2015 جىلعى 20 ناۋرىز, استانا قالاسى
«سالالىق كوتەرمەلەۋ جۇيەسىنىڭ كەيبىر ماسەلەلەرى تۋرالى جانە كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينالىق قىزمەتكەرلەرگە ەڭبەكاقى تولەۋ جانە سالالىق كوتەرمەلەۋ جۇيەسى قاعيداسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2009 جىلعى 10 قاراشاداعى № 689 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابى, 1-تارماعىنىڭ, 11) تارماقشاسىنا, قازاقستان رەسپۋبليكاسى ەڭبەك كودەكسىنىڭ 236-بابىنا جانە «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىندار قىزمەتكەرلەرىنە ەڭبەكاقى تولەۋ جۇيەسى تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1400 قاۋلىسىنىڭ 4-تارماعىنىڭ 4-تارماقشاسىنا سايكەس, سونداي-اق قازاقستان رەسپۋبليكاسى ۇكىمەتىنىڭ 2014 جىلعى 31 مامىرداعى № 597 قاۋلىسىمەن بەكىتىلگەن قازاقستان رەسپۋبليكاسىندا تۋبەركۋلەزبەن كۇرەسۋ جونىندەگى 2014-2020 جىلدارعا ارنالعان كەشەندى جوسپاردىڭ 3-تارماعىن ورىنداۋ ءۇشىن بۇيىرامىن:
1. «سالالىق كوتەرمەلەۋ جۇيەسىنىڭ كەيبىر ماسەلەلەرى تۋرالى جانە كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينالىق قىزمەتكەرلەرگە ەڭبەكاقى تولەۋ جانە سالالىق كوتەرمەلەۋ جۇيەسى قاعيداسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 10 قاراشاداعى № 689 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە № 5876 بولىپ تىركەلدى, «يۋريديچەسكايا گازەتا» 2009 جىلعى 8 جەلتوقسانداعى № 187 (1784) جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقتىڭ تاقىرىبى مىناداي رەداكتسيادا جازىلسىن:
«سالالىق كوتەرمەلەۋ جۇيەسىنىڭ كەيبىر ماسەلەلەرى تۋرالى جانە كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينا قىزمەتكەرلەرىنە ەڭبەكاقى تولەۋ جانە سالالىق كوتەرمەلەۋ جۇيەسى قاعيدالارىن بەكىتۋ تۋرالى»;
1, 2, 3, 4, 5, 6, 6-1-تارماقتار مىناداي رەداكتسيادا جازىلسىن:
«قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ كوتەرمەلەۋىنىڭ مىناداي تۇرلەرى بەكىتىلسىن:
1) «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىمەن ماراپاتتاۋ;
2) «دەنساۋلىق ساقتاۋ ءىسىنىڭ ۇزدىگى» توسبەلگىمەن ماراپاتتاۋ;
3) مينيسترلىكتىڭ قۇرمەت گراموتاسىمەن ماراپاتتاۋ;
4) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ (بۇدان ءارى - مينيستر) العىسىن جاريالاۋ;
5) اقشالاي سىياقى بەرۋ.
2. مينيسترلىكتىڭ قۇرمەت گراموتاسىمەن دەنساۋلىق ساقتاۋ جۇيەسىندە كەمىندە 3 جىل جۇمىس ءوتىلى بار قىزمەتكەرلەر, سونداي-اق قازاقستان رەسپۋبليكاسىنىڭ اۋماعىندا جۇرگەن شەتەل ازاماتتارى جانە ازاماتتىعى جوق ادامدار مينيسترلىكتىڭ ماراپاتتاۋ جونىندەگى كوميسسياسىنىڭ مىنەزدەمەلەرىن قاراۋ ناتيجەلەرى بويىنشا شىعارىلعان ءمينيستردىڭ بۇيرىعىنىڭ نەگىزىندە:
1) ءمىنسىز ادال ەڭبەگى جانە ازاماتتاردىڭ دەنساۋلىعىن ساقتاۋ ىسىنە قوسقان جەكە ۇلەسى ءۇشىن;
2) مەديتسينا عىلىمىن, ءبىلىم بەرۋدى جانە دەنساۋلىق ساقتاۋ سالاسىنداعى يننوۆاتسيالىق قىزمەتتى دامىتۋعا قوسقان ەلەۋلى ۇلەسى ءۇشىن;
3) دەنساۋلىق ساقتاۋ سالاسىن جەتىلدىرۋگە بەلسەندى قاتىسقانى ءۇشىن ماراپاتتالادى.
3. ءمينيستردىڭ العىسى دەنساۋلىق ساقتاۋ جۇيەسىنىڭ قىزمەتكەرلەرىنە مينيسترلىكتىڭ ماراپاتتاۋ جونىندەگى كوميسسياسىنىڭ مىنەزدەمەلەرىن قاراۋ ناتيجەلەرى بويىنشا شىعارىلعان ءمينيستردىڭ بۇيرىعىنىڭ نەگىزىندە:
1) مينيسترلىك باسشىلىعىنىڭ تاپسىرمالارىن ءتيىستى دەڭگەيدە جانە ادال ورىنداعانى ءۇشىن;
2) لاۋازىمدىق مىندەتتەرىن جانە اسا ماڭىزدى ءارى كۇردەلى تاپسىرمالاردى مۇلتىكسىز ورىنداعانى ءۇشىن جاريالانادى.
4. اسكەري-مەديتسينالىق (مەديتسينالىق) قۇرىلىمى بار مينيسترلىكتىڭ قاراماعىنداعى دەنساۋلىق ساقتاۋ ۇيىمدارى, ورتالىق اتقارۋشى ورگاندار, وزگە دە ورتالىق مەملەكەتتىك ورگاندار, قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارنايى وكىلى, كانديداتتاردىڭ مىنەزدەمەلەرىن مينيسترلىككە بەرەدى.
5. مەنشىك نىسانىنا قاراماستان دەنساۋلىق ساقتاۋ ۇيىمدارى, جەكە مەديتسينالىق پراكتيكامەن جانە فارماتسەۆتيكالىق قىزمەتپەن اينالىساتىن جەكە تۇلعالار كانديداتتاردىڭ مىنەزدەمەلەرىن ولاردى مينيسترلىككە جىبەرەتىن دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىنا بەرەدى.
6. مينيسترلىكتىڭ قۇرمەت گراموتاسىمەن جانە ءمينيستردىڭ العىسىمەن ماراپاتتاۋدى مينيسترلىكتىڭ باسشىلىعى ماراپاتتالاتىن ادامنىڭ ماراپاتتاۋ تۋرالى مالىمەتتەرىن ءمينيستردىڭ بۇيرىعىنىڭ كۇنى مەن ءنومىرىن كورسەتە وتىرىپ ەڭبەك كىتاپشاسىنا ەنگىزۋ ارقىلى جۇرگىزەدى.
6-1. مەديتسينالىق قىزمەتتى جۇزەگە اسىراتىن قىزمەتكەرلەردى اقشالاي سىياقى تۇرىندە كوتەرمەلەۋ لاۋازىمدىق مىندەتتەرىن ادال اتقارعانى, جۇمىستى, ونىڭ ىشىندە اسا كۇردەلى جانە شۇعىل جۇمىستاردى وتە ساپالى ورىنداعانى ءۇشىن, باستاماشىلدىعى, شىعارماشىلىق بەلسەندىلىگى جانە جۇمىستاعى باسقا دا جەتىستىكتەرى ءۇشىن جۇرگىزىلەدى.»;
كورسەتىلگەن بۇيرىقپەن بەكىتىلگەن كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينالىق قىزمەتكەرلەرگە ەڭبەكاقى تولەۋ جانە سالالىق كوتەرمەلەۋ جۇيەسى قاعيدالارىندا:
مىناداي مازمۇنداعى 26-1-تارماقپەن تولىقتىرىلسىن:
«26-1. مەديتسينا قىزمەتكەرلەرىنىڭ, مساك سۋبەكتىسىنىڭ بىلىكتىلىگىن ارتتىرۋعا جانە ولاردى قايتا دايارلاۋعا ارنالعان جبنىك ەسەپتى جىلدىڭ ىشىندە تولىق كولەمدە پايدالانۋعا جاتادى.»;
31- تارماقتىڭ ءبىرىنشى بولىگى مىناداي رەداكتسيادا جازىلسىن:
«31. مساك قىزمەتكەرلەرىنە جبنىك سوماسىن ءبولۋ تولىق كولەمدە تۇپكىلىكتى ناتيجە ينديكاتورلارىنا جانە مساك سۋبەكتىسى قىزمەتىنىڭ تۇپكىلىكتى ناتيجە ينديكاتورلارىنىڭ ماندەرىنە ىقپال ەتەتىن ينديكاتورلار پروتسەسىنە (بۇدان ءارى – ينديكاتورلار پروتسەسىنە) قول جەتكىزۋگە مساك قىزمەتكەرىنىڭ قوسقان ۇلەسىنە قاراي كوميسسيا شەشىمىنىڭ نەگىزىندە اي سايىن جۇزەگە اسىرىلادى.»;
32-تارماقتىڭ 4) تارماقشاسى مىناداي رەداكتسيادا جازىلسىن:
«4) مينيسترلىكتىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (بۇدان ءارى – مفقبك) جانە ونىڭ اۋماقتىق بولىمشەلەرى (بۇدان ءارى – مفقبك اد).»;
قاعيداعا 1-قوسىمشا وسى بۇيرىققا قوسىمشاعا سايكەس رەداكتسيادا جازىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.تس. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا.
قازاقستان رەسپۋبليكاسى دەنساۋلىق ساقتاۋ جانە
الەۋمەتتىك دامۋ ءمينيسترىنىڭ 2015 جىلعى 20 ناۋرىزداعى №157 بۇيرىعىنا قوسىمشا
كورسەتىلەتىن مەديتسينالىق كومەكتىڭ كولەمىنە, ساپاسىنا قاراي مەديتسينا
قىزمەتكەرلەرىنە ەڭبەكاقى تولەۋ جانە سالالىق كوتەرمەلەۋ جۇيەسىنە قاعيداسىنا 1-قوسىمشا
دەنساۋلىق ساقتاۋ ۇيىمىنىڭ مەديتسينا قىزمەتكەرلەرىنىڭ قىزمەتىن باعالاۋ كريتەريلەرى*
ر/س № كورسەتكىشتەردىڭ اتاۋى اقپارات كوزى ىقپالى
1. پاتسيەنتتەردىڭ قۇقىقتارىنىڭ
بۇزىلۋىمەن بايلانىستى
نەگىزدەلگەن جازباشا جانە اۋىزشا شاعىمداردىڭ بولۋى ۇيىم باسشىسىنىڭ كەلۋشىلەردى قابىلداۋ جۋرنالى, ازاماتتاردىڭ جازباشا شاعىمدارىن ەسەپكە الۋ جۋرنالى, بلوكتارعا ارنالعان سۇراتۋلار, مفقبك اد-نىڭ تەكسەرۋ پاراقتارى مەن اكتىلەرى بالل جانە
(نەمەسە) سومانى تومەندەتۋ
2. ەمدەۋ مەن دياگنوستيكالاۋ
ناتيجەسىندە تۋىنداعان الدىن الۋعا بولاتىن ءولىم جاعدايلارىنىڭ, اسقىنۋلاردىڭ, ونىڭ ىشىندە پاتسيەنتتىڭ مۇگەدەك بولۋىنا اكەلەتىن جاعدايلاردىڭ بولۋى ستاتسيونارلىق ناۋقاستىڭ ستاتيستيكالىق كارتالارى, ىشكى اۋديت قىزمەتىنىڭ باسشىسى بەكىتكەن بولىمشە مەڭگەرۋشىسىنىڭ نەمەسە كوميسسيانىڭ قورىتىندىسى, ساراپتامالىق تەكسەرىس اكتىلەرى, وجزك** وتىرىستارىنىڭ حاتتامالارى جانە مفقبك اد-نىڭ تەكسەرۋ پاراقتارى مەن اكتىلەرى بالل جانە
(نەمەسە) سومانى
تومەندەتۋ
3 مەملەكەتتىك باقىلاۋ ناتيجەسى بويىنشا بۇزۋشىلىقتاردىڭ بولۋى مفقبك اد-نىڭ تەكسەرۋ پاراقتارى مەن
اكتىلەرى بالل جانە (نەمەسە) سومانى
تومەندەتۋ
4 پاتسيەنتتەردىڭ قايتا جوسپارلانباعان كەلىپ ءتۇسۋ جاعدايلارىنىڭ بولۋى ء(بىر اۋرۋدىڭ سەبەبى بويىنشا ءبىر كۇنتىزبەلىك اي ىشىندە) ستاتسيونارلىق ناۋقاستاردىڭ ەلەكتروندىق تىركەلىمى بالل جانە (نەمەسە) سومانى
تومەندەتۋ
5 كلينيكالىق جانە پاتولوگيالىق-اناتوميالىق دياگنوزداردىڭ قايشى كەلۋ جاعدايلارىنىڭ بولۋى پاتولوگيالىق-اناتوميالىق زەرتتەۋ حاتتاماسى جانە پاتولوگيالىق-اناتوميالىق وتىرىستىڭ حاتتاماسى بالل جانە (نەمەسە) سومانى
تومەندەتۋ
6 قىزمەتتىڭ ستاتيستيكالىق
كورسەتكىشتەرىنىڭ وڭ ديناميكاسى مەملەكەتتىك باسقارۋ ورگانىنا ۇسىنىلاتىن ستاتيستيكالىق دەرەكتەر مەن ەسەپتەر بالل جانە (نەمەسە) سومانى
جوعارىلاتۋ
7 زاماناۋي تەحنولوگيالاردى
ەنگىزۋ, يننوۆاتسيالىق
قىزمەتتىڭ بولۋى دياگنوستيكالاۋدىڭ, ەمدەۋدىڭ جانە مەديتسينالىق وڭالتۋدىڭ جاڭا ادىستەرىن قولدانۋعا بەرىلگەن رۇقسات تۋرالى كۋالىكتىڭ بولۋى نەمەسە بولىمشە مەڭگەرۋشىسى قول قويعان جانە ەمدەۋ ءىسى بويىنشا باس دارىگەردىڭ ورىنباسارى بەكىتكەن ەنگىزۋ اكتىلەرىنىڭ بولۋى بالل جانە (نەمەسە) سومانى
جوعارىلاتۋ
8 باكتەريا بولەتىن ناۋقاستاردا ەمدەۋ پروتسەسىندە قاقىرىق ءسۇرتىندىسىنىڭ كونۆەرسياسىنا قول جەتكىزۋ *** تۋبەركۋلەزبەن اۋىراتىن ناۋقاستىڭ مەديتسينالىق كارتاسى, تۋبەركۋلەزبەن اۋىراتىن ناۋقاستاردىڭ ۇلتتىق تىركەلىمى بالل جانە (نەمەسە) سومانى جوعارىلاتۋ
9 تۋبەركۋلەزبەن اۋىراتىن ناۋقاستاردىڭ تۋبەركۋلەزگە قارسى پەراپاراتتاردى قابىلداۋدى وتكىزىپ العانىن انىقتاعانى ءۇشىن *** تۋبەركۋلەزبەن اۋىراتىن ناۋقاستىڭ مەديتسينالىق كارتاسى, تۋبەركۋلەزبەن اۋىراتىن ناۋقاستاردىڭ ۇلتتىق تىركەلىمى *** بالل جانە (نەمەسە) سومانى جوعارىلاتۋ
ەسكەرتپە:
*ۇسىنىس سيپاتىنا يە جانە دەنساۋلىق ساقتاۋ سۋبەكتىسى قىزمەتىنىڭ ناتيجەسىن جانە كورسەتىلەتىن قىزمەتتەردىڭ ساپاسىن ارتتىرۋعا مەديتسينا قىزمەتكەرلەرىنىڭ قوسقان ۇلەسىن باعالاۋ بويىنشا تۇراقتى جۇمىس ىستەيتىن كوميسسيانىڭ كەلىسىمىمەن پەرسونال قىزمەتىنىڭ بەيىنى مەن ساناتىن ەسەپكە الا وتىرىپ, دەنساۋلىق ساقتاۋ سۋبەكتىسىنىڭ قاجەتتىلىكتەرىنە بايلانىستى تولىقتىرىلادى نەمەسە وزگەرتىلەدى.
**وجزك – ءولىم جاعدايلارىن زەرتتەۋ جونىندەگى كوميسسيا.
*** تۋبەركۋلەزگە قارسى ۇيىمدارعا قولدانىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 23 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10792 بولىپ ەنگىزىلدى.