وزاتتاردىڭ ولجاسى – ستيپەنديا

قارقارالى اۋدانىنىڭ اكىمدىگىندە جەرگىلىكتى اۋىل­شارۋاشىلىق كوللەدجىنىڭ ستۋدەنتتەرىنە مىڭجاسار ادەكەنوۆ اتىنداعى ستيپەنديا جانە سەرتيفيكاتتاردى تاپسىرۋ ءراسىمى ءوتتى. شاراعا قارقارالى اۋدانىنىڭ اكىمى ح. ماقسۇتوۆ, قاراعاندى وبلىستىق ءبىلىم باسقارماسىنىڭ باسشىسى ا. ايماعامبەتوۆ, «في­توحيميا» حالىقارالىق عىلى­مي-وندىرىستىك حولدينگىنىڭ باس­قارما توراعاسى, قازاق­ستاننىڭ ەڭبەك سىڭىرگەن قايراتكەرى س.ادەكەنوۆ جانە مىڭ­جاسار ادەكەنوۆ اتىنداعى اۋىل­شارۋاشىلىق كوللەدجىنىڭ وقىتۋشىلارى مەن ستۋدەنتتەرى قاتىستى. 2015 جىلدىڭ جەلتوقسانىندا دارىندى ستۋدەنتتەردى قولداۋ ماق­ساتىندا وبلىستىڭ ءبىلىم باس­قارماسى «مىڭجاسار ادەكەنوۆ اتىن­داعى ستيپەنديا» تاعايىنداپ, وڭىردەگى اۋىلشارۋاشىلىق جانە اگرو­تەحنيكالىق كوللەدجدەر اراسىن­دا كونكۋرس جاريالانعان بولاتىن. بايقاۋ قورىتىندىسىندا م.ادەكەنوۆ اتىنداعى قارقارالى اۋىلشارۋاشىلىق كوللەدجىنىڭ ەكى ستۋدەنتى داميرا رىسباي مەن راۋان قورداباي يە بولدى. جيىرما مىڭ تەڭگە كولەمىندەگى اي سايىن بەرىلەتىن ستيپەنديالىق گرانتتى وقۋ جىلى ىشىندە «م. ادەكەنوۆ اتىنداعى كورپوراتيۆتىك قور» تولەپ وتىرادى. قارقارالى اۋىلشارۋاشىلىق كوللەدجى 80 جىلدان استام تاريحىندا اۋىل شارۋاشىلىعىنىڭ 15 مىڭنان استام بىلىكتى مامانىن دايارلاپ شىعارعان قابىرعالى ءبىلىم ۇياسى. قايرات ءابىلدينوۆ, «ەگەمەن قازاقستان» قاراعاندى وبلىسى, قارقارالى اۋدانى