استانا. 15 ءساۋىر. سيريانىڭ حومس پروۆينتسياسىنداعى لاڭكەستەردىڭ بەيبىت تۇرعىندارعا جاساعان شابۋىلىنان 7 ادام مەرت بولىپ, 30-عا جۋىعى ءتۇرلى دەڭگەيدە جاراقات الدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
حومس پروۆينتسياسىنداعى ارد-ەل-دجابۋرين, مزان, سكالبيا ەلدى مەكەندەرىنە شابۋىلدى كىمنىڭ جاساعانى ازىرگە بەلگىسىز. الايدا, كۋاگەرلەردىڭ ايتۋىنشا, «دجەبحات-ان-نۋسرا» ۇيىمىنىڭ ەكسترەميستەرى بولۋى مۇمكىن. سونداي-اق, بىتىمگەرلىك كەلىسىمىنە تاعى ءبىر قارۋلى توپتىڭ قوسىلعانى بەلگىلى بولدى.
ايتا كەتەيىك, وسى جىلدىڭ 27 اقپانىندا سيريادا باشار اساد ۇكىمەتى مەن وپپوزيتسيالىق كۇشتەردىڭ اراسىندا بەيبىت كەلىسىم ورناعان. الايدا, بۇل كەلىسىمنىڭ اتىشۋلى «يراك پەن لەۆانت لاڭكەستىك ۇيىمى» مەن «دجەبحات-ان-نۋسرا» ەكسترەميستەرىنە قاتىسى جوق.
ايان ءابدۋالي.
دەرەك: 24.kz.
فوتو: eer.ru.