2015 جىلعى 16 ناۋرىز, استانا قالاسى
جەر قويناۋىن پايدالانۋعا ارنالعان كەلىسىمشارتتار جوبالارىنىڭ ەكونوميكالىق ساراپتاماسىن جۇزەگە اسىرۋ قاعيدالارىن بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 26-بابىنىڭ 3-تارماعىن ىسكە اسىرۋ ماقساتىندا, بۇيىرامىن:
1. قوسا بەرىلىپ وتىرعان جەر قويناۋىن پايدالانۋعا ارنالعان كەلىسىمشارتتار جوبالارىنىڭ ەكونوميكالىق ساراپتاماسىن جۇزەگە اسىرۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتى:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق ەكونوميكا ءبىرىنشى ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ە.دوساەۆ.
«كەلىسىلگەن»
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى
ء________________ا.يسەكەشەۆ
2015 جىلعى 16 ناۋرىز
«كەلىسىلگەن»
قازاقستان رەسپۋبليكاسىنىڭ ەنەرگەتيكا ءمينيسترى
___________________ۆ.شكولنيك
2015 جىلعى 16 ناۋرىز
قازاقستان رەسپۋبليكاسى ۇلتتىق ەكونوميكا ءمينيسترىنىڭ
2015 جىلعى 16 ناۋرىزداعى №202 بۇيرىعىمەن بەكىتىلدى
جەر قويناۋىن پايدالانۋعا ارنالعان كەلىسىمشارتتار جوبالارىنىڭ ەكونوميكالىق
ساراپتاماسىن جۇزەگە اسىرۋ قاعيدالارى
1. جالپى ەرەجەلەر
1. وسى جەر قويناۋىن پايدالانۋعا ارنالعان كەلىسىمشارتتار جوبالارىنىڭ ەكونوميكالىق ساراپتاماسىن جۇزەگە اسىرۋ قاعيدالارى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنا (بۇدان ءارى - زاڭ) سايكەس ازىرلەندى.
2. وندىرۋگە ارنالعان, سونداي-اق ءوندىرۋ بولىگىندە بىرلەسكەن بارلاۋ جانە وندىرۋگە ارنالعان كەلىسىمشارتتار جوبالارىنىڭ ەكونوميكالىق ساراپتاماسىن جۇزەگە اسىرۋ قاعيدالارى (بۇدان ءارى - قاعيدالار) جەر قويناۋىن پايدالانۋعا ارنالعان كەلىسىمشارتتار جوبالارىنا, سونداي-اق بۇرىن جاسالعان كەلىسىمشارتتارعا تولىقتىرۋلار مەن وزگەرىستەر جوبالارىنا ەكونوميكالىق ساراپتاما جۇرگىزۋ ءتارتىبىن ايقىندايدى.
3. وسى قاعيدالاردا مىناداي تەرميندەر مەن انىقتامالار قولدانىلادى:
1) جەر قويناۋىن پايدالانۋعا ارنالعان كەلىسىمشارتتىڭ جوباسى - جەر قويناۋىن پايدالانۋ جونىندەگى وپەراتسيالاردىڭ جەكەلەگەن تۇرلەرىن جۇزەگە اسىرۋعا قۇزىرەتتى ورگان نەمەسە جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگان مەن جەكە جانە (نەمەسە) زاڭدى تۇلعا اراسىنداعى شارتتىڭ جوباسى;
2) جۇمىس توبى - ەرەجەلەرى مەن قۇرامىن مەملەكەتتىك ورگاندار بەرگەن ۇسىنىستار مەن كانديداتۋرالاردىڭ نەگىزىندە قۇزىرەتتى ورگان بەكىتەتىن, كەلىسىمشارتتار جوبالارىنىڭ شارتتارىن قاراۋ جانە جەر قويناۋىن پايدالانۋشىلارمەن كەلىسسوزدەر جۇرگىزۋ جونىندەگى جۇمىس توبى;
