پەتروپاۆل. 14 ءساۋىر. «قوعامدىق كەلىسىم» كوممۋنالدىق مەملەكەتتىك مەكەمەس مەن وبلىستىق قازاقستان حالقى اسسامبلەياسى جانىنان «مەيىرىمدى ىستەر» اتتى توپ قۇرىلىپ, كومەككە مۇقتاج جاندارعا جاردەمدەسۋدى باستى ماقسات ەتىپ وتىر. بۇل تۋرالى egemen.kz ءتىلشىسى حابارلادى.
وبلىس ورتالىعىندا «قوعامدىق باستامالار» جوباسى كوپ جىلدان بەرى بەلسەندى جۇزەگە اسىرىلىپ كەلەدى. ونىڭ قۇرامىنداعى ەرىكتىلەردىڭ باستاماشىلدىعىمەن جۋىردا «مەيىرىمدى ىستەر» اتتى توپ ۇيىمداستىرىلىپ, العاشقى قايىرىمدىلىق شاراسى مۇمكىندىگى شەكتەۋلى بالالاردىڭ جاعدايىمەن, تۇرمىسىمەن جاقىنىراق تانىسۋعا ارنالدى. № 1 ارنايى تۇزەتۋ مەكەمەسىندە بۇلدىرشىندەرگە اق قاعازدار مەن شارلار بەرىلىپ, تىلەكتەر جازىلدى. مۇنداي ارت-تەراپيالىق ءادىس ارقىلى بالانىڭ ۇشقىر قيالىن دامىتىپ, جالپى جاعدايىنا وڭ اسەر تيگىزۋگە بولاتىنىن پسيحولوگتار دالەلدەگەن.
اتالمىش توپقا ەرىكتىلەرمەن قاتار «نام سلوۆو» شىعارماشىلىق بىرلەستىگىنىڭ وكىلدەرى دە تارتىلىپ, شاعىن كونتسەرت قويدى. ال ماناش قوزىباەۆ اتىنداعى سقمۋ-ءنىڭ ستۋدەنتتەرى پسيحولوگيالىق ترەنينگتەر وتكىزدى.
ۇيىمداستىرۋشىلار ءبىر رەتتىك شارامەن شەكتەلمەي, الداعى ۋاقىتتا كەڭ اۋقىمدا وتكىزۋدى جوسپارلاپ وتىر.
ءومىر ەسقالي.
دەرەك: egemen.kz.
فوتو: voxpopuli.kz.