«قازاقستان تەمىر جولى» ۇك» اق-تىڭ 30-دان استام كاسىپورنى سالالىق جارىستاردىڭ 2015 جىلعى جەڭىمپازدارى اتاندى.
ەڭبەك باسەكەسىنىڭ كوشباسشىلىعىنا سالانىڭ 12 تەمىرجول كاسىپورنى شىقتى. اتاپ ايتقاندا, جوعارى كاسىبي شەبەرلىكتەرىن نۇرا, قاندىاعاش, ۇشتوبە ستانسالارىنىڭ ۇجىمدارى, سونداي-اق, اتىراۋ جول ديستانتسياسى, ارىس ەكسپلۋاتاتسيالىق ۆاگون دەپوسى, پاۆلودار ەلەكترمەن قامتاماسىز ەتۋ ستانساسى, قىرقىنشى ماشينالاندىرىلعان جول ديستانتسياسى, شۋ بەلگى بەرۋ جانە بايلانىس ديستانتسياسى, لۋگوۆوي رەلس دانەكەرلەۋ كاسىپورنى كورسەتتى.
ەكىنشى جانە ءۇشىنشى ورىنداردى 22 تەمىرجول كاسىپورنى جەڭىپ الدى.
قتج-نىڭ ۇزدىك ۇجىمدارىنا «سالالىق جارىستىڭ جەڭىمپازى» اتاقتارى بەرىلىپ, ارنايى ديپلومدار تابىس ەتىلدى.
سالالىق جارىستارعا ادەتتە تەمىرجول كاسىپورىندارىنىڭ جۇمىسشىلارى دا قاتىسادى.
كاسىبي جەتىستىكتەرى ءۇشىن «ۇزدىك باسشى» اتاعىنا 12 باسشى, «ۇزدىك مامان» اتاعىنا 14 مامان, «كاسىبى بويىنشا ۇزدىك» اتاعىنا سالانىڭ 22 ۇزدىك جۇمىسشىسى لايىق دەپ تابىلدى.
جىل سايىنعى سالالىق جارىستار ەڭبەك ونىمدىلىگىن ارتتىرىپ, تەمىرجولشىلاردى وزدەرىنىڭ كۇندەلىكتى جۇمىستارىندا ساپالى ناتيجەلەرگە قول جەتكىزۋگە ىنتالاندىراتىن ءتيىمدى قۇرالداردىڭ ءبىرى بولىپ تابىلادى.
«ەگەمەن-اقپارات»