3) قۇزىرەتتى ورگان - ەگەر قازاقستان رەسپۋبليكاسىنىڭ زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە وزگەشە بەلگىلەنبەسە, قازاقستان رەسپۋبليكاسىنىڭ اتىنان كەڭ تارالعان پايدالى قازبالاردى بارلاۋعا, وندىرۋگە ارنالعان كەلىسىمشارتتاردى قوسپاعاندا, بارلاۋعا, وندىرۋگە, بىرلەسكەن بارلاۋ مەن وندىرۋگە ارنالعان كەلىسىمشارتتاردى جاساسۋعا جانە ورىنداۋعا بايلانىستى قۇقىقتاردى ىسكە اسىرۋدى جۇزەگە اسىراتىن, زاڭنىڭ 16 بابىنىڭ 13 تارماعىنا سايكەس قازاقستان رەسپۋبليكاسى ۇكىمەتىمەن ايقىندالاتىن ورتالىق اتقارۋشى ورگان;
4) ەكونوميكالىق ساراپتاما - كەلىسىمشارتتار جوبالارىنىڭ تالاپتارىنىڭ تەندەر جەڭىمپازىنىڭ كونكۋرستىق ۇسىنىسىنا, اۋكتسيون, تەندەردە جەڭىسكە جەتۋگە نەگىز بولعان اۋكتسيون جەڭىمپازىنىڭ وتىنىشىنە جانە اۋكتسيون حاتتاماسىنا نەمەسە تىكەلەي كەلىسسوزدەر حاتتاماسىنىڭ تالاپتارىنا سايكەستىگىن تەكسەرۋ ماقساتىندا جۇزەگە اسىرىلاتىن تالداۋ جانە باعالاۋ, جەر قويناۋىن پايدالانۋعا جاسالاتىن كەلىسىمشارتتىڭ ەكونوميكالىق تيىمدىلىگى مەن ورىندىلىعىن, جەر قويناۋىن پايدالانۋشىنىڭ كەن ورىندارىن يگەرۋ كەزىندە بەكىتىلگەن جوبالاۋ قۇجاتتارىنا جوسپارلاناتىن سالىمدار مەن شىعىنداردىڭ نەگىزدىلىگىن, جوبانى جۇزەگە اسىرۋدىڭ الەۋمەتتىك ماڭىزدىلىعىن تالداۋ جانە باعالاۋ.
وسى قاعيدادا قولدانىلاتىن وزگە دە تەرميندەر مەن انىقتامالار زاڭدا قولدانىلاتىن تەرميندەر مەن انىقتامالارعا سايكەس كەلەدى.
4. جەر قويناۋىن پايدالانۋعا ارنالعان كەلىسىمشارتتار جوبالارىنىڭ ەكونوميكالىق ساراپتاماسى قۇجاتتاردىڭ تولىق پاكەتى قۇزىرەتتى ورگاننان كەلىپ تۇسكەن كۇننەن باستاپ كۇنتىزبەلىك وتىز كۇن ىشىندە جۇزەگە اسىرىلادى.
5. ەكونوميكالىق ساراپتاما ناتيجەلەرى ساراپتامالىق قورىتىندىمەن رەسىمدەلەدى, ول تەرىس نەمەسە وڭ بولۋى مۇمكىن.
جەر قويناۋىن پايدالانۋعا كەلىسىمشارت جاساسۋعا ۇمىتكەر تۇلعا ساراپتامالىق قورىتىندىدا جازىلعان ەسكەرتۋلەردى جويۋ ماقساتىندا كەلىسىمشارت جوباسىن پىسىقتايدى.
كورسەتىلگەن ەسكەرتۋلەر جويىلعان جاعدايدا مەملەكەتتىك جوسپارلاۋ سالاسىنداعى ۋاكىلەتتى ورگان قايتا ساراپتاما جۇرگىزەدى. قايتالاما ساراپتاما, سونداي-اق ەكونوميكالىق ساراپتامانىڭ وڭ قورىتىندىسى الىنعاننان كەيىن جوبالاۋ جانە وزگە دە قۇجاتتاماعا وزگەرىستەر ەنگىزىلگەن جاعدايلاردا دا جۇرگىزىلەدى.
6. ەكونوميكالىق ساراپتامانىڭ ەسكەرتۋلەرىمەن كەلىسپەگەن جاعدايدا جەر قويناۋىن پايدالانۋعا كەلىسىمشارت جاساسۋعا ۇمىتكەر تۇلعا ءوزىنىڭ دالەلدى قارسىلىقتارىن زاڭنىڭ 62-بابىنا سايكەس قۇزىرەتتى ورگانعا ولاردى كەلىسىم كوميسسياسىندا قاراۋ ءۇشىن جىبەرەدى.
