2015 جىلعى 28 ءساۋىر, استانا قالاسى
دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 86) تارماقشاسىنا سايكەس بۇيىرامىن:
1. قوسا بەرىلىپ وتىرعان دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆى (بۇدان ءارى – مەملەكەتتىك نورماتيۆ) بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە بەلگىلەنگەن زاڭنامالىق تارتىپتە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ www.mzsr.gov.kz رەسمي ينتەرنەت-رەسۋرسىنا ورنالاستىرۋدى;
4) وسى بۇيرىقتى وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىنا مالىمەت ءۇشىن جەتكىزۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 28 ساۋىردەگى №284 بۇيرىعىمەن بەكىتىلگەن
دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆى
1. اۋداندىق دەڭگەيدە:
1) امبۋلاتوريالىق-ەمحانالىق كومەك كورسەتەتىن دەنساۋلىق ساقتاۋ ۇيىمدارى:
حالقىنىڭ سانى 50-دەن (ەلۋ) 800 (سەگىز ءجۇز) ادامعا دەيىن بولاتىن ءاربىر ەلدى مەكەندە (اۋىلدىق وكرۋگتە) مەديتسينالىق پۋنكت قۇرىلادى;
حالقىنىڭ سانى 800-دەن (سەگىز ءجۇز) 2 000 (ەكى مىڭ) ادامعا دەيىن بولاتىن ءاربىر ەلدى مەكەندە (اۋىلدىق وكرۋگتە) فەلدشەرلىك-اكۋشەريالىق پۋنكت* قۇرىلادى;
تىركەلگەن حالقىنىڭ سانى 2000 (ەكى مىڭ) جانە ودان كوپ ەلدى مەكەندە (اۋىلدىق وكرۋگتە) دارىگەرلىك امبۋلاتوريا (وتباسىلىق دەنساۋلىق ورتالىعى) قۇرىلادى;
ءتيىستى مەديتسينالىق كادرلار جانە ءۇي-جايلارى بولعان كەزدە تىركەلگەن حالىقتىڭ سانى 10000 (ون مىڭ) ادام جانە ودان اساتىن شاعىن اۋىلدىق ەلدى مەكەندەردە اۋىلدىق ەمحانا قۇرىلادى;
اۋدان ورتالىعىندا اۋداندىق ەمحانا (بۇدان ءارى – اە):
2) ستاتسيونارلىق كومەك كورسەتەتىن دەنساۋلىق ساقتاۋ ۇيىمدارى:
قىزمەت كورسەتىلەتىن حالىقتىڭ سانى 5000 (بەس مىڭ) ادامنان كەم بولمايتىن اۋىلدىق ەلدى مەكەندەردە اۋىلدىق اۋرۋحانا;
اۋدان ورتالىعىندا اۋداندىق اۋرۋحانا;
قىزمەت كورسەتىلەتىن حالىقتىڭ سانى 20 000 (جيىرما مىڭ) ادام جانە ودان دا كوپ اۋىلدىق ەلدى مەكەندەرى بار اۋداندا نومىرلىك اۋداندىق اۋرۋحانالار قۇرىلادى;
قىزمەت كورسەتىلەتىن حالىقتىڭ سانى 100 000 ء(جۇز مىڭ) ادام جانە ودان كوپ اۋدانداردا ورتالىق (اۋداندىق) اۋرۋحانانىڭ بازاسىندا كوپ بەيىندى اۋدانارالىق اۋرۋحانا;
تۋبەركۋلەزگە قارسى اۋرۋحانا (ديسپانسەر) اۋداندىق (اۋدانارالىق) دەڭگەيلەردە قۇرىلادى;
3) جەدەل مەديتسينالىق كومەك جانە سانيتاريالىق اۆياتسيا ۇيىمدارى -جەدەل مەديتسينالىق جاردەم ستانتسياسى ورتالىق (اۋداندىق) جانە كوپ بەيىندى اۋرۋحانانىڭ قۇرىلىمدىق بولىمشەسى رەتىندە;
4) قالپىنا كەلتىرىپ ەمدەۋ جانە مەديتسينالىق وڭالتۋ ۇيىمدارى - اۋىلدىق (اۋداندىق, كوپ بەيىندى) اۋرۋحانانىڭ جانىنداعى وڭالتۋ بولىمشەسى (توسەكتەرى);
5) پاللياتيۆتىك كومەك جانە مەيىرگەرلىك كۇتىم كورسەتەتىن ۇيىمدار -اۋىلدىق (اۋداندىق, كوپ بەيىندى) اۋرۋحانانىڭ جانىنداعى حوسپيس (بولىمشە, توسەكتەرى);
6) پاتولوگيالىق اناتوميا سالاسىنداعى قىزمەتتى جۇزەگە اسىراتىن ۇيىمدار - ورتالىقتاندىرىلعان پاتولوگواناتوميالىق بولىمشە اۋداندىق (كوپ بەيىندى) اۋرۋحانانىڭ قۇرىلىمدىق بولىمشەسى رەتىندە;
7) سالاماتتى ءومىر سالتىن قالىپتاستىرۋ جانە دۇرىس تاماقتانۋ سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى - سالاماتتى ءومىر سالتىن قالىپتاستىرۋدىڭ اۋداندىق ورتالىعى.
2. قالالىق دەڭگەيدە:
1) امبۋلاتوريالىق-ەمحانالىق كومەك كورسەتەتىن دەنساۋلىق ساقتاۋ ۇيىمدارى:
تىركەلگەن حالقىنىڭ سانى 30000 (وتىز مىڭ) ادامنان كەم ەمەس قالالاردا ءبىر اۋماقتىق ۋچاسكە شەگىندە دارىگەرلىك امبۋلاتوريا (وتباسىلىق دەنساۋلىق ورتالىعى);
تىركەلگەن حالقىنىڭ سانى 30000 (وتىز مىڭ) ادامنان اساتىن قالالاردا ءبىر اۋماقتىق ۋچاسكە شەگىندە قالالىق ەمحانا (بۇدان ءارى – قە), بىراق كەمىندە ءبىر قە;
رەسپۋبليكالىق ماڭىزى بار قالادا جانە استانادا ستوماتولوگيالىق ەمحانا;
رەسپۋبليكالىق ماڭىزى بار قالادا جانە استانادا كونسۋلتاتسيالىق-دياگنوستيكالىق ورتالىق;
2) ستاتسيونارلىق كومەك كورسەتەتىن دەنساۋلىق ساقتاۋ ۇيىمدارى:
قالالاردا (اۋدان ورتالىعىن قوسپاعاندا), رەسپۋبليكالىق ماڭىزى بار قالادا جانە استانادا كوپ بەيىندى ستاتسيونار تۇرىندەگى قالالىق اۋرۋحانا;
قىزمەت كورسەتىلەتىن حالىقتىڭ سانى 100 000 ء(بىر ءجۇز مىڭ) ادامنان 300 000 ء(ۇش ءجۇز مىڭ) مىڭ ادامعا دەيىن بولاتىن قالالاردا كوپ بەيىندى ستاتسيونار تۇرىندە قالالىق اۋرۋحانا (جەدەل مەديتسينالىق جاردەم اۋرۋحاناسى);
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 100 000 ء(بىر ءجۇز مىڭ) ادامنان اساتىن قالالاردا كوپ بەيىندى ستاتسيونار تۇرىندە قالالىق بالالار اۋرۋحاناسى;
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا پەريناتالدىق ورتالىق (كوپ بەيىندى ستاتسيونار جانىندا پەرزەنتحانالىق بولىمشە);
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا تۋبەركۋلەزگە قارسى اۋرۋحانا (ديسپانسەر);
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا ونكولوگيالىق اۋرۋحانا (ديسپانسەر);
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا ناركولوگيالىق اۋرۋحانا (ديسپانسەر);
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا پسيحياتريالىق اۋرۋحانا (ديسپانسەر);
رەسپۋبليكالىق ماڭىزى بار قالادا جانە استانادا تەرى-ۆەنەرولوگيالىق اۋرۋحانا (ديسپانسەر, كوپ بەيىندى اۋرۋحانانىڭ جانىندا بولىمشە);
رەسپۋبليكالىق ماڭىزى بار قالادا جانە استانادا ينفەكتسيالىق اۋرۋحانا (كوپ بەيىندى اۋرۋحانانىڭ جانىندا بولىمشە);
3) جەدەل مەديتسينالىق كومەك جانە سانيتاريالىق اۆياتسيا ۇيىمدارى:
رەسپۋبليكالىق ماڭىزى بار قالادا جانە استانادا, سونداي-اق قىزمەت كورسەتىلەتىن حالىقتىڭ سانى 100 000 ء(بىر ءجۇز مىڭ) ادامنان اساتىن قالالاردا جەدەل مەديتسينالىق جاردەم ستانتسياسى;
تۇرعىلىقتى حالىقتىڭ سانى 100 000 ء(بىر ءجۇز مىڭ) ادامنان اسپايتىن قالالاردا جەدەل مەديتسينالىق جاردەم ستانتسياسى قالالىق ەمحانانىڭ قۇرىلىمدىق بولىمشەسى رەتىندە قۇرىلادى;
4) قالپىنا كەلتىرىپ ەمدەۋ جانە مەديتسينالىق وڭالتۋ ۇيىمدارى - قىزمەت كورسەتىلەتىن حالىقتىڭ سانى 150 000 ء(جۇز ەلۋ مىڭ) ادامنان اساتىن قالالاردا ساناتوري, مامانداندىرىلعان ساناتوري, پروفيلاكتوري, وڭالتۋ ورتالىعى;
5) پاللياتيۆتىك كومەك جانە مەيىرگەرلىك كۇتىم كورسەتەتىن ۇيىمدار - قىزمەت كورسەتىلەتىن حالىقتىڭ سانى 400 000 ء(تورت ءجۇز مىڭ) ادامنان اساتىن جەرلەردە حوسپيس (بولىمشە, توسەكتەر), مەيىرگەرلىك كۇتىم كورسەتەتىن اۋرۋحانا;
6) قان قىزمەتى سالاسىنداعى قىزمەتتى جۇزەگە اسىراتىن ۇيىمدار -رەسپۋبليكالىق ماڭىزى بار قالادا جانە استانادا قان ورتالىعى;
7) پاتولوگيالىق اناتوميا سالاسىنداعى قىزمەتتى جۇزەگە اسىراتىن ۇيىمدار - پاتولوگيالىق-اناتوميالىق بيۋرو دەربەس زاڭدى تۇلعا رەتىندە نەمەسە رەسپۋبليكالىق ماڭىزى بار قالادا, استانادا جانە حالىقتىڭ سانى 300 000 ء(ۇش ءجۇز مىڭ) ادامنان اساتىن قالالاردا ستاتسيونارلىق كومەك كورسەتەتىن ۇيىمنىڭ قۇرىلىمدىق بولىمشەسى رەتىندە ورتالىقتاندىرىلعان پاتولوگيالىق-اناتوميالىق بولىمشە;
8) سالاماتتى ءومىر سالتىن قالىپتاستىرۋ جانە دۇرىس تاماقتانۋ سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى - رەسپۋبليكالىق ماڭىزى بار قالادا جانە استانادا سالاماتتى ءومىر سالتىن قالىپتاستىرۋ ورتالىعى;
9) ايتۆ/جيتس پروفيلاكتيكاسى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى - رەسپۋبليكالىق ماڭىزى بار قالادا جانە استانادا جيتس-تىڭ الدىن الۋ جانە وعان قارسى كۇرەس جونىندەگى ورتالىق.
3. وبلىستىق دەڭگەيدە:
1) امبۋلاتوريالىق-ەمحانالىق كومەك كورسەتەتىن دەنساۋلىق ساقتاۋ ۇيىمدارى:
وبلىستىق ورتالىقتا تىركەلگەن حالىقتىڭ سانى 30000 (وتىز مىڭ) ادامنان اسپايتىن ءبىر اۋماقتىق ۋچاسكەنىڭ شەگىندە دارىگەرلىك امبۋلاتوريا (وتباسىلىق دەنساۋلىق ورتالىعى);
تىركەلگەن حالقىنىڭ سانى 30 000 (وتىز مىڭ) ادامنان اساتىن وبلىستىق ورتالىقتا ءبىر اۋماقتىق ۋچاسكە شەگىندە قە, بىراق كەمىندە ءبىر قە;
ستوماتولوگيالىق ەمحانا:
كونسۋلتاتسيالىق-دياگنوستيكالىق ورتالىق;
2) ستاتسيونارلىق كومەك كورسەتەتىن دەنساۋلىق ساقتاۋ ۇيىمدارى:
وبلىستىق اۋرۋحانا;
وبلىستىق بالالار اۋرۋحاناسى;
پەريناتالدىق ورتالىق (كوپ بەيىندى اۋرۋحانالاردىڭ جانىنداعى پەرزەنتحانالىق بولىمشە);
تۋبەركۋلەزگە قارسى اۋرۋحانا (ديسپانسەر);
ونكولوگيالىق اۋرۋحانا (ديسپانسەر);
ناركولوگيالىق اۋرۋحانا (ديسپانسەر);
پسيحياتريالىق اۋرۋحانا (ديسپانسەر);
تەرى-ۆەنەرولوگيا اۋرۋحانا (ديسپانسەر), كوپ بەيىندى اۋرۋحانانىڭ جانىنداعى بولىمشە;
ينفەكتسيالىق اۋرۋحانا (كوپ بەيىندى اۋرۋحانانىڭ جانىنداعى بولىمشە);
3) جەدەل مەديتسينالىق كومەك جانە سانيتاريالىق اۆياتسيا ۇيىمدارى:
جەدەل مەديتسينالىق جاردەم ستانتسياسى;
حالىققا شۇعىل مەديتسينالىق كومەك كورسەتۋ بولىمشەسى (سانيتاريالىق اۆياتسيا) وبلىستىق اۋرۋحانانىڭ نەمەسە دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگانى ايقىندايتىن وزگە ۇيىمنىڭ قۇرىلىمدىق بولىمشەسى رەتىندە قۇرىلادى;
4) قالپىنا كەلتىرىپ ەمدەۋ جانە مەديتسينالىق وڭالتۋ ۇيىمدارى - قىزمەت كورسەتىلەتىن حالىقتىڭ سانى 150 000 ء(جۇز ەلۋ مىڭ) ادامنان اساتىن وبلىستىق دەڭگەيدە وڭالتۋ ورتالىعى, ساناتوري, مامانداندىرىلعان ساناتوري, پروفيلاكتوري;
5) پاللياتيۆتىك كومەك جانە مەيىرگەرلىك كۇتىم كورسەتەتىن ۇيىمدار - قىزمەت كورسەتەتىن حالىقتىڭ سانى 400 000 ء(تورت ءجۇز مىڭ) ادامنان اساتىن جەردە مەيىرگەرلىك كۇتىم كورسەتەتىن اۋرۋحانا, حوسپيس (بولىمشە, توسەكتەر).
6) قان قىزمەتى سالاسىنداعى قىزمەتتى جۇزەگە اسىراتىن ۇيىمدار - قان ورتالىعى;
7) پاتولوگيالىق اناتوميا سالاسىنداعى قىزمەتتى جۇزەگە اسىراتىن ۇيىمدار – پاتولوگيالىق-اناتوميالىق بيۋرو دەربەس زاڭدى تۇلعا نەمەسە ستاتسيونارلىق كومەك كورسەتەتىن ۇيىمنىڭ قۇرىلىمدىق بولىمشەسى رەتىندە ورتالىقتاندىرىلعان پاتولوگيالىق-اناتوميالىق بولىمشە;
8) سالاماتتى ءومىر سالتىن قالىپتاستىرۋ جانە دۇرىس تاماقتانۋ سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى - سالاماتتى ءومىر سالتىن قالىپتاستىرۋ ورتالىعى;
9) ايتۆ/جيتس پروفيلاكتيكاسى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى - جيتس پروفيلاكتيكاسى جانە وعان قارسى كۇرەس جونىندەگى ورتالىق.
4. اپاتتار مەديتسينا ۇيىمدارى - اپاتتار مەديتسينا ورتالىعى رەسپۋبليكالىق دەڭگەيدە قۇرىلادى.
5. فارماتسەۆتيكالىق قىزمەتتى جۇزەگە اسىراتىن دەنساۋلىق ساقتاۋ ۇيىمدارى - دارىلىك زاتتار, مەديتسينالىق ماقساتتاعى بۇيىمدار جانە مەديتسينالىق تەحنيكا اينالىمى سالاسىنداعى وبەكتىلەر – «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 1-بابىنىڭ 1-تارماعىنىڭ 23) تارماقشاسىنا (بۇدان ءارى – كودەكس) سايكەس ۇلگىلىك ەرەجەلەرگە سايكەس جۇمىس ىستەيتىن ءدارىحانا, مەديتسينالىق-سانيتاريالىق العاشقى كومەك, كونسۋلتاتسيالىق-دياگنوستيكالىق كومەك كورسەتەتىن دەنساۋلىق ساقتاۋ ۇيىمدارىنداعى ءدارىحانا پۋنكتى, شالعايداعى اۋىلدىق جەرلەرگە ارنالعان جىلجىمالى ءدارىحانا پۋنكتى, ءدارىحانا قويماسى, دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى ۋاقىتشا ساقتاۋ قويماسى, وپتيكا دۇكەنى, مەديتسينالىق تەحنيكا جانە مەديتسينالىق ماقساتتاعى بۇيىمدار دۇكەنى, مەديتسينالىق تەحنيكا جانە مەديتسينالىق ماقساتتاعى بۇيىمدار قويماسى, دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى وندىرەتىن ۇيىمدار.
6. حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى رەسپۋبليكالىق دەڭگەيدە قۇرىلادى:
1) سانيتاريالىق-ەپيدەميولوگيالىق ساراپتاما ورتالىعى;
2) سانيتاريالىق-ەپيدەميولوگيالىق ستانتسيا;
3) وباعا قارسى ستانتسيا;
4) دەزينفەكتسيا ستانتسياسى.
7. دەنساۋلىق ساقتاۋ سالاسىنداعى عىلىمي ۇيىمدار: عىلىمي ورتالىق, عىلىمي-زەرتتەۋ ينستيتۋتى رەسپۋبليكالىق دەڭگەيدە, رەسپۋبليكالىق ماڭىزى بار قالادا جانە استانادا قۇرىلادى.
8. دەنساۋلىق ساقتاۋ سالاسىنداعى ءبىلىم بەرۋ ۇيىمدارى - ورتا مەديتسينالىق جانە فارماتسەۆتيكالىق ءبىلىم بەرۋ ۇيىمدارى, جوعارى جانە جوعارى وقۋ ورنىنان كەيىنگى مەديتسينالىق جانە فارماتسەۆتيكالىق ءبىلىم بەرۋ ۇيىمدارى رەسپۋبليكالىق دەڭگەيدە, رەسپۋبليكالىق ماڭىزى بار قالادا, استانادا, وبلىستىق, اۋداندىق (اۋداندىق ماڭىزى بار قالادا) دەڭگەيلەردە قۇرىلادى.
9. دەنساۋلىق ساقتاۋ سالاسىنداعى ۇلتتىق حولدينگ رەسپۋبليكالىق دەڭگەيدە قۇرىلادى.
10. رەسپۋبليكالىق دەنساۋلىق ساقتاۋ ۇيىمدارى - «قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلiگىنiڭ كەيبiر ماسەلەلەرi تۋرالى» قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قاراماعىنداعى ۇيىمداردىڭ تىزبەسىنە سايكەس قۇرىلادى.
ەسكەرتپە:
* كودەكستىڭ 9-بابىنىڭ 2-تارماعىنىڭ 7) تارماقشاسىنا سايكەس جەرگىلىكتى اتقارۋشى ورگاندار تىركەلگەن حالقىنىڭ كورسەتىلگەن سانى بار اۋىلدىق ەلدى مەكەندەردە كادرلار مەن ءتيىستى ءۇي-جاي بولعان جاعدايدا دارىگەرلىك امبۋلاتوريا قۇرادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11231 بولىپ ەنگىزىلدى.