استانا. 6-14 ءساۋىر ارالىعىندا موڭعوليانىڭ ۇلان-باتور قالاسىندا شاحماتتان جاسوسپىرىمدەر اراسىندا وتكەن ازيا چەمپيوناتىندا قازاقستان شاحماتشىلارى ءبىر التىن, ەكى كۇمىس مەدالدى جەڭىپ الدى. بۇل تۋرالى egemen.kz ءتىلشىسى حابارلادى.
12 جاسقا دەيىنگى قىزدار اراسىندا باق سىناعان نازەركە نۇرعالي راپيدتەن 7 تۋر بويىنشا 6,5 ۇپاي جيناپ, ازيا چەمپيونى اتانسا, كلاسسيكادان 9 تۋردان 7,5 ۇپايمەن كۇمىس جۇلدەنى يەلەندى. 14 جاسقا دەيىنگى قىزدار اراسىندا اسەل سەرىكباي بليتستەن 7 تۋر بويىنشا 5,5 ۇپاي جيناپ, ەكىنشى ورىندى يەلەندى.
چەمپيوناتتا قازاقستاننان قاتىسقان 11 سپورتشىنىڭ ىشىندە ۇشەۋى جۇلدەلى ورىنداردى يەلەنسە, سونىڭ ەكەۋى قىزىلوردا وبلىسىنىڭ شاحماتشىلارى.
ازيا دوداسىنا 19 مەملەكەتتەن 470 سپورتشى قاتىستى.
ەندى اسەل سەرىكباي قىركۇيەك ايىندا رەسەيدىڭ حانتى-مانسيسك قالاسىندا, نازەركە نۇرعالي قازان ايىندا گرۋزيانىڭ باتۋمي قالاسىندا بولاتىن الەم چەمپيوناتىنا قاتىسادى.
داستان كەنجالين.
دەرەك, فوتو: شتاتتاعى ۇلتتىق كوماندالار جانە سپورت رەزەرۆى ديرەكتسياسى.