7. قۇزىرەتتى ورگان ۇسىنىلعان قارسىلىقتاردى قاراۋ ءۇشىن قارسىلىقتار تۇسكەن كۇننەن باستاپ ون جۇمىس كۇنى ىشىندە كەلىسىم كوميسسياسىن قۇرادى. كەلىسىم كوميسسياسىنىڭ قۇرامىنا قۇزىرەتتى ورگاننىڭ, ەسكەرتۋلەردى ۇسىنعان مەملەكەتتىك جوسپارلاۋ سالاسىنداعى ۋاكىلەتتى ورگاننىڭ جانە كەلىسىمشارت جاساسۋعا ۇمىتكەر تۇلعانىڭ وكىلدەرى كىرەدى. وتىرىس ناتيجەلەرى بويىنشا كەلىسىم كوميسسياسى حاتتامادا كورسەتىلەتىن ۇسىنىمداردى ازىرلەيدى. كەلىسىم كوميسسياسىنىڭ ۇسىنىمدارىن ەسكەرىلە وتىرىپ, كەلىسىمشارت قايتالاپ ساراپتاماعا جىبەرىلەدى.
2. جەر قويناۋىن پايدالانۋعا ارنالعان كەلىسىمشارتتار جوبالارىنىڭ
ەكونوميكالىق ساراپتاماسىن جۇزەگە اسىرۋ ءتارتىبى
8. وندىرۋگە ارنالعان كەلىسىمشارتتار جوبالارىنا, بىرلەسكەن بارلاۋ جانە وندىرۋگە ارنالعان كەلىسىمشارتتار جوبالارىنا, سونداي-اق بۇرىن جاسالعان كەلىسىمشارتتارعا تولىقتىرۋلار مەن وزگەرىستەر جوبالارىنا ءوندىرۋ بولىگىندە ەكونوميكالىق ساراپتاما جۇرگىزۋ ءتارتىبىن ەكونوميكالىق ساراپتاماسىن جۇرگىزۋ ءۇشىن قۇزىرەتتى ورگان مەملەكەتتىك جوسپارلاۋ سالاسىنداعى ۋاكىلەتتى ورگانعا:
1) تۇلعانى اۋكتسيون جانە تەندەر جەڭىمپازى دەپ تانۋ تۋرالى نەمەسە تۇلعانىڭ جەر قويناۋىن پايدالانۋ قۇقىعىن الۋعا تىكەلەي كەلىسسوزدەر جۇرگىزۋگە قۇقىلى ەكەنىن كورسەتەتىن قۇزىرەتتى ورگاننىڭ حابارلاما حاتىنىڭ كوشىرمەسىن;
2) كەلىسىمشارتتار جوبالارىنىڭ شارتتارىن قاراۋ جانە جەر قويناۋىن پايدالانۋشىلارمەن كەلىسسوزدەر جۇرگىزۋ جونىندەگى جۇمىس توبىنىڭ وتىرىسىنىڭ حاتتاماسىنىڭ كوشىرمەسىن;
3) كەلىسىمشارت جوباسىن;
4) تىكەلەي كەلىسسوزدەر حاتتاماسىنىڭ نەمەسە تەندەر جەڭىمپازىنىڭ كونكۋرستىق ۇسىنىسىنىڭ, اۋكتسيون جەڭىمپازىنىڭ ءوتىنىشىنىڭ جانە اۋكتسيون حاتتاماسىنىڭ قۇزىرەتتى ورگانمەن كۋالاندىرعان كوشىرمەسىن;
5) تاۋ-كەندىك ءبولۋدىڭ كوشىرمەسىن;
6) گەولوگيالىق اقپاراتتى ساتىپ الۋ كەزىندە قۇپيالىلىق تۋرالى كەلىسىمنىڭ تاريحي شىعىندار سوماسىنىڭ ەسەبى قوسا بەرىلگەن كوشىرمەسىن;
7) جۇمىس باعدارلاماسىنىڭ جوباسىن;
8) شىعىنداردى جانە جوسپارلانعان جۇمىستاردى قارجىلاندىرۋدى جىلدار بولىگىندە كورسەتە وتىرىپ جوبالاۋ قۇجاتىنىڭ ەكونوميكالىق بولىگىنىڭ كوشىرمەسىن;
9) پايدالى قازبالار قورى جونىندەگى مەملەكەتتىك كوميسسيانىڭ ساراپتاما قورىتىندىسىنىڭ نەمەسە پايدالى قازبالار قورى جونىندەگى مەملەكەتتىك كوميسسيا وتىرىسى حاتتاماسىنىڭ كوشىرمەسىن قامتيتىن قۇجاتتار پاكەتىن ۇسىنادى.
