استانا. 13 ءساۋىر. پاكىستاننىڭ پەندجاب پروۆينتسياسىنا قاراستى فەيسالاباد قالاسىندا جولاۋشىلار اۆتوبۋسى مەن جۇك كولىگى سوقتىعىسىپ, 18 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
اۆتوبۋس ىشىندە بارلىعى 50 ادام بولعان. «سينحۋا» اگەنتتىگىنىڭ حابارلاۋىنشا, اپاتتىڭ سالدارىنان 14 ادام ءتۇرلى دەڭگەيدە دەنە جاراقاتىن الدى. قازىرگى كەزدە ولاردىڭ ءبارى اۋرۋحانالارعا جەتكىزىلدى. دارىگەرلەر ولاردىڭ جاعدايى جاقسارعانىن مالىمدەدى.
الدىن الا بولجام بويىنشا, اۆتوبۋس الدىنداعى كولىكتى باسىپ وزامىن دەپ جولدىڭ قارسى بەتىنە شىعىپ كەتكەن. ءدال وسى كەزدە جۇك كولىگىنە سوقتىعىسقان. اۆتوبۋس جۇرگىزۋشىسى وقيعا ورنىندا مەرت بولدى.
ايان ءابدۋالي.
دەرەك: تاسس.
فوتو: rian.com.ua.