استانا. 15 ءساۋىر. يراكتىڭ اسكەري كۇشتەرى مەملەكەتتىڭ باتىس بولىگىندەگى حيت قالاسىن لاڭكەستەردىڭ قولىنان ازات ەتتى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
«فرانس پرەسس» اگەنتتىگى ۇكىمەت اسكەرىنىڭ «يراك جانە لەۆانت لاڭكەستىك ۇيىمىنىڭ» سودىرلارى ورنالاسقان جەرلەرگە باسىپ كىرگەندىگى جونىندە اقپارات تاراتقان. بۇل قالانىڭ مىڭداعان تۇرعىنى اتىس-شابۋىلداردان قاشۋعا ءماجبۇر بولعان. اسكەريلەر ولاردىڭ كوپشىلىگىن جاقىن جەردەگى قاۋىپسىز لاگەرلەرگە كوشىردى.
ايتا كەتەيىك, انبار پروۆينتسياسىنا قاراستى حيت قالاسى ءترانزيتتى ماڭىزى بار جولدا ورنالاسقان. وسى ارقىلى اتالعان ۇيىمنىڭ ەكسترەميستەرى سيريا جەرىندەگى لاڭكەستىك توپتارمەن بايلانىسىپ وتىرۋىنا مۇمكىندىك بولعان.
ايان ءابدۋالي.
دەرەك, فوتو: 24.kz.