استانا. 13 ءساۋىر. بۇگىن فۋتبولدان ۋەفا چەمپيوندار ليگاسىنىڭ شيرەك فينالدىق ماتچتارى باستالدى. العاشقى ويىندار مادريد پەن مانچەستەر قالالارىندا ءوتتى. بۇل تۋرالى egemen.kz ءتىلشىسى حابارلادى.
«رەال» (مادريد, يسپانيا) – «ۆولفسبۋرگ» (ۆولفسبۋرگ, گەرمانيا) 3:0 (2:0)
يسپانيانىڭ «رەال» كومانداسى ءوز الاڭىندا گەرمانيانىڭ «ۆولفسبۋرگ» كلۋبىن قابىلداپ, 3:0 ەسەبىمەن جەڭىسكە جەتتى. ۆولفسبۋرگە وتكەن ءبىرىنشى ويىندا ءمادريدتىڭ كومانداسى 2:0 ەسەبىمەن جەڭىلگەنىن بىلەمىز. سوندىقتان «رەالعا» جارتىلاي فينالعا شىعۋ ءۇشىن قارسىلاستارىن ءۇش دوپ ايىرماشىلىعىمەن نەمەسە ەڭ بولماعاندا گول جىبەرمەي 2:0 ەسەبىمەن ۇتۋ كەرەك بولاتىن. سوندا عانا الاڭ يەلەرىنە جارتىلاي فينالعا جول اشىلاتىن ەدى. ءمادريدتىڭ كلۋبى وسى ماقساتتى تولىعىمەن, ءتىپتى ارتىعىمەن ورىندادى دەسە بولادى. كەزدەسۋدە رونالدۋ ءۇش دوپ سوعىپ, حەت-تريك جاسادى. ول ءبىرىنشى گولىن 16 مينۋتتا, ەكىنشىسىن ءبىر مينۋت وتكەندە سوقسا, ءۇشىنشى دوبىن 77 مينۋتتا تورعا توعىتتى. ءسويتىپ, «رەال» ەكى ويىننىڭ ناتيجەسى بويىنشا جارتىلاي فينالعا شىقتى. ال, «ۆولفسبۋرگ» اتاقتى ءمادريدتىڭ كلۋبىنا ەكى ماتچتا ناعىز قارسىلاس بولىپ, لايىقتى ويىن ورنەگىن كورسەتتى.
ۋەفا چەمپيوندار ليگاسى 1/4 فينالىنداعى قارسىلاستاردىڭ ەكىنشى ماتچتارى.
13 ءساۋىر. مادريد. «سانتياگو بەرنابەۋ» ستاديونى.
تورەشى: كاششاي ۆيكتور (ۆەنگريا)
«رەال»:ناۆاس,كارۆاحال, راموس (كاپيتان), پەپە, مارسەلو, كرووس, كاسەميرو, مودريچ (ۆاران 90'), بەيل, بەنزەما (حەسە 84’),رونالدۋ
«ۆولفسبۋرگ»: بەنالو (كاپيتان), ۆيەيرينيا, نالدو, دانتە, رودريگەس, گۋستاۆو, گيلاۆوگي (دوست 80’), ەنريكە (كاليدجيۋري 73’), ارنولد, دراكسلەر (كرۋزە 32’), شيۋررلە
گولدار: رونالدۋ 16’, 17’, 77’
ەسكەرتۋ الدى: رونالدۋ 80’ — ارنولد 45’, گۋستاۆو 76’, دانتە 85’, ۆيەيرينيا 90’
«مانچەستەر سيتي» (مانچەستەر, انگليا) – «پاري سەن-جەرمەن» (پاريج, فرانتسيا) 1:0
بۇل كەزدەسۋ دە تارتىستى جانە قىزىقتى ءوتتى. پاريجدە قارسىلاستار 2:2 ەسەبىمەن تەڭ ويناعان سوڭ, ەكەۋىنە دە جارتىلاي فينالعا شىعۋ ءۇشىن جەڭىس كەرەك ەدى. سوندىقتان كوماندالار ويىن باستالىسىمەن قورعانىستا جاتىپ الماي, شابۋىلعا شىعىپ, دوپ سوعۋعا تىرىستى. الايدا ءبىرىنشى تايمدا قارسىلاستار ءبىر-بىرىنە قانشاما رەت قاۋىپتى جاعداي جاساعانىمەن, ەشكىم گول سوعا المادى. ويىننىڭ تاعدىرى ەكىنشى تايمدا شەشىلدى. 76 مينۋتتا الاڭ يەلەرىنىڭ دە برەينە دەگەن جارتىلاي قورعاۋشىسى جالعىز دوپتىڭ اۆتورى اتاندى.
ءسويتىپ, «مانچەستەر سيتي» جارتىلاي فينالعا شىقتى. بۇعان كوماندا ابدەن لايىق دەپ ويلايمىز.
13 ءساۋىر. مانچەستەر «ەتيحاد ستەديۋم» ستاديونى.
تورەشى: كاربالو كارلوس ۆەلاسكو
«مانچەستەرسيتي»: حارت, سانيا, وتامەندي, مانگالا, كليشي, فەرناندينو, فەرناندو, ناۆاس, دە بريوينە (تۋرە 84’), سيلۆا (دەلف 87’), اگۋەرو (يحەناچو 90’)
«پاري سەن-جەرمەن»: تراپپ, ۆان دەر ۆيل گرەگوري, ورە (پاستورە 61’), سيلۆا, ماكسۆەلل, رابيو, ماركينوس, موتتا (لۋكاس 44’), دي ماريا, يبراگيموۆيچ, كاۆاني.
گول: دە بريوينە 76’
ەسكەرتۋ الدى: فەرناندينو 72’ — تراپپ 29’, پاستورە 67’, ۆان دەر ۆيل گرەگوري 68’
داستان كەنجالين.
دەرەك, فوتو: eurosport, euro-football.ru
ۆيدەو: vkontakte الەۋمەتتىك جەلىسى.