استانا. 14 ءساۋىر. استانادا اۆياتسيالىق تەحنيكالىق ورتالىق سالىنىپ جاتىر. بۇل تۋرالى egemen.kz ءتىلشىسى حابارلادى.
ونىڭ قۇرىلىسى اياقتالۋعا جاقىن قالدى. اسكەري ورتالىق اۆياتسيالىق تەحنيكانى جوندەۋ جانە تەحنيكالىق قىزمەت كورسەتۋ جونىندە العاشقى كوپبەيىندى كاسىپورىن.
«بۇل ەلىمىز ءۇشىن ماڭىزدى, وتاندىق ينجەنەرلەرىمىز تۇرعىزعان اسكەري نىسان. قۇرىلىستىڭ اياقتالۋى جاقىنداپ قالدى. قۇرىلىس-مونتاجداۋ جۇمىستارى 97 پايىزعا ورىندالدى. ءبىز قۇرىلىستى جوسپار بويىنشا اياقتايمىز دەپ ويلايمىن», دەدى «قازاقستاندىق اۆياتسيالىق يندۋستريا» جشس-نىڭ قۇرىلىس جونىندەگى باس ديرەكتورىنىڭ ورىنباسارى سىرىمبەت سادۋاقاسوۆ.
ورتالىقتىڭ العاشقى كورسەتىلىمى «KADEX-2016» حالىقارالىق قارۋ-جاراق پەن اسكەري-تەحنيكالىق م ۇلىك كورمەسىندە ۇسىنىلادى. بولاشاقتا ورتالىق ۇشاقتارعا تەحنيكالىق قىزمەت كورسەتۋدى جوسپارلار وتىر.
«ول جەردە ان جانە س-295 تيپىندەگى اسكەري ۇشاقتارعا تەحنيكالىق قىزمەت كورسەتۋ جۇرگىزىلەدى. ءارى قاراي الەۋەتتى قۇرىلىمداردىڭ ۇشاقتارىنا قىزمەت كورسەتۋ جوسپاردا بار», دەدى «قازاقستاندىق اۆياتسيالىق يندۋستريا» جشس كولىكتىك اۆياتسياسى اۋە كەمەلەرىنىڭ ءبولىم باستىعى قايىرجان قۇشانباەۆ.
ورتالىقتىڭ قۇرىلىسىمەن «قازينجينيرينگ» ۇك» اق-تىڭ ەنشىلەس كاسىپورنى «قازاقستاندىق اۆياتسيالىق يندۋستريا» جشس اينالىسىپ جاتىر.
اۆياتسيالىق ورتالىقتىڭ جالپى قۇرىلىسىنىڭ اۋدانى - 62 660 شارشى مەتر.
داستان كەنجالين.
دەرەك, فوتو: قورعانىس مينيسترلىگى.