17 جىلدا قازاقستاندىقتاردىڭ ىنتىماقتى زەينەتاقىسىنىڭ ورتاشا كولەمى 9,4 ەسەگە ۇلعايدى, دەپ حابارلادى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى.
1999-2015 جىلدار ارالىعىندا قازاقستاندا ىنتىماقتى زەينەتاقىنىڭ ورتاشا كولەمى 9,4 ەسەگە ۇلعايدى. 1999 جىلى ىنتىماقتى زەينەتاقىنىڭ ورتاشا كولەمى 4 مىڭ 179 تەڭگە بولدى, 2015 جىلى اتالعان كورسەتكىش 39 مىڭ 379 تەڭگەنى قۇرادى.
كورسەتىلگەن كەزەڭدە زەينەتاقى شىعىندارى 1999 جىلى 99,1 ملرد.تەڭگەدەن 2015 جىلى 918,4 ملرد. تەڭگەگە دەيىن 9,3 ەسەگە جۋىق ءوستى.
ەستەرىڭىزگە سالا كەتەيىك, قازاقستانداعى ىنتىماقتى زەينەتاقىنىڭ كولەمى جىل سايىن ينفلياتسيا دەڭگەيىنەن 2% باسىم كورسەتكىشپەن يندەكستەلەدى. 2016 جىلعى 1 قاڭتاردان باستاپ ىنتىماقتى زەينەتاقى تولەمدەرى 9%-عا ءوستى. بيىلعى جىلعى 1 ناۋرىزداعى مالىمەتتەرگە سايكەس, قازىر قازاقستاندا 1,9 ملن. زەينەتكەر بار ەكەن.