قوستاناي. 14 ءساۋىر. قوستانايدا ەكى ايلىق سانيتارلىق ايلىق اكتسياسى باستالىپ كەتكەن بولاتىن. بيىل قالا مەن اۋىلداردا اعاش كوشەتتەرى كوپ ەگىلەتىن بولادى. بۇل تۋرالى قوستاناي قالاسى اكىمدىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
اۋا رايىنىڭ ىڭعايىنا قاراي, قار ەرىپ بولىسىمەن وبلىس ورتالىعىنداعى كوشەلەر مەن اۋلالاردا تازالىق جۇمىستارى جۇرگىزىلىپ جاتىر. ءار ۆەدومستۆوعا, وقۋ ورىندارى مەن كاسىپورىندارعا تيەسىلى اۋماقتار ءبولىپ بەرىلگەن. مىسالى قوستاناي قالاسىنىڭ ورتالىعىنداعى پۋشكين, بايتۇرسىنوۆ كوشەلەرىن قالالىق اكىمدىك قىزمەتكەرلەرى تازالاپ, كوگالداندىراتىن بولسا, جەڭىس ساياباعى ءبىلىم بەرۋ سالاسىنىڭ ەنشىسىندە.
16 ءساۋىر – «بۇكىلقازاقستاندىق اعاش ەگۋ كۇنى» اكتسياسى شەڭبەرىندە قوستاناي قالاسىندا عانا 3000 اعاش كوشەتى وتىرعىزىلاتىن بولادى.
ءنازيرا جارىمبەتوۆا.
دەرەك, فوتو: قوستاناي قالاسى اكىمدىگىنىڭ ءباسپاسوز قىزمەتى.