استانا. 14 ءساۋىر. قىتايدىڭ گۋاندۋن پروۆينتسياسىندا قۇرىلىس كرانى قۇلاپ, 18 ادام مەرت بولدى. بۇل تۋرالى «ينتەرفاكس» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
رەسمي مالىمەتتەر بويىنشا, وقيعا ورنىندا تاعى 14 ادام ءتۇرلى دەڭگەيدە جاراقات الدى. ولار دەر كەزىندە اۋرۋحاناعا جەتكىزىلدى. دارىگەرلەر ناۋقاستاردىڭ جاعدايى تۋرالى رەسمي مالىمدەمەدى. قيراندى استىندا تاعى بىرنەشە ادامنىڭ قالعانى انىقتالدى. وقىس وقيعا كەزىندە 139 ادام جۇمىس ىستەپ جاتقان.
الدىن الا مالىمەت بويىنشا, بۇل ايماقتا داۋىل سوققان. جويقىن جەلگە شىداس بەرمەگەن سالماعى 100 توننالىق قۇرىلىس كرانى جۇمىسشىلار تۇرىپ جاتقان ۋاقىتشا ۇيگە قۇلاعان. مالىمەتتەرگە سايكەس, قيراعان نىساننىڭ كولەمى 200 شارشى مەتردى قۇرادى.
قازىرگى كەزدە تەرگەۋ امالدارى ءجۇرىپ جاتىر.
ايان ءابدۋالي.
دەرەك: «ينتەرفاكس».
فوتو: metronews.ua.