وڭتۇستىك قازاقستان وبلىسىنان ازىق-ت ۇلىك ونىمدەرىن جانە ونەركاسىپ تاۋارلارىن ارتقان كەرۋەن اقتوبەگە اتباسىن تىرەدى. «قونىس» سپورت سارايىندا ۇيىمداستىرىلعان ەكى وبلىستىڭ ونەركاسىپ ونىمدەرىن جانە اۋىلشارۋاشىلىق تاۋار وندىرۋشىلەرىنىڭ كورمە-جارمەڭكەسىنە قالالىقتار مول جينالدى. كورمە-جارمەڭكەنىڭ سالتاناتتى اشىلۋىندا ءسوز العان اقتوبە وبلىسى اكىمىنىڭ ورىنباسارى عالي ەسقاليەۆ ەلباسى ن.نازارباەۆتىڭ وڭىرارالىق كووپەراتسيانى دامىتۋ, ايماقارالىق بايلانىستى نىعايتۋعا بايلانىستى بەرگەن تاپسىرماسىن ورىنداۋ ماقساتىندا وسىنداي يگى باستاما قولعا الىنعانىن جەتكىزدى.
وڭتۇستىك قازاقستان وبلىسى اكىمىنىڭ ورىنباسارى ەربول سادىر سپورت سارايىنىڭ ىشىندە ۇيىمداستىرىلعان كورمەگە وزدەرىنىڭ 36 كاسىپورنى ءوز ءونىمدەرىن قويعانىن, ولاردىڭ ءونىمدەرىنە اقتوبەلىك كاسىپكەرلەر تاراپىنان قىزىعۋشىلىق بولىپ, كەلىسىمشارتتار جاساسۋعا ءۇمىتتى ەكەندىگىن اتاپ ءوتتى. ول سونداي-اق, جارمەڭكەدە وبلىستىڭ بارلىق اۋداندارىنان 170 توننا ازىق-ت ۇلىك ونىمدەرى باسقا ساۋدا ورىندارىنا قاراعاندا باعاسى 15- 20 پايىز ارزانعا ساتىلىپ جاتقانىن جەتكىزدى. جالپى سوماسى 803 ميلليون تەڭگەنىڭ ونىمدەرى اكەلىنگەنىن ايتىپ ءوتتى.
كورمەگە كەنتاۋ ترانسفورماتور زاۋىتىنىڭ ترانسفورماتورلارى, «بالتەكستيل» جانە «نازارتەكستيل» جاۋاپكەرشىلىگى شەكتەۋلى سەرىكتەستىكتەرىنىڭ كوزدىڭ جاۋىن الاتىنداي كىلەمدەرى قويىلعان. «ورداباسىقۇس» جشس تۇيەتاۋىقتىڭ ەت ونىمدەرىن جانە ون ءتۇرلى شۇجىق ۇسىندى.
ساتىبالدى ءساۋىرباي,
«ەگەمەن قازاقستان»
اقتوبە وبلىسى