9. وندىرۋگە ارنالعان, سونداي-اق ءوندىرۋ بولىگىندە بىرلەسكەن بارلاۋ جانە وندىرۋگە ارنالعان كەلىسىمشارتتار جوبالارىنىڭ ەكونوميكالىق ساراپتاماسى:
1) كەلىسىمشارتتار جوبالارى ەرەجەلەرىنىڭ قازاقستان رەسپۋبليكاسىنىڭ ەكونوميكا جانە قارجى سالاسىنداعى زاڭناما تالاپتارىنا سايكەستىگىن تەكسەرۋدى;
2) كەلىسىمشارت تالاپتارىنىڭ اۋكتسيون جەڭىمپازىنىڭ وتىنىشىنە جانە اۋكتسيون حاتتاماسىنا, تەندەر جەڭىمپازىنىڭ كونكۋرستىق ۇسىنىسىنا نەمەسە تىكەلەي كەلىسسوزدەردىڭ شارتتارىنا جانە جەر قويناۋىن پايدالانۋعا ارنالعان كەلىسىمشارتتار جوبالارىنىڭ شارتتارىن تالقىلاۋ جانە جەر قويناۋىن پايدالانۋشىلارمەن كەلىسسوزدەر جۇرگىزۋ جونىندەگى جۇمىس توبى وتىرىسىنىڭ قورىتىندىسىنا سايكەستىگىن باعالاۋدى;
3) بەكىتىلگەن جوبالاۋ قۇجاتتارىنا كەلىسىمشارت جوباسىندا بولجاناتىن جۇمىس كولەمى مەن ءتيىستى شىعىنداردىڭ ەكونوميكالىق دايەكتىلىگىن باعالاۋدى;
4) جوبانى ىسكە اسىرۋدىڭ الەۋمەتتىك ماڭىزدىلىعىن باعالاۋدى;
5) جوبانى ەكونوميكالىق باعالاۋدى (قولدانىلاتىن تەحنولوگيالار جانە جوبانى ىسكە اسىرۋدىڭ الەۋمەتتىك ماڭىزى ەسكەرىلە وتىرىپ, جوسپارلاناتىن تابىستار مەن شىعىنداردا جوبانى ىسكە اسىرۋدىڭ ەكونوميكالىق ورىندىلىعى);
6) جوبانىڭ قارجىلىق كورسەتكىشتەرىن (اقشا قاراجاتى اعىنىن, اعىمداعى تازا قۇنىن, پايدانىڭ ىشكى نورماسىن, وتەلۋ مەرزىمىن) باعالاۋدى;
7) جوبانىڭ بيۋدجەتتىك تيىمدىلىگىن باعالاۋدى قامتيدى.
10. ەكونوميكالىق ساراپتاما جۇرگىزۋدىڭ ناتيجەسى حات تۇرىندە رەسىمدەلەتىن ساراپتامالىق قورىتىندى بولىپ تابىلادى.
11. كەلىسىمشارت جوباسىنىڭ ساراپتاما قورىتىندىسى مىنالاردى قامتيدى:
1) جوبا پارامەترلەرىنىڭ قىسقاشا سيپاتتاماسى (جەر قويناۋىن پايدالانۋشى, كەلىسىمشارتتىق اۋماق, جەر قويناۋىن پايدالانۋ بويىنشا جۇرگىزىلەتىن وپەراتسيالاردىڭ تۇرلەرى, كەلىسىمشارت جاساسۋ ءۇشىن نەگىزدەمەلەر, كۇردەلى شىعىنداردىڭ جوسپارلانعان كولەمى, بولجاناتىن جوبالىق قۋات تۋرالى مالىمەتتەر);
2) ۇسىنىلعان قۇجاتتار تىزبەسى;
3) وسى قاعيدالارعا سايكەس كەلىسىمشارت ەرەجەلەرىنە جۇرگىزىلگەن تالداۋ مەن باعالاۋدىڭ قىسقاشا ناتيجەلەرى;
4) تۇجىرىمدار, ەسكەرتۋلەر مەن ۇسىنىمدار.
