استانا. 14 ءساۋىر. ۋكراينانىڭ پارلامەنتى وسىعان دەيىن پرەمەر-مينيستر بولىپ كەلگەن ارسەني ياتسەنيۋكتىڭ وتستاۆكاسىن قابىلداپ, بۇل لاۋازىمعا ۆلاديمير گرويسماندى تاعايىندادى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
جوعارى رادانىڭ سپيكەرى ۆلاديمير گرويسمانعا 257 دەپۋتات داۋىس بەردى.
ايتا كەتەيىك, ارسەني ياتسەنيۋك وتستاۆكاعا كەتەتىندىگى تۋرالى مالىمدەگەننەن كەيىن مەملەكەت پرەزيدەنتى پەتر پوروشەنكو دەپۋتاتتاردىڭ قاراۋىنا جوعارعى رادانىڭ سپيكەرى ۆلاديمير گرويسماننىڭ كانديداتۋراسىن ۇسىندى.
ايان ءابدۋالي.
دەرەك, فوتو: تاسس.