بۇگىندە بارلىق مەنشىك نىساندارىنداعى كاسىپورىن قىزمەتكەرلەرىنە ەڭبەكاقىنىڭ ۋاقتىلى بەرىلۋىن قامتاماسىز ەتۋ جونىندەگى شارالار كەشەنى جۇرگىزىلۋدە. بۇل باعىتتا ۋاكىلەتتى مەملەكەتتىك ورگاندارمەن, جۇمىس بەرۋشىلەر قاۋىمداستىعىمەن جانە كاسىپوداقتارمەن ءتيىستى ءىس-ارەكەت جاساۋ جۇيەسى ورناتىلعان. وعان قوسا, ەڭبەكاقى بويىنشا مەرزىمى وتكەن قارىزداردى جابۋ ماقساتىندا تۇراقتى مونيتورينگ جۇرگىزىلۋدە.
مىنە, وسىلايشا, جىل باسىنان بەرى قاداعالاۋ اكتىلەرىمەن 2 ملرد. تەڭگە كولەمىندەگى 30 مىڭعا جۋىق ازاماتتىڭ ەڭبەكاقىسى بويىنشا قارىزىن قايتارۋ قامتاماسىز ەتىلگەن. مىسالى, وسى جىلدىڭ ءساۋىر ايىندا اقتوبە وبلىستىق پروكۋراتۋراسىنىڭ ارالاسۋى ارقاسىندا «ويلتەحنوگرۋپپ» جشس, «لاد» جشس جانە «اككول» جشس-ءنىڭ جالپى سومماسى 28,2 ملن. تەڭگەنى قۇرايتىن قارىزى قىزمەتكەرلەرگە بەرىلدى.
ال اقمولا وبلىسىنىڭ پروكۋراتۋراسى قۇزىرەتتى ورگاندارمەن بىرلەسە وتىرىپ «جەكە باتىر» جشس-ءنىڭ 15 قىزمەتكەرىنە 148,7 ملن. تەڭگە قارىزدى وتەۋ جونىندەگى شارالاردى قابىلدادى. سونىمەن قاتار, ازاماتتاردىڭ ەڭبەك قۇقىقتارىنىڭ بۇزىلۋىنا كىنالى تۇلعالاردى جاۋاپكەرشىلىككە تارتۋ جونىندەگى ماسەلە دە پروكۋرورلاردىڭ ەرەكشە باقىلاۋىندا تۇر. ماسەلەن, جىل باسىنان بەرى پروكۋرورلىق قاداعالاۋ اكتىلەرى بويىنشا 245 جۇمىس بەرۋشى اكىمشىلىك جاۋاپكەرشىلىككە تارتىلدى, دەپ حابارلادى باس پروكۋراتۋرانىڭ ءباسپاسوز قىزمەتى.