12. ساراپتامالىق قورىتىندى مىناداي تۇجىرىمداردىڭ ءبىرىن قامتيدى:
1) قاراۋ ناتيجەسىندە جوبا بويىنشا بولجاناتىن شىعىندار كولەمىنىڭ نەگىزدىلىگى, ونىڭ پارامەترلەرىنىڭ اۋكتسيون جەڭىمپازىنىڭ وتىنىشىنە جانە اۋكتسيون حاتتاماسىنا, تەندەر جەڭىمپازىنىڭ كونكۋرستىق ۇسىنىسىنا نەمەسە تىكەلەي كەلىسسوزدەر حاتتاماسىنىڭ تالاپتارىنا سايكەستىگى راستالعاندىقتان, وڭ باعالانعان جەر قويناۋىن پايدالانۋعا كەلىسىمشارت جوباسىن كەلىسۋ;
2) قاراۋ ناتيجەسى بويىنشا تەرىس قورىتىندىنىڭ بەرىلۋگە بايلانىسى جەر قويناۋىن پايدالانۋعا ارنالعان كەلىسىمشارت جوباسىن كەلىسۋدەن باس تارتۋ. ساراپتامادا بولجاناتىن شىعىنداردىڭ ايتارلىقتاي اۋىتقۋلارى (كوتەرىلۋى نەمەسە تومەندەۋى), تەحنيكالىق پارامەترلەردىڭ بۇزىلۋى, جوبالاۋ قۇجاتتارىنا قاعيداتتى تۇردە سايكەس كەلمەۋ جانە ورىن العان جاعدايدا كەلىسىمشارت جاساسۋ ورىنسىز بولاتىن باسقا دا كەمشىلىكتەر انىقتالدى.
13. جەر قويناۋىن پايدالانۋعا ارنالعان كەلىسىمشارت جوباسىنا جۇرگىزىلگەن ەكونوميكالىق ساراپتاما ناتيجەسى بويىنشا ساراپتامالىق قورىتىندىعا مەملەكەتتىك جوسپارلاۋ سالاسىنداعى ۋاكىلەتتى ورگاننىڭ ءتيىستى لاۋازىمدى تۇلعاسى قول قويادى جانە ول قۇزىرەتتى ورگاننىڭ مەكەنجايىنا جىبەرىلەدى.
14. جەر قويناۋىن پايدالانۋعا ارنالعان كەلىسىمشارتتىڭ پىسىقتالعان جوباسى ەكونوميكالىق ساراپتاماعا قايتا ۇسىنىلعان جاعدايدا, وسى قاعيدالارعا سايكەس تالاپ ەتىلەتىن قۇجاتتار پاكەتى ەنگىزىلمەيدى.
15. باستاپقى قورىتىندىدا كورسەتىلگەن ەسكەرتۋلەر جويىلعاننان كەيىن جەر قويناۋىن پايدالانۋعا كەلىسىمشارت جوباسىنا قايتالاما ساراپتاما وسى قاعيدالاردىڭ 4-تارماعىندا بەلگىلەنگەن مەرزىمدە جۇرگىزىلەدى.
16. ءوندىرۋ كەزەڭىنىڭ جۇمىس باعدارلاماسىنىڭ جوباسى جوبالاۋ قۇجاتتارىندا كوزدەلگەن مىناداي نەگىزگى جوبالاۋ كورسەتكىشتەرى مەن ينۆەستيتسيالاردىڭ قاجەتتى كولەمىن, سونداي-اق جىلدار بويىنشا بولە وتىرىپ, نەگىزگى جوبالاۋ كورسەتكىشتەرىنە قول جەتكىزۋ ءۇشىن قاجەتتى ءىس-شارالار مەن شىعىنداردى قوسا وتىرىپ:
1) جىل سايىنعى ءوندىرۋ كولەمىن;
2) وندىرىستىك وبەكتىلەردى جانە ولاردى جوبالاۋ, سالۋ (تۇرعىزۋ) مەرزىمدەرىن;
3) كەلىسىمشارتتىق اۋماقتا بۇرعىلانۋى جوسپارلانعان ۇڭعىمالاردىڭ سانىن, ولاردى اياقتاۋ مەرزىمدەرىن;
4) قاجەتتى ينفراقۇرىلىم وبەكتىلەرىنىڭ تىزبەسىن, ولاردى جوبالاۋ, سالۋ (تۇرعىزۋ) مەرزىمدەرىن;
5) ورىندالاتىن گەولوگيالىق-بارلاۋ جۇمىستارىنىڭ كولەمىن;
6) ورىندالاتىن گەولوگيالىق-بارلاۋ جۇمىستارىنىڭ تۇرلەرى بويىنشا شىعىنداردى;
7) جەر قويناۋىن پايدالانۋ جونىندەگى وپەراتسيالاردى جۇرگىزۋدىڭ تەحنيكالىق جانە تەحنولوگيالىق جاعدايلارىن, جابدىقتىڭ جالپى سيپاتتاماسىن, قوسىمشا جانە الەۋمەتتىك ينفراقۇرىلىمدى دامىتۋدى نەگىزگە الا وتىرىپ, امورتيزاتسيالىق اۋدارىمدار سوماسى كورسەتىلگەن كۇردەلى شىعىنداردى (ولار بار بولعان جاعدايدا);
8) تارتىلعان پەرسونالدىڭ سانى ەسكەرىلگەن ەڭبەكاقى تولەۋ قورىن;
9) تاراتۋ قورىن قالىپتاستىرۋ بويىنشا شىعىستاردى;
10) قازاقستاندىق پەرسونالدى وقىتۋعا ارنالعان شىعىستاردى;
11) قىزمەت ءوڭىرىنىڭ الەۋمەتتىك ينفراقۇرىلىمىن دامىتۋعا قاتىسۋ بويىنشا شىعىستاردى;
12) عىلىمي-زەرتتەۋلەر مەن تاجىريبەلىك-كونسترۋكتورلىق جۇمىستارعا ارنالعان شىعىستاردى;
13) جاناما شىعىستاردى;
14) جەر قويناۋىن پايدالانۋعا ارنالعان كەلىسىمشارت بويىنشا قىزمەتتى جۇزەگە اسىرۋ شەڭبەرىندەگى سالىق جانە بيۋدجەتكە تولەنۋگە جاتاتىن باسقا دا مىندەتتى تولەمدەردى;
15) وندىرىلەتىن پايدالى قازبالاردىڭ تۇرلەرى بويىنشا ورىندالاتىن جۇمىستار مەن شىعىنداردىڭ كولەمىن;
16) ينفلياتسيانى ەسكەرە وتىرىپ, قۇزىرەتتى ورگان ايقىندايتىن باستاپقى وڭدەۋدەن وتكەن مينەرالدى شيكىزاتتى جانە قولدانىستاعى باعامەن ىشكى جانە سىرتقى نارىقتارعا ءبولۋدى كورسەتە وتىرىپ, پايدالى قازبالاردىڭ تۇرلەرى بويىنشا ءوندىرۋ جانە وتكىزۋ كولەمىن;
17) جوبا بويىنشا جانە ءونىم تۇرلەرى بويىنشا جالپى جيىنتىق تابىستى;
18) نەگىزگى باپتاردىڭ ماعىناسىن اشا وتىرىپ, ءوندىرۋ مەن شيكىزاتتى باستاپقى قايتا وڭدەۋ كەزەڭدەرى بويىنشا پايدالانۋ شىعىندارىن;
19) سالىق سالىناتىن تابىستى;
20) سالىق تولەنگەننەن كەيىن جەر قويناۋىن پايدالانۋشىنىڭ يەلىگىندە قالاتىن جوسپارلانعان تازا تابىستى;
21) جوسپارلانعان جىلدىق اقشا اعىنىن;
22) ديسكونتتاۋ ستاۆكالارى 10, 15 جانە 20 پايىزعا تەڭ بولعان كەزدەگى جوبانىڭ اعىمداعى كەلتىرىلگەن تازا قۇنىنىڭ ولشەمدەرىن;
23) جوبا بويىنشا جالپى جانە جىلدار بويىنشا جوبا رەنتابەلدىلىگىنىڭ ىشكى نورماسىنىڭ كورسەتكىشىن قامتيدى.
ەكونوميكالىق ساراپتاما جۇرگىزۋ ءۇشىن جولداناتىن قۇجاتتار ەلەكتروندىق قۇجات اينالىمىنىڭ بىرىڭعاي جۇيەسى ارقىلى رەسمي تۇردە ۇسىنىلادى. ەلەكتروندىق قۇجات اينالىمىنىڭ بىرىڭعاي جۇيەسى ارقىلى جولداناتىن قۇجاتتار كولەمى 50 مەگابايتتان اسقان جاعدايدا, جوبالىق قۇجاتتاردىڭ قۇزىرەتتى ورگاننىڭ ءتيىستى بولىمشەسى ديرەكتورىمەن قول قويىلعان قاعاز جۇزىندەگى كوشىرمەسى ۇسىنىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 23 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10778 بولىپ ەنگىزىلدى.