قىتايدىڭ پوشتا ماركاسىندا بەينەلەندى
شىڭجاندىق جاس قازاق ءانشى اراي ايدارقان ۇلى قىتايدىڭ پوشتا ماركاسىنا شىقتى. جاڭالىقتى ءانشىنىڭ اعاسى ارىس ايدارقان ۇلىنىڭ اقپارى بويىنشا قىتاي قازاقتارى senkazakh.com سايتىنىڭ قولدانۋشىلارى حابارلادى.
اراي ايدارقان ۇلى – قىتايعا تانىمال قازاق ءانشىسى. ونىڭ ونەرى قازاقستانعا دا تانىس. ول التايدىڭ ار جاعىندا وتەتىن كوپتەگەن كونكۋرستارعا قاتىسىپ, باق سىناسىپ كەلەدى. سونىڭ ىشىندە بىلتىر ءانشى ءتورت اي بويى وتكەن «قىتاي ەلىنىڭ ارمانى» بايقاۋىنا قاتىسىپ, ءان جارىسىنىڭ سوڭعى مارەسىنە دەيىن جەتكەن.
اراي 1989 جىلى قىتاي حالىق رەسپۋبليكاسىنىڭ التاي ولكەسىندەگى كوكساز اۋىلىندا تۋعان. اتاسى اۋمالى-توكپەلى زاماندا سەمەيدەن قىتايعا كوشىپ بارعان ەكەن. سودان كەيىن ءۇرىم-بۇتاعىمەن تارباعاتايدىڭ تۇستىك بەتىندە قالىپ قويعان. ارايدىڭ اكەسى ايدارقان قابدوللا ۇلى – قىتايعا عانا ەمەس, قازاقستانعا دا تانىمال ادام. ول كىسى كەزىندە كۇرەسپەن اينالىسقان. قىتايعا بەلگىلى سپورت شەبەرى, كۇرەستەن بىرنەشە دۇركىن ەل چەمپيونى بولعان. قازىر سپورتتىڭ وسى ءتۇرىنەن جاتتىقتىرۋشى بولىپ جۇمىس ىستەيدى.
داستان كەنجالين,
«ەگەمەن قازاقستان»