2016 جىلعى 7 ءساۋىر, استانا, ۇكىمەت ءۇيى
«قارجىلىق ەسەپتىلىكتى دەپوزيتاريگە بەرۋ قاعيدالارىن بەكىتۋ تۋرالى»قازاقستان رەسپۋبليكاسى ۇكىمەتىنىڭ 2011 جىلعى 14 قازانداعى №1173 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قارجىلىق ەسەپتىلىكتى دەپوزيتاريگە بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 14 قازانداعى № 1173 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 57, 812-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن قارجىلىق ەسەپتىلىكتى دەپوزيتاريگە بەرۋ قاعيدالارىندا:
2-تارماق مىناداي رەداكتسيادا جازىلسىن:
«2. دەپوزيتاري - جىلدىق قارجىلىق ەسەپتىلىك جانە ۇيىمدار جىل سايىن بەرىپ وتىراتىن اۋديتورلىق ەسەپتەر, اكتسيونەرلىك قوعامداردىڭ ۇلەستەس تۇلعالارىنىڭ ءتىزىمى, سونداي-اق اكتسيونەرلىك قوعامداردىڭ كورپوراتيۆتىك وقيعالارى تۋرالى اقپارات قامتىلاتىن, پايدالانۋشىلار ءۇشىن اشىق قولجەتىمدى ەلەكتروندىق دەرەكتەر بازاسى.»;
6-تارماقتىڭ ءبىرىنشى بولىگى مىناداي رەداكتسيادا جازىلسىن:
«6. قازاقستان رەسپۋبليكاسى زاڭناماسىنىڭ تالاپتارىنا سايكەس اۋديت مىندەتتى بولىپ تابىلاتىن ۇيىمدار وسى قاعيدالاردىڭ 8-تارماعىندا بەلگىلەنگەن تارتىپپەن ۋاكىلەتتى ۇيىمعا «PDF (Portable Document Format)» ەلەكتروندىق فورماتىندا اۋديتورلىق ەسەپتى دە (قول قويىلعان جانە اۋديتورلىق ۇيىمنىڭ مورىمەن كۋالاندىرىلعان قاعاز نۇسقانىڭ سكانەرلەنگەن كوشىرمەسىن) بەرەدى. ەنشىلەس ۇيىمدارى بار ۇيىمدار اۋديتورلىق ەسەپتى شوعىرلاندىرىلعان ەسەپتىلىك بويىنشا ۇسىنادى.»;
8-تارماقتىڭ 1) تارماقشاسى مىناداي رەداكتسيادا جازىلسىن:
«1) ۋاكىلەتتى ۇيىمنىڭ وڭىرلىك بولىمشەلەرىندە (ەلەكتروندىق اقپارات تاسىعىشتاردا) نەمەسە دەپوزيتاريدىڭ ۆەب-سايتىندا الۋعا بولاتىن باعدارلامالىق قامتاماسىز ەتۋ ارقىلى قارجىلىق ەسەپتىلىكتى دايىندايدى. باعدارلامالىق قامتاماسىز ەتۋ ارقىلى جۇمىس ىستەۋ ناتيجەسىندە قارجىلىق ەسەپتىلىگى, ونى بەكىتۋ تۋرالى شەشىمى جانە اۋديتورلىق ەسەبى, سونداي-اق ونىڭ سايكەستەندىرۋ كورسەتكىشتەرى بار ءبىر مۇراعات فايلى (بۋدان ءارى - ەلەكتروندىق ەسەپ) قالىپتاستىرىلادى, وعان وسى قاعيدالارعا قوسىمشاعا سايكەس ۇلتتىق كۋالاندىرۋشى ورتالىق بەرگەن ۇيىمنىڭ ەلەكتروندىق تسيفرلىق قولتاڭباسىمەن قول قويىلۋى قاجەت;»;
11-تارماق مىناداي مازمۇنداعى ەكىنشى بولىكپەن تولىقتىرىلسىن: «ۋاكىلەتتى ۇيىم ۇسىنىلعان اۋديتورلىق ەسەپتىڭ جانە قارجىلىق ەسەپتىلىكتىڭ مازمۇنىن قارامايدى.»;
كورسەتىلگەن قاعيدالارعا قوسىمشا وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ
2016 جىلعى 7 ساۋىردەگى №187 قاۋلىسىنا قوسىمشا
قارجىلىق ەسەپتىلىكتى دەپوزيتاريگە بەرۋ قاعيدالارىنا قوسىمشا
قارجىلىق ەسەپتىلىك دەپوزيتاريى ۇيىمىنىڭ سايكەستەندىرۋ كورسەتكىشتەرى
ر/س
№ كورسەتكىش تۇسىندىرمە
1. بسن ۇيىمنىڭ بيزنەس-سايكەستەندىرۋ ءنومىرى
2. مەملەكەتتىك تىركەلگەن كۇنى ۇيىمنىڭ مەملەكەتتىك (ەسەپتىك) تىركەلگەن
(قايتا تىركەلگەن) كۇنى
3. اتاۋ ۇيىمنىڭ تولىق اتاۋى
4. ورنالاسقان جەرى ۇيىمنىڭ زاڭدى مەكەنجايى (پوشتالىق يندەكسى, وبلىس,
اۋدان, ەلدى مەكەن, كوشەنىڭ اتاۋى, ءۇيدىڭ, پاتەردىڭ, تەلەفوننىڭ, فاكستىڭ ءنومىرى, ۆەب-سايتى, ە-mail)
5. باسشى (جوعارى
لاۋازىمدى تۇلعا) ۇيىمنىڭ ءبىرىنشى باسشىسىنىڭ (ۇيىمنىڭ جوعارى لاۋازىمدى تۇلعاسىنىڭ) تەگى, اتى-ءجونى جانە جەكە سايكەستەندىرۋ ءنومىرى (جسن)
6. بۋحگالتەر ۇيىمنىڭ باس بۋحگالتەرىنىڭ تەگى, اتى-ءجونى جانە جسن, سونداي-اق كاسىبي بۋحگالتەردىڭ سەرتيفيكاتى تۋرالى مالىمەتتەر (كىم بەردى, بەرىلگەن كۇنى, سەرتيفيكاتتىڭ ءنومىرى), ول مۇشەسى بولىپ تابىلاتىن بۋحگالتەردىڭ كاسىبي ۇيىمىنىڭ اتاۋى (مۇشەلىك بيلەتتىڭ نەمەسە بۋحگالتەردىڭ كاسىبي ۇيىمىندا مۇشەلىگىن راستايتىن قۇجاتتىڭ ءنومىرى جانە بەرىلگەن كۇنى)