بوكستان ايەلدەر اراسىنداعى الەم چەمپيوناتى. استانا 2016» ەسكەرتكىش كۇمىس مونەتالارىن اينالىسقا شىعارادى.
مونەتانىڭ سيپاتتاماسى:
مونەتانىڭ بەت جاعىندا (اۆەرسىندە) جوعارعى بولىگىندە ۇلتتىق ويۋ-ورنەك اياسىندا مونەتانىڭ نومينالىن بىلدىرەتىن «100 تەڭگە» دەگەن جازۋ جانە مونەتا دايىندالعان مەتالدى, ونىڭ سىنامىن جانە ماسساسىن بىلدىرەتىن «Ag 925 24 g» دەگەن جازۋ, سونداي-اق قازاقستان تەڭگە سارايىنىڭ تاۋار بەلگىسى ورنالاسقان. مونەتانىڭ تومەنگى بولىگىندە ستاديوننىڭ ستيلدەندىرىلگەن بەينەسىنىڭ جانە مەملەكەتتىك تىلدەگى «قازاقستان رەسپۋبليكاسى» دەگەن جازۋدىڭ قورشاۋىندا قازاقستان رەسپۋبليكاسىنىڭ ەلتاڭباسى, سوعىلعان جىلىن بىلدىرەتىن «2016» دەگەن جازۋ بەينەلەنگەن. بەينەلەر مەن جازۋلار بەدەرلەنگەن.
مونەتانىڭ سىرت جاعىندا (رەۆەرسىندە) استانا قالاسىندا وتكىزىلەتىن بوكستان ايەلدەر اراسىنداعى الەم چەمپيوناتىنىڭ رەسمي ەمبلەماسى بەينەلەنگەن. بوياۋى ءتامپومور تەحنولوگياسى ارقىلى بەرىلگەن. اينالدىرا شىعىڭقى جيەك جۇرگىزىلگەن.
قىرى (گۋرتى) تەگىس, بەدەرى مەن جازۋى جوق.
مونەتا 925 سىنامدى كۇمىستەن جاسالعان, ماسساسى – 24 گرامم, تىك بۇرىشى 30ح45 مم, دايىنداۋ ساپاسى – «proof», تارالىمى – 1 مىڭ دانا.
نومينالدىق قۇنى 100 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا تۇسىندىرمەسى
«بوكستان ايەلدەر اراسىنداعى الەم چەمپيوناتى. استانا 2016» مونەتاسىنىڭ ديزاينى وسى چەمپيوناتتىڭ رەسمي ەمبلەماسىن پايدالانا وتىرىپ قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
«Proof» ساپاسىمەن جاسالعان ەسكەرتكىش كۇمىس مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتالاردىڭ بۇكىل 1000 دانا تارالىمىن قازاقستان بوكس فەدەراتسياسى ساتىپ